ಸದ್ಗುರುಗಳ ತವರೂರಾದ ಮೈಸೂರಿನಲ್ಲಿ, ಮಣ್ಣುಉಳಿಸಿ‌‌ ಅಭಿಯಾನದ ಸಂದರ್ಭದಲ್ಲಿ ಸುಪ್ರಸಿದ್ಧ ಚಿತ್ರಗಳಾದ ಕೆ.ಜಿ.ಎಫ್ ಮತ್ತು ಕೆ.ಜಿ.ಎಫ್ -2 ನಲ್ಲಿ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದ ಶ್ರೀನಿಧಿ ಶೆಟ್ಟಿಯವರು ಸದ್ಗುರುಗಳನ್ನು ಭೇಟಿಯಾಗಿ ಮೈಸೂರಿನ ಕುರಿತು ಅವರಿಗಿರುವ ಪ್ರೇಮ ಮತ್ತು ಮಣ್ಣು ಉಳಿಸಿ‌ ಅಭಿಯಾನದ ಬಗ್ಗೆ ಚರ್ಚಿಸುತ್ತಾರೆ. ಮಣ್ಣು ಉಳಿಸಿ ಅಭಿಯಾನವು ಸದ್ಗುರುಗಳಿಂದ ರೂಪಿಸಲ್ಪಟ್ಟ ಒಂದು ಜಾಗತಿಕ ಅಭಿಯಾನವಾಗಿದ್ದು ಸನ್ನಿಹಿತವಾಗಿರುವ ಮಣ್ಣಿನ ಅಳಿವಿನೆಡೆ ಸಂಘಟಿತ ಹಾಗೂ ಪ್ರಜ್ಞಾವಂತ ಸ್ಪಂದನೆಯನ್ನು ಹೊರತರಲು ಪ್ರಯತ್ನಿಸುತ್ತಿದೆ.

ಮಹಾನ್ ಮೇಧಾಶಕ್ತಿಯು ಹಿಂದಿನ ಜನ್ಮದ ಫಲವೇ ಎನ್ನುವ ಪ್ರಶ್ನೆಗೆ‌ ತಮ್ಮ ತಮ್ಮ ಕಾರ್ಯಕ್ಷೇತ್ರಗಳಲ್ಲಿ ಮೇಧಾವಿಗಳಾಗಿದ್ದ ರಾಮಾನುಜನ್ ಮತ್ತು ಬೀಥೋವನ್ ಅವರ ಬದುಕಿನ ಬಗ್ಗೆ ವಿವರಿಸುವುದರ ಮೂಲಕ ಸದ್ಗುರುಗಳು ಉತ್ತರಿಸುತ್ತಾರೆ.

ಸದ್ಗುರುಗಳು ಹೊಸ ವರ್ಷದ ಮಹತ್ವದ ಬಗ್ಗೆ ಮಾತನಾಡುತ್ತಾ, ಪ್ರತಿ ದಿನ ಮತ್ತು ಪ್ರತಿ ಆರಂಭವು ಆಚರಿಸಲು ಏಕೆ ಯೋಗ್ಯವಾಗಿದೆ ಎಂಬುದನ್ನು ವಿವರಿಸುತ್ತಾರೆ. ಜೊತೆಗೆ ನಾವು ಮಾನವರಾಗಿ ಹುಟ್ಟಿರುವುದರ ಅಪಾರ ಸಾಧ್ಯತೆಗಳ ಬಗ್ಗೆ ನಮ್ಮಲ್ಲಿ ಅರಿವು ಮೂಡಿಸುತ್ತಾ, ಹೊಸ ವರ್ಷದಲ್ಲಿ ಈ ಸವಲತ್ತನ್ನು ಅತ್ಯುತ್ತಮವಾಗಿ ಉಪಯೋಗಿಸುವಂತೆ ಹೇಳುತ್ತಾರೆ.

