ஆண் மூலம் அரசாளும்; பெண் மூலம் நிர்மூலம்!
"மூல நட்சத்திரப் பெண்ணா? வேண்டவே வேண்டாம்! மூல நட்சத்திரம் உள்ள பெண்ணை திருமணம் செய்தால் மணமகன் தன் தாயையோ, தந்தையையோ இழக்க நேரிடும்." என்று நட்சத்திரத்தைப் பார்த்ததுமே அவர்களின் ஜாதகத்தை ஒதுக்கித் தள்ளும் வேதனையான பழக்கம் இன்றும் தொடர்கிறது. ஆண்டாண்டு காலமாக மக்கள் மத்தியில் நிலவிவரும் தவறான நம்பிக்கைகளில் இதுவும் ஒன்றுதான். இதைப் பற்றிய சத்குருவின் பார்வை இங்கே...
 
 

"மூல நட்சத்திரப் பெண்ணா? வேண்டவே வேண்டாம்! மூல நட்சத்திரம் உள்ள பெண்ணை திருமணம் செய்தால் மணமகன் தன் தாயையோ, தந்தையையோ இழக்க நேரிடும்." என்று நட்சத்திரத்தைப் பார்த்ததுமே அவர்களின் ஜாதகத்தை ஒதுக்கித் தள்ளும் வேதனையான பழக்கம் இன்றும் தொடர்கிறது. ஆண்டாண்டு காலமாக மக்கள் மத்தியில் நிலவிவரும் தவறான நம்பிக்கைகளில் இதுவும் ஒன்றுதான். இதைப் பற்றிய சத்குருவின் பார்வை இங்கே...

சத்குரு:

ஆண் மூலம் அரசாண்டு விட்டுப் போகட்டும். எதற்காகப் பெண் மூலம் நிர்மூலமாக வேண்டும்?

எதையாவது சொல்லி வைக்கலாம் என்று பொறுப்பில்லாமல், நட்சத்திரங்கள் பற்றி ஏதேதோ சொல்லி வைத்திருக்கிறார்கள். ஒரு குறிப்பிட்ட நட்சத்திரத்தில் பிறந்தவர், தன்னைத் தாழ்வாக உணர வழி வகுக்கும். இது போன்ற பிதற்றல்களில் எந்த உண்மையும் இல்லை.

மூலம் என்றால் அடிப்படை; மூலம் என்றால் அஸ்திவாரம். மூலத்தில் பிறந்த பெண்கள் உங்கள் வாழ்க்கைக்கு வேர் போன்றவர்கள்.

ஜோசியர்கள் கணக்குப்படி, இருபத்தேழு நாட்களுக்கு ஒருமுறை மூல நட்சத்திரம் வருகிறது. இதுவரை எத்தனைக் கோடிமுறை வந்திருக்கும்? அந்த நாளில் உலகெங்கும் எத்தனை கோடி பெண்கள் பிறந்திருப்பார்கள்? அவர்களால் நிர்மூலம் என்றால், எத்தனைக் கோடி தடவை இந்த உலகம் அழிந்திருக்க வேண்டும்?

இம்மாதிரியான அறிவிப்புகள் பெண்களை மட்டுமல்ல; மனித குலத்தையே கேவலப்படுத்துவதாக இருக்கிறது. இப்படிப்பட்ட வாசகங்களைச் சொல்லிக் கொண்டு அலையும் ஜோசியர்களைப் பிடித்து சிறையில் அடைப்பதற்கு சட்டமே எழுத வேண்டும்.

எந்த நாளில் பிறந்தால் என்ன? எந்த நாட்டில் பிறந்தால் என்ன? வாழ்க்கையை எப்படி புத்திசாலித்தனமாக மேம்படுத்திக் கொள்வது என்று திட்டமிட்டால், எந்த நட்சத்திரமும் ஒன்றும் செய்யாது.

வேறு நட்சத்திரத்தில் பிறந்து, திறமையற்றவராக இருப்பவரைவிட மூல நட்சத்திரத்தில் பிறந்து, திறமை கொண்டவராக இருப்பவருக்கு வெற்றி வாய்ப்புகள் அதிகம்.

என்னைக் கேட்டால், மூல நட்சத்திரத்தில் பிறந்த பெண்ணைத் தேடி திருமணம் செய்யுங்கள் என்பேன். அவளால் உங்கள் அர்த்தமற்ற மூட நம்பிக்கை நிர்மூலமாகட்டும்; அறிவீனம் அழிந்து போகட்டும்.

ஒன்றைப் புரிந்து கொள்ளுங்கள். மூலம் என்றால் அடிப்படை; மூலம் என்றால் அஸ்திவாரம். மூலத்தில் பிறந்த பெண்கள் உங்கள் வாழ்க்கைக்கு வேர் போன்றவர்கள்.

 
 
 
 
Login / to join the conversation1
 
 
3 வருடங்கள் 6 மாதங்கள் க்கு முன்னர்

ஜோதிடத்தில் இரண்டு விதமான ஜோதிடர்கள் உள்ளனர் ஒன்று .. சாஸ்திரத்தில் நன்கு புலமை பெற்று ஒவ்வொரு ஜாதகத்தையும் தீவிரமாக ஆராய்ந்து பலன் கூறும் திறன் பெற்றவரகள் ... மற்றொன்று வாய்வழி செய்திகள், நடைமுறைகள், அடிப்படை இல்லாத ஆதாரங்களை கொண்டும் சாஸ்திரபுலமை இன்றி பொழுதுபோக்கு அல்லது பிழைப்பிற்காக தொழில் நடத்துபவர்கள் ..... ஒரு குறிப்பிட்ட நட்சத்திரத்தை பற்றி சாஸ்திரம் இப்படி எல்லாம் எங்குமே கூறவில்லை .... மூலம்,கேட்டை, ஆயில்யம் போன்ற நட்சத்திரங்கள் செயல்பாடுகளை எந்த சாஸ்திரமும் ஆதாரத்துடன் கூறவில்லை .... ஜோதிடத்தை கெடுத்தது சுயநலம் கொண்ட ஜோதிடர்கள் அல்லது முழு ஞானம் இல்லாதவர்கள் ...... ஜோதிடம் 100% உண்மை ஆனால் ஜோதிடர்கள் 100% உண்மையில்லை

3 வருடங்கள் 6 மாதங்கள் க்கு முன்னர்

பின் குறிப்பு..
மூல நட்சத்திரத்தில் பிறந்த பெண்கள் மிகவும் அழகாக இருப்பார்கள்.

3 வருடங்கள் 5 மாதங்கள் க்கு முன்னர்

in my point of view மூலம்,கேட்டை, ஆயில்யம் its all lord ketu star its a amazhing star lord hanuman also மூலம் star y they told this.its very simple in them husband home they will dominate others so onley the astronomers told this when there is no motherinlaw there is no domoniation they live comfortably thats only the hidden secrets...

2 வருடங்கள் 7 மாதங்கள் க்கு முன்னர்

Rudraksha means (as per google) all knowing (all pervading). One which is all pervading, