ஈஷா சங்கமித்ரா

சத்குரு இங்கே வாழும் காலத்தில், லட்சக்கணக்கானவர்களுக்கு போய் சேரும்படி உள்நிலை வளர்ச்சிக்கான கருவிகளை அர்ப்பணிக்கும் ஒரு வரலாற்று நிகழ்வின்போது, சக்திமிக்க இந்த புனித வளாகத்தின் ஒரு அங்கமாக நான் இருப்பது எனக்கு கிடைத்த வரம்தான்.

"நாம் தவறாக பயன்படுத்தப் படுகிறோமா?” என்ற கவலை ஏதும் இன்றி, மக்களின் சேவைக்கு பரிபூரணமாக என்னை அர்ப்பணித்து வாழக்கூடிய ஒரு இடம் உள்ளது என்று நான் முன்பு அறிந்திருக்கவில்லை.  இங்கே தினமும் முழு ஆனந்தத்தோடும், சுதந்திரத்தோடும் அதை நான் செயல்படுத்த முடிகிறது. இது எனக்கு கிடைத்த பெரும் பாக்கியம்! நான் கவனித்துக்கொள்ளப்படுகிறேன் என்ற உணர்வு எனக்கு எப்போதுமே இருக்கிறது. இந்த இடத்தை இந்த விதத்தில் அமைத்திருக்கும் அனைவருக்கும் நான் தலைவணங்குகிறேன்."

முதன்முறையாக இந்த வளாகத்திற்குள் நான் நுழைந்தவுடனேயே அதோடு என்னால் தொடர்புகொள்ள முடிந்தது. எளிமையான அழகான கட்டிட அமைப்புகள், மாசற்ற இயற்கை வளம், கனிவான பணிவான மனிதர்கள்... அதோடு இங்குள்ள ஒவ்வொரு விஷயத்துக்கும் செலுத்தப்பட்டுள்ள நுட்பமான கவனம், அக்கறை... இப்படி எல்லாமே என்னை கவர்ந்தது.

சில மாதங்களுக்கு முன்புதான் எனக்கு 50 வயது ஆகியிருக்கிறது என்பதை சமீபத்தில்தான் உணர்ந்தேன் - ஆனால் எனக்கு வயதாகிவிட்டது என்று நான் உணரவில்லை. உண்மையில் நான் கல்லூரி நாட்களில் இருந்ததைவிட அதிக உயிர்ப்போடும், உற்சாகத்தோடும் இப்போதுதான் இருப்பதாக உணர்கிறேன். ஈஷாவுடனான, சத்குருவுடனான என்னுடைய இந்தப் பயணம் மிகவும் வளமாகவும், மனநிறைவோடும் இருக்கிறது. உலகிலுள்ள எதற்காகவும் இதை நான் விட்டுக்கொடுக்கப் போவதில்லை.

ஞானம் பெற்ற ஒருவரின் இருப்பில் இருப்பதன் சுவையை உணர்ந்த பிறகு... அது எனக்கு என்ன செய்கிறது என்பதைப் பற்றி உங்களுக்கு விளக்க என்னிடம் வார்த்தைகள் இல்லை. ஆனால், சத்குரு உயிரோடு இருக்கிறார் என்று அறிந்த பின், இனி உலகில் வேறெங்கேயும் என்னால் வாழ முடியாது என்பதை மட்டும் நான் அறிவேன்.

ஈஷா யோக மையத்தில் வாழ்வதில் மிகவும் மதிப்புமிக்கதாக நான் கருதுவது என்னவென்றால், இந்த இடம் அமைக்கப்பட்டுள்ள விதம்தான். அதாவது, "எனக்கு என்ன கிடைக்கும்" என்ற கேள்விக்கே இடமில்லாமல், இங்கே நான் செய்யும் பணிகளை முழு ஈடுபாட்டோடு தொடர்ந்து செய்துகொண்டும், ஆன்மீகப் பயிற்சிகளை முழுவீச்சில் செய்துகொண்டும் வாழ முடிகிறது.

ஆன்மீகத் தேடுதலில் இருக்கும் ஒருவருக்கும் இந்த இடம் மிக உகந்ததாக இருக்கிறது.  காரணம், இங்குள்ள சப்போர்ட் சிஸ்டம்தான் என்று நான் நினைக்கிறேன் - பிரதிஷ்டை செய்யப்பட்ட சக்தியான இடங்கள், இங்குள்ள மனிதர்கள் இருக்கும் விதம், உணவு பரிமாறப்படும் விதம்... சின்ன சின்ன விஷயங்கள். நிபந்தனையற்ற சப்போர்ட் இருந்தாலும், இங்கு இருப்பவர்களோடு சிக்கிப்போவது இல்லை. இங்கே இருப்பதற்கு பதிலாக வேறு என்ன தந்தாலும் அது வேண்டாம் என்று சொல்லிவிடுவேன்.

என்னிடம் பலப்பல ஆசைகளின் முடிவில்லாத பட்டியல் மட்டும் இருந்தது, ஆனால் எந்த தெளிவான பார்வையும் இல்லை.  ஈஷா யோக மையத்தை நான் கண்டறிந்தது - இதுவரை யாருமே காணாத ஒரு தங்கச் சுரங்கத்தை கண்டறிந்ததற்கு நிகராகும். நான் ஆழமாக தோண்டத் தோண்ட, என்னுடைய உள்நோக்கிய இந்த பயணம் தங்கத்தைவிட மதிப்புமிக்கது என்று உணர்கிறேன். எவ்வளவு முடியுமோ அவ்வளவு தீவிரமாக இந்த வாழ்க்கையை வாழவேண்டும் என்பதுதான் இப்போது எனக்குள் எரிந்துகொண்டிருக்கும் ஆசை.

சத்குரு இங்கே வாழும் காலத்தில், லட்சக்கணக்கானவர்களுக்கு போய் சேரும்படி உள்நிலை வளர்ச்சிக்கான கருவிகளை அர்ப்பணிக்கும் ஒரு வரலாற்று நிகழ்வின்போது, சக்திமிக்க இந்த புனித வளாகத்தின் ஒரு அங்கமாக நான் இருப்பது எனக்கு கிடைத்த வரம்தான்.