ఈశా సంఘమిత్ర

సద్గురుతో పాటు ఈ ప్రతిష్ఠించబడిన ప్రదేశంలో ఉంటూ, లక్షలాది మందిని చేరుకోవడం ఇంకా మొత్తం మానవాళిని పరివర్తన చేసే సాధనాలను అందించడం అనేది ఒక చారిత్రాత్మక తరుణం. ఇక్కడ ఉండడం ఒక ఆశీర్వాదం లాంటిది.

దోపిడీకి గురి అవుతామేమో అన్న దిగులు లేకుండా, ప్రజాసేవ కోసం నన్ను నేను అర్పించుకునేలా ఇలాంటి ఒక ప్రదేశం ఉందని ఇదివరకు నాకు తెలియదు. ప్రతీరోజూ అలా చెయ్యడం వల్ల కలిగే ఆనందం, నాకు కలిగిన ఒక అదృష్టం! నా సంక్షేమాన్ని నేను ఎల్లప్పుడూ అనుభూతి చెందుతాను. ఈ ప్రదేశాన్ని ఏర్పాటుచేసిన వారికి నా ప్రణామాలు.

నేను ఈ ప్రదేశంలో మొదటిసారి అడుగుపెట్టినప్పుడు, నేను వెంటనే దీనితో అనుసంధానమైపోయాను. ఈ నిర్మాణ సౌందర్యం, సహజసిద్ధ వాతావరణం, ఇక్కడి ప్రజల వినమ్రత ఇంకా ప్రతీ ఒక్క విషయంలో పెట్టిన శ్రద్ధ మరియు తీసుకునే జాగ్రత ఇందుకు కారణాలు.

నాకు కొన్ని నెలల క్రితం, 50వ ఏట అడుగుపెట్టానని ఈ మధ్యనే తెలిసింది – కానీ నాకు వయసు పైబడ్డ అనుభూతి లేదు. నిజానికి, నేను నా కాలేజ్ రోజుల్లో కంటే, మరింత బాగా చురుకుగా మరియు సచేతనంగా ఉన్న అనుభూతి కలుగుతోంది. ఈశా ఇంకా సద్గురుతో నా ప్రయాణం ఎంత గొప్పగా, ఎంత సఫలతతో సాగుతూ వచ్చిందంటే, నేను దాన్ని ప్రప్రంచంలో వేరే దేనితోనూ సరిపోల్చుకోలేను.

జ్ఞానోదయం పొందిన వారి సమక్షంలో ఉండడాన్ని రుచి చూసిన నేను, ఆ అనుభవం నాకు ఏం చేసిందో చెప్పేందుకు నా దగ్గర మాటలు లేవు. సద్గురు సజీవంగా ఉన్నారని తెలిసి, ఇక్కడ తప్ప, ప్రపంచంలో మరెక్కడా నేను ఉండలేనని నాకు తెలుసు.

నాకు, యోగా సెంటర్‌లో ఒక భాగంగా ఉండడంలోని అత్యంత విలువైన అంశం ఏమిటంటే, ఇక్కడ, "నా గురించి ఏమిటి?" అన్న ప్రశ్న లేకుండా - నేను చేస్తున్న పనిలో, ఇంకా నేను అనుసరిస్తున్న ఆధ్యాత్మిక ప్రక్రియలో పూర్తిగా నిమగ్నమై జీవించవచ్చు.

ఒక ఆధ్యాత్మిక సాధకుడికి, ఈ ప్రదేశం అనుకూలంగా ఉండడానికి కారణం, సహకారంతో కూడిన వ్యవస్థ – ప్రతిష్ఠించబడిన స్థలాలు, ఇక్కడివారి శైలి, ఆహారం వడ్డించే విధానం ఇంకా అందుకునే విధానం లాంటి మామూలు విషయాలు అని నేను అనుకుంటున్నాను. ఇక్కడి వారి నుండి షరతుల్లేని మద్దత్తు అందుతుంది, అదే సమయంలో ఎటువంటి బంధాలలో చిక్కుకోము. నేను ఇక్కడ ఉండడాన్ని, వేరే దేనికోసమూ వదులుకోను.

నాకు లెక్కలేనన్ని అభిరుచులు ఉన్నాయి కానీ స్పష్టమైన దిశానిర్దేశం లేదు. ఈశా యోగా కేంద్రాన్ని కనుక్కోవడం అనేది, బంగారు గనిని కనుక్కోవడంలా ఉంది. నేను తవ్వుకుంటూ వెళ్ళేకొద్దీ, అంతరంగంలోకి సాగే ప్రయాణం బంగారం కన్నా ఎంతో విలువైనదని తెలిసింది. ఇంకా ఇప్పుడు, నాలో రగులుతున్న అభిరుచల్లా, జీవితాన్ని సాధ్యమైనంత తీక్షణంగా జీవించడమే.

సద్గురుతో పాటు ఈ ప్రతిష్ఠించబడిన ప్రదేశంలో ఉంటూ, లక్షలాది మందిని చేరుకోవడం ఇంకా మొత్తం మానవాళిని పరివర్తన చేసే సాధనాలను అందించడం అనేది ఒక చారిత్రాత్మక తరుణం. ఇక్కడ ఉండడం ఒక ఆశీర్వాదం లాంటిది.