Wisdom

ಈ ವಾರದ ಸ್ಪಾಟ್ ಲೇಖನದಲ್ಲಿ, ಸದ್ಗುರುಗಳು ಮುಂಗಾರನ್ನು ಬರಮಾಡಿಕೊಳ್ಳುತ್ತ, ಮಳೆಯ ಬಗ್ಗೆ ತಮಗಿರುವ ಪ್ರೀತಿಯನ್ನು ಮತ್ತು ಅದು ಒದಗಿಸುವ ಆಧ್ಯಾತ್ಮಿಕ ಅವಕಾಶದ ಬಗ್ಗೆ ಮಾತನಾಡುತ್ತಾರೆ. "ನೀವು ಮಳೆಯಲ್ಲಿ ಸಂಪೂರ್ಣವಾಗಿ ನೆನೆದಾಗ, ನಿಮ್ಮ ಮತ್ತು ನಿಮ್ಮ ಸುತ್ತಲಿರುವ ಪಂಚಭೂತಗಳ ನಡುವೆ ಹೆಚ್ಚಿನ ವ್ಯತ್ಯಾಸವೇನಿಲ್ಲ ಎಂದು ನೀವು ಮನಗಾಣುತ್ತೀರಿ. ನಿಮ್ಮ ಮೈ ಒಣಗಿರುವಾಗ, ಅದು ನಿಮ್ಮ ಅರಿವಿಗೆ ಬರುವುದಿಲ್ಲ; ನೀವು ತೊಯ್ದಿದ್ದಾಗ, ನಿಮಗದು ಅರಿವಾಗುತ್ತದೆ." ಲೇಖನದ ಕೊನೆಯಲ್ಲಿ "ಮಳೆಗಾಲ" ಕವಿತೆಯನ್ನು ಓದಿ. ಆನಂದಿಸಿ!

ಈ ಲೇಖನದಲ್ಲಿ, ಸದ್ಗುರುಗಳು ಆಧ್ಯಾತ್ಮಿಕ ಪಥದಲ್ಲಿ ನಿಂತ ನೀರಾದ ಸ್ಥಿತಿಯಿಂದ ಬೆಳವಣಿಗೆಯೆಡೆಗೆ ತಿರುಗುವುದಕ್ಕೆ ಏನು ಬೇಕಾಗುತ್ತದೆಯೆಂದು ಇಲ್ಲಿ ವಿವರಿಸುತ್ತಾರೆ. ಮೊದಲ ಹೆಜ್ಜೆಯಾಗಿ, ನಮ್ಮನ್ನು ನಾವೇ ಈ ಕೆಳಗಿನ ಪ್ರಶ್ನೆಯನ್ನು ಕೇಳಿಕೊಳ್ಳಬೇಕೆಂದು ಸಲಹೆ ನೀಡುತ್ತಾರೆ: “ನಿಮ್ಮ ಜೀವನದಲ್ಲಿ ನೀವು ಹೆಚ್ಚು ಆಧ್ಯಾತ್ಮಿಕರಾಗಲು ಅನುಮತಿಸದ ಒಂದು ವೈಕಲ್ಯವೇನು?” ಮುಂದಿನ ಹಂತದಲ್ಲಿ, ಸದ್ಗುರುಗಳು ಕೆಲವು ಸಾಮಾನ್ಯ ಅಡೆತಡೆಗಳನ್ನು ಹೇಗೆ ಪರಿಹರಿಸುವುದು, ಮತ್ತು ಅವುಗಳನ್ನು ಮೀರುವುದು ಹೇಗೆ ಎಂಬುದರ ಬಗ್ಗೆ ಮಾತನಾಡುತ್ತಾರೆ.

ಇಂದಿನ ಸದ್ಗುರು ಸ್ಪಾಟ್ ವೀಡಿಯೋನಲ್ಲಿ, ಸದ್ಗುರುಗಳ ಕಳೆದ ವಾರದ ಚಟುವಟಿಕೆಗಳ ಕೆಲವು ಮುಖ್ಯಾಂಶಗಳನ್ನು ನೋಡಿ: ಈಶ ಯೋಗ ಕೇಂದ್ರಕ್ಕೆ ಸ್ವಾಮಿ ರಾಮ್‍ದೇವ್ ಮತ್ತು ವಿನಮ್ರ ಕೋಟ್ಯಾಧೀಶ ಆಚಾರ್ಯ ಬಾಲಕೃಷ್ಣರವರ ಭೇಟಿ; ಬಾಲಿವುಡ್ ನಟಿ ಕಂಗನಾ ರಣೌತ್ ಅವರೊಂದಿಗೆ ವಿವಿಧ ವಿಷಯಗಳ ಬಗ್ಗೆ ಸಂಭಾಷಣೆ - ಭಾರತೀಯರ ಪಾಶ್ಚಾತ್ಯ ಗೀಳು ಮತ್ತು ಗಡಿ ವಲಸೆಯಿಂದ ಹಿಡಿದು ಶಿವ ಮತ್ತು ಯುವಜನತೆಯರ ಬಗ್ಗೆ. ಹಾಗೆಯೇ ನದಿ ಆಂದೋಲನವು ಮಹಾರಾಷ್ಟ್ರದಲ್ಲಿ ಒಂದು ಮೈಲಿಗಲ್ಲನ್ನು ಸಾಧಿಸಿತು. ಸದ್ಗುರುಗಳು ಮುಖ್ಯಮಂತ್ರಿ ಫಡ್ನವಿಸ್, ರಾಜ್ಯಪಾಲ ಸಿ. ವಿದ್ಯಾಸಾಗರ್ ರಾವ್, ಮತ್ತಿತರ ಹಿರಿಯ ಅಧಿಕಾರಿಗಳು ಮತ್ತು ಮಂತ್ರಿಗಳನ್ನು ಭೇಟಿ ಮಾಡಿ ನದಿ ಪುನಶ್ಚೇತನ ಯೋಜನೆಯನ್ನು ಆರಂಭಿಸುವುದರ ಬಗ್ಗೆ ಚರ್ಚೆ ನಡೆಸಿದರು.

ಈ ಸ್ಪಾಟ್ ವೀಡಿಯೋ ಸದ್ಗುರುಗಳು ಮೇ ತಿಂಗಳಲ್ಲಿ ಪಾಲ್ಗೊಂಡ ಕೆಲವು ಕಾರ್ಯಕ್ರಮಗಳನ್ನು ಒಳಗೊಂಡಿದೆ - ಗಾಲ್ಫ್ ಆಟದ ಮಹಾನ್ ಆಟಗಾರ ಗ್ಯಾರಿ ಪ್ಲೇಯರ್ ಅವರ ಭೇಟಿ, ಬ್ಲೇಕ್ ಮೈಕೋಸ್ಕೀ ಜೊತೆ ಮಾತುಕತೆ, ಅಮೆರಿಕದಲ್ಲಿ ನಡೆದ ಭಾವಸ್ಪಂದನ ಕಾರ್ಯಕ್ರಮ ಇತ್ಯಾದಿ.

ಈಶ ಕ್ರಿಯಾವು ಉಚಿತವಾಗಿ ಲಭ್ಯವಿರುವ ಒಂದು ಮಾರ್ಗದರ್ಶನ ಸಹಿತ ಧ್ಯಾನ ಪ್ರಕ್ರಿಯೆ. ಇಲ್ಲಿ ಸದ್ಗುರುಗಳು ಈ ಧ್ಯಾನದ ಮಹತ್ವವನ್ನೂ, ಅದನ್ನು ಅಭ್ಯಸಿಸುವ ಮುನ್ನ ನಾವು ಅಗತ್ಯವಾಗಿ ತಿಳಿದುಕೊಳ್ಳಬೇಕಾದ ಕೆಲ ವಿಷಯಗಳನ್ನೂ ವಿವರಿಸುತ್ತಾರೆ.

ಸದ್ಗುರುಗಳು, ಈ ವಾರದ ’ಸ್ಪಾಟ್’ ಲೇಖನದಲ್ಲಿ, ಯಶಸ್ಸನ್ನು ಸಾಧಿಸಲು ಬೇಕಾಗುವ ಅಂಶಗಳನ್ನು ವಿಶ್ಲೇಷಿಸುತ್ತಾರೆ. ಜೀವನದಲ್ಲಿ ಯಶಸ್ವಿಯಾಗಲು ಏನು ಬೇಕೋ ಅದು ನಿಮ್ಮಲ್ಲಿ ಇದೆಯೇ? ಪ್ರತಿಭೆ ಹಾಗೂ ಪ್ರಯತ್ನದ ಅನುಪಾತವನ್ನು ಸದ್ಗರುಗಳು ಹೇಗೆ ಪರಿಶೀಲಿಸುತ್ತಾರೆ ಎಂದು ತಿಳಿದುಕೊಳ್ಳಿ. ಅವರ ಪ್ರಕಾರ, "ಯಶಸ್ಸು ಎನ್ನುವುದು ಒಂದು ನಿರ್ದಿಷ್ಟ ಅಂತ್ಯವನ್ನು ಸಾಧಿಸುವುದಲ್ಲ. ನೀವೇನನ್ನು ನಿಜವಾಗಿಯೂ ಆಶಿಸುತ್ತೀರೋ, ಅದನ್ನು ಸಂತೋಷಪೂರ್ವಕ ಹಾಗೂ ನಿರಂತರ ಶ್ರಮದಿಂದ ಸಾಧಿಸುವುದು.”

“ಯೂತ್ ಅ೦ಡ್ ಟ್ರುಥ್” ಆ೦ದೋಲನವು ಸದ್ಗುರುಗಳ ತವರೂರಾದ ಮೈಸೂರಿಗೆ ಆಗಮಿಸಲಿದ್ದು, ಸದ್ಗುರುಗಳು, ಅವರ ಇತ್ತೀಚಿನ ಕಾರ್ಯಕ್ರಮಗಳ ಕುರಿತಾಗಿ ಚುಟುಕಾದ ಮಾಹಿತಿಯನ್ನು ನೀಡುತ್ತಾರೆ. ಮತ್ತು ಮೈಸೂರಿನಲ್ಲಿನ ಅವರ ಕುಟು೦ಬ, ಮೋಟಾರ್ ಬೈಕ್-ಗಳು, ಅವರು ಓದಿದ ಶಾಲೆ ಹಾಗೂ ಅಲ್ಲಿನ ಯುವಜನತೆಯನ್ನೊಳಗೊ೦ಡ ಅಲ್ಲಿನ ಮು೦ಬರಲಿರುವ ಅವರ ಚಟುವಟಿಕೆಯ ಬಗ್ಗೆ ಹೇಳುತ್ತಿದ್ದಾರೆ. ಮತ್ತಿದೆಲ್ಲವೂ, ಭಾರತ ಹಾಗೂ ವಿಶ್ವದೆಲ್ಲೆಡೆ “ಗಣಗಳ ನಾಯಕ”ನಾದ ಗಣೇಶನನ್ನು ಆರಾಧಿಸುವ ಗಣೇಶ ಚತುರ್ಥಿ ಹಬ್ಬದ೦ದು! ಸದ್ಗುರುಗಳೇ ವಿವರಿಸುವ೦ತೆ, “ಗಣೇಶನು ಅಪ್ರತಿಮ ಬುದ್ಧಿಶಾಲಿಯಾಗಿದ್ದನು, ಮತ್ತು ಅವನ ಬುದ್ಧಿವಂತಿಕೆಯು ಎ೦ತಹುದಾಗಿತ್ತೆ೦ದರೆ, ಜೀವನವು ತ೦ದ್ದೊಡ್ಡುವ ಎಲ್ಲಾ ರೀತಿಯ ವಿಘ್ನಗಳನ್ನು ನಾಶಮಾಡಿ, ಅದರಿ೦ದ ಹೊರಬರುವ೦ತಹುದ್ದಾಗಿತ್ತು.”

ಈ ಲೇಖನದಲ್ಲಿ, "ಆಧ್ಯಾತ್ಮಿಕ ಪಥದಲ್ಲಿನ ಪಯಣ ಏಕಿಷ್ಟು ಕಷ್ಟ?" ಎಂದು ಕೇಳಲಾದ ಪ್ರಶ್ನೆಗೆ ಉತ್ತರಿಸುತ್ತಾ ಸದ್ಗುರುಗಳು, "ಅಸ್ತಿತ್ವದಲ್ಲಿನ ವಿಶಾಲವಾದ ಬುದ್ಧಿವಂತಿಕೆಯ ಜೊತೆ ನೀವು ಸ್ಪಂದಿಸುವಂತಾಗಲಿ ಎಂಬ ಕಾರಣಕ್ಕಾಗಿ ನಿಮಗೆ ಬುದ್ಧಿಶಕ್ತಿಯನ್ನು ನೀಡಲಾಯಿತು... ಆದರೆ, ನಿಮ್ಮ ಬಳಿ ಒಂದಿಷ್ಟು ಮಟ್ಟದ ಬುದ್ಧಿವಂತಿಕೆಯಿರುವುದರಿಂದ, ನೀವು ನಿಮ್ಮದೇ ಆದ ಅಸಂಬದ್ಧತೆಗಳನ್ನು ಮಾಡಬಹುದೆಂದು ಯೋಚಿಸುತ್ತೀರಿ. ನಿಮ್ಮದೇ ಅವಿವೇಕತೆಗಳನ್ನು ನೀವು ಮಾಡಿದ್ದೇ ಆದರೆ, ನೀವು ಯಾವುದಕ್ಕೂ ಕರಗದಂತಹ ಒಂದು ಕಲ್ಲಂತಾಗುತ್ತೀರಿ." ಎಂದು ಹೇಳುತ್ತಾರೆ. ಓದಿ ಆನಂದಿಸಿ!

ತಮಗೆ ಗೊತ್ತಿದ್ದೋ ಗೊತ್ತಿಲ್ಲದೆಯೋ ಎಲ್ಲರೂ ಸಾರ್ಥಕತೆಯನ್ನು ಅರಸುತ್ತಿದ್ದಾರೆ. ತಮ್ಮನ್ನು ತಾವೇ ಮೀರಲು ಹಂಬಲಿಸುತ್ತಿದ್ದಾರೆ. ‘ದೇವ’ರಾಗಲು ತವಕಿಸುತ್ತಿದ್ದಾರೆ! ಭಾರತೀಯ ಸಂಸ್ಕೃತಿಯಲ್ಲಿನ ದೇವರು ಎಂಬ ವಿಚಾರವನ್ನು ಸದ್ಗುರು ವಿಶ್ಲೇಷಿಸುತ್ತಾರೆ, ಹಾಗೂ ಇದು ಅಬ್ರಹಮೀಯ ಮತಗಳಿಂದ ಹೇಗೆ ವಿಭಿನ್ನ ಎಂದು ತಿಳಿಸುತ್ತಾರೆ.

ನೀವು ನಿಮ್ಮದೇ ಮನಸ್ಸನ್ನು ನೋಡಿಕೊಂಡರೆ, ’ನಾನು’ ಅಂತ ನೀವು ಅಂದುಕೊಂಡಿರೋ ನಿಮ್ಮದೇ ವ್ಯಕ್ತಿತ್ವವನ್ನು ನೋಡಿಕೊಂಡರೆ, ಸಾಮಾನ್ಯವಾಗಿ, ನೀವು ವ್ಯಕ್ತಿತ್ವ ಅಂತ ಏನನ್ನು ಕರೀತೀರೋ, ಅದು ಮೂಲಭೂತವಾಗಿ ವಿವಿಧ ಹಂತಗಳ constipation ಅಂದರೆ ಬದ್ಧತೆಯಷ್ಟೆ. ನೀವು ವಹಿಸಿಕೊಂಡಿರೋ ಪಾತ್ರಗಳು, ಅಂದರೆ ನಿಮ್ಮ ವ್ಯಕ್ತಿತ್ವವು ಗಟ್ಟಿಯಾದಷ್ಟು, ನೀವು ನಿಮ್ಮ ಮೇಲೆ ಜಾಸ್ತಿ ಗಾಯಗಳನ್ನು ಹೊಂದುತ್ತೀರಿ. ಅವು ನೀವೇ ಎಳೆದುಕೊಂಡ ಬರೆಗಳಾಗಿರುವುದರಿಂದ, ನೀವವನ್ನು ನಿಮ್ಮ ಬದುಕಿನ ಅನುಭವದ ಬ್ಯಾಡ್ಜ್ ಗಳ ತರಹ ಹೊತ್ತುಕೊಂಡು ತಿರುಗುತ್ತಿದ್ದೀರಿ. ಹಾಗಾಗಿ ಅವು ಮಾಯುವುದಿಲ್ಲ.