ಯಾವುದೇ ರೀತಿಯ ಬಾಹ್ಯ ಬೆಂಬಲವಿಲ್ಲದೆ ಖಿನ್ನತೆಯನ್ನು ಹೇಗೆ ಜಯಿಸುವುದು ಎಂಬುದರ ಕುರಿತು ಸದ್ಗುರುಗಳು ತಿಳಿಸುತ್ತಾರೆ.

ಮಾನವರ ಮನಸ್ಸಿನ ಸ್ವಭಾವದ ಬಗ್ಗೆ ವಿವರಿಸುವ ಸದ್ಗುರುಗಳು, ಇಂದು ಜನರು ಎದುರಿಸುತ್ತಿರುವ ಸಾಮಾನ್ಯ ಸಮಸ್ಯೆಯಾದ "ನಿರ್ಧಾರ ತೆಗೆದುಕೊಳ್ಳುವುದು ಹೇಗೆ" ಎಂಬುದರ ಕುರಿತು ಮಾತನಾಡುತ್ತಾರೆ.

ಹೊಸ ವರ್ಷ ಅಂದರೆ ಎಲ್ಲರಲ್ಲೂ ಒಂದು ಬಗೆಯ ಸಂಭ್ರಮ. ಬದುಕನ್ನು ಒಮ್ಮೆ ಅವಲೋಕಿಸಿ, ಒಮ್ಮೆ ಎಲ್ಲವನ್ನೂ ಹೊಸತಾಗಿ ಆರಂಭಿಸುವ ಹುಮ್ಮಸ್ಸು. ಬೆನ್ನಲ್ಲೇ ಹೊಸವರ್ಷದಲ್ಲಿ ಒಂದಿಷ್ಟನ್ನು ಸಾಧಿಸುವ ಕನಸು. ಜೊತೆಗೊಂದಿಷ್ಟು ಅಳುಕು. ಹೊಸವರ್ಷ ಚೆನ್ನಾಗಿರಲೆಂಬ ಹರಕೆ. ಹೊಸರ್ವರ್ಷದಲ್ಲಿ ಯಾವ ಕೆಲವು ಚಿಕ್ಕ ವಿಷಯಗಳನ್ನು ಅಳವಡಿಸಿಕೊಂಡರೆ ಮತ್ತಷ್ಟು ಉತ್ತಮ ಮನುಷ್ಯನಾಗುವತ್ತ ಸಾಗಬಹುದು? ಕೇಳಿ ಸದ್ಗುರುಗಳ 5 ಅಮೂಲ್ಯ ಟಿಪ್ಸ್ ಗಳನ್ನು!

ಬದುಕಿನಲ್ಲಿ ತುಂಬಾ ಸಮಸ್ಯೆಗಳಿವೆಯೇ? ಇವಕ್ಕೆಲ್ಲ ಪರಿಹಾರ ಏನು? ಸಮಸ್ಯೆಗಳೇ ಇಲ್ಲದಂತೆ ಬದುಕೋದು ಹೇಗೆ?

ತಾವು ಯಾವುದೇ ಪ್ರಾಪಂಚಿಕ ವಿಷಯಗಳ ಬಗ್ಗೆ ವಿಶೇಷ ತರಬೇತಿ, ಕಲಿಕೆಗಳನ್ನು ಪಡೆದಿಲ್ಲವಾದರೂ ಅವುಗಳನ್ನು ಮೊದಲ ಬಾರಿಯೇ ಚೆನ್ನಾಗಿ ಮಾಡುವುದಾಗಿಯೂ, ಇದು ಎಲ್ಲರಿಗೂ ಸಾಧ್ಯವೆಂದೂ ಸದ್ಗುರುಗಳು ವಿವರಿಸುತ್ತಾರೆ.

"ಮನಸ್ಸು ಎಲ್ಲೆಲ್ಲೋ ಹೋಗುತ್ತದೆ" ಎಂಬ ವಾಡಿಕೆಯ ಮಾತು ಹುರುಳಿಲ್ಲದ್ದು ಎಂದು ತೋರಿಸಿಕೊಡುತ್ತಾ, ಮನಸ್ಸನ್ನು ಸುಮ್ಮನಾಗಿಸುವುದು ಏಕೆ ಎಲ್ಲರಿಗೆ ಅಸಾಧ್ಯವಾಗಿಬಿಟ್ಟಿದೆ ಎಂದು ಸದ್ಗುರುಗಳು ಇಲ್ಲಿ ವಿವರಿಸುತ್ತಾರೆ. ಹಾಗೂ ಮನಸ್ಸನ್ನು ಸರಿಯಾಗಿ ನಿರ್ವಹಿಸಲು ಅನುಸರಿಸಬೇಕಾದ ಮೂಲ ಸೂತ್ರವನ್ನು ಸಂಕ್ಷಿಪ್ತವಾಗಿ ತಿಳಿಯಪಡಿಸುತ್ತಾರೆ. ಶೂನ್ಯ ಧ್ಯಾನವು ಸಾಧಕರಿಗಾಗಿ ಅವರು ಸಿದ್ಧಪಡಿಸಿದ ಒಂದು ಪ್ರಬಲವಾದ ಧ್ಯಾನ ಪ್ರಕ್ರಿಯೆ. ಇದು ಈಶ ಯೋಗದ ಮೇಲ್ಮಟ್ಟದ (Advanced) ಕಾರ್ಯಕ್ರಮಗಳಲ್ಲಿ ಒಂದು.

ತನ್ನ ಜೀವನದಲ್ಲಿ ಏನು ಮಾಡುವುದು ಸರಿ, ಕಾಲೇಜಿಗೆ ಹೋಗುವುದೋ, ವೃತ್ತಿಪರ ಕೆಲಸ ಮಾಡುವುದೋ, ಅಥವಾ ಆಶ್ರಮದಲ್ಲಿ ಹೆಚ್ಚು ಸಮಯ ಕಳೆಯುವುದೋ ಎಂಬ ಯುವಕನೊಬ್ಬನ ಪ್ರಶ್ನೆಯನ್ನು ಸದ್ಗುರು ಉತ್ತರಿಸುತ್ತಾರೆ.

ಕೆಲವು ತೀವ್ರ ಮತೀಯ ನಂಬಿಕೆಗಳನ್ನು ಹೊಂದಿರುವ ಸಂಸ್ಕೃತಿಗಳು ಲೈಂಗಿಕತೆಯನ್ನು ’ಮೂಲಭೂತ ಪಾಪ’ ಎಂದು ಜರೆದಿವೆ. ನಾವೆಲ್ಲರೂ ಹುಟ್ಟಿದ್ದೇ ಅದರಿಂದ ಅಲ್ಲವೇ? ಹಾಗಿದ್ದರೆ ಲೈಂಗಿಕತೆ ಪಾಪ ಅಂತಾಗಿಬಿಟ್ಟರೆ, ನಮ್ಮ ಅಸ್ತಿತ್ವದ ಬಗ್ಗೆಯೇ ಅಪರಾಧಿ ಭಾವ ಮೂಡುತ್ತದೆ ಅಲ್ಲವೇನು? ಹಾಗಿದ್ದರೆ, ಆ ಸಂಸ್ಕೃತಿಗಳು ಜನರಲ್ಲಿ ಇಂಥದ್ದೊಂದು ಭಾವ ಹುಟ್ಟುವಂತೆ ಮಾಡಿರುವುದು ಏಕೆ? ಅವರ ಉದ್ದೇಶವೇನು? ಇದರಲ್ಲಿರುವ ಸತ್ಯಾಸತ್ಯತೆ ಏನು? ಸದ್ಗುರುಗಳ ಮಾತುಗಳಲ್ಲಿ ಕೇಳಿ! ಲೈಂಗಿಕತೆ ಪಾಪವೇ? | Laingikate Paapave?

ಪ್ರೀತಿ ಮುರಿದು ಬಿದ್ದಾಗ ಅದನ್ನು ಮರೆತು ಮುಂದೆ ಹೋಗುವುದು ಹೇಗೆ ಎಂಬ ವಿದ್ಯಾರ್ಥಿಯೊಬ್ಬನ ಪ್ರಶ್ನೆಗೆ ಸದ್ಗುರು ಉತ್ತರಿಸುತ್ತಾರೆ.

ರಫೇಲ್ ಒಪ್ಪಂದವನ್ನು ಪ್ರಶ್ನಿಸುತ್ತಿರುವುದರಲ್ಲಿರುವ ಮೂಲಭೂತ ನ್ಯೂನತೆಯನ್ನು ಎತ್ತಿ ತೋರಿಸುತ್ತಾ, ಅವರ ವಾದಗಳನ್ನು ಸದ್ಗುರು ಚುಟುಕಾಗಿ ನೆಲಕಚ್ಚಿಸುತ್ತಾರೆ.

"ಯುವಜನರು ಗಮನ ಹರಿಸಬೇಕಾದಂತಹ, ಆದರೆ ಇನ್ನೂ ಹರಿಸದೇ ಇರುವಂತಹ, ವಿಷಯ ಯಾವುದು?" ಎಂದು ತಮಿಳುನಾಡು ಅಗ್ರಿಕಲ್ಚರಲ್ ಯುನಿವರ್ಸಿಟಿಯ ವಿದ್ಯಾರ್ಥಿಗಳು ಸದ್ಗುರುಗಳನ್ನು ಕೇಳುತ್ತಿದ್ದಾರೆ. #UnplugWithSadhguru

ನಮ್ಮ ಆಂತರ್ಯದೆಡೆಗೆ ತಿರುಗುವ ಮಹತ್ವವನ್ನು ಸಾರುವ ಈ ವಿಡಿಯೋದಲ್ಲಿ ಸದ್ಗುರುಗಳು ಹಾಸ್ಯಮಯವಾಗಿ ಹೇಗೆ ನಮ್ಮ ಸಾಮರ್ಥ್ಯಗಳೇ ನಮಗೆ ತೊಡಕಾಗಬಾರದು ಎಂದು ತಿಳಿಸುತ್ತಾರೆ. ಅದ್ಭುತವಾದ ನೆನಪಿನ ಶಕ್ತಿ ಮತ್ತು ಕಲ್ಪನಾ ಶಕ್ತಿ ನಮಗೆ ತೊಡಕಾಗಿ ಪರಿಣಾಮಿಸಬಾರದು, ಅದು ನಮ್ಮಿಂದ ಸೂಚನೆ ತೆಗೆದುಕೊಳ್ಳುವಂತಿರಬೇಕು ಎಂಬುದನ್ನು ಮನಮುಟ್ಟುವಂತೆ ವಿವರಿಸುತ್ತರೆ. ಕಣ್ಣು ಬಿಟ್ಟಾಗಂತೂ ಜಗತ್ತಿನ ಅನೇಕ ವಿಚಾರಗಳನ್ನು ನೋಡುತ್ತೇವೆ. ಆದರೆ ಕಣ್ಣು ಮುಚ್ಚಿದಾಗ ಏನನ್ನು ನೋಡುತ್ತೇವೆ? ಕಣ್ಣು ಮುಚ್ಚಿದಾಗ ನಮಗೆ ಯಾವ ಅನುಭವವಾಗಬೇಕು? ಈ ವಿಷಯಗಳ ಬಗ್ಗೆ ಸದ್ಗುರುಗಳು ಇಲ್ಲಿ ಬೆಳಕು ಚೆಲ್ಲುತ್ತಾರೆ.