"ಸಸ್ಟೈನಬಿಲಿಟಿ ಸಮಿಟ್ ಏಶಿಯಾ 2018(Sustainability Summit Asia 2018)" ದಲ್ಲಿ ಭಾಗವಹಿಸಿದ್ದ ಸದ್ಗುರುಗಳು, ಭವಿಷ್ಯದ ಪೀಳಿಗೆಗೆ ಈ ಭೂಮಿಯನ್ನು ವಾಸಿಸಲು ಯೋಗ್ಯವಾಗುವಂತೆ ಮಾಡಲು, ನಾವು ಮುಂಬರುವ ವರ್ಷಗಳಲ್ಲಿ ಪರಿಹರಿಸಬೇಕಾದ ಪ್ರಮುಖ ವಿಷಯಗಳಾವುದೆಂದು ಹೇಳುತ್ತಾರೆ. 15 ನವೆಂಬರ್ 2018 ರಂದು ಮಲೇಶಿಯಾದ ಕೌಲಾಲಂಪುರ್-ನಲ್ಲಿ ಅಯೋಜಿಸಲ್ಪಟ್ಟಿದ್ದ " Sustainability Summit Asia 2018"ದಲ್ಲಿ ಈ ವಿಷಯದ ಬಗ್ಗೆ ಸಂದರ್ಶನವನ್ನು ನೀಡಲು ದಿ ಎಕನಾಮಿಸ್ಟ್ ಪತ್ರಿಕೆಯು ಸದ್ಗುರುಗಳನ್ನು ಆಹ್ವಾನಿಸಿತ್ತು.

ಈ ಲೇಖನದಲ್ಲಿ, ನಾವು ಕಣ್ಣು ಮುಚ್ಚಿದಾಗ ಕಾಣುವ ದೃಶ್ಯಗಳ ಬಗ್ಗೆ ಅನ್ವೇಷಕರೊಬ್ಬರು ಸದ್ಗುರುಗಳನ್ನು ಪ್ರಶ್ನಿಸುತ್ತಾರೆ. ಸಮತೋಲನ ಮತ್ತು ಸ್ಥಿರತೆಯನ್ನು ಕಾಪಾಡಿಕೊಳ್ಳುವುದರ ಪ್ರಾಮುಖ್ಯತೆಗೆ ಸದ್ಗುರುಗಳು ಇಲ್ಲಿ ಒತ್ತುನೀಡುತ್ತಾರೆ. “ನಿಮ್ಮ ಮನಸ್ಸು ಸ್ಥಿರವಾಗಿದ್ದು, ನಿಮ್ಮ ಎರಡು ಕಣ್ಣುಗಳು ನೋಡಲು ಸಾಧ್ಯವಿರುವುದನ್ನು ಮೀರಿ ನೀವೇನನ್ನಾದರೂ ನೋಡಿದ್ದೇ ಆದರೆ, ಅದನ್ನು ವಿಶ಼ನ (Vision) ಎಂದು ಕರೆಯಲಾಗುತ್ತದೆ; ಇಲ್ಲದಿದ್ದರೆ ಅದೊಂದು ಹುಚ್ಚುತನವಾಗುತ್ತದೆ ಅಷ್ಟೆ.” ಎಂದವರು ಹೇಳುತ್ತಾರೆ. ಓದಿ ಆನಂದಿಸಿ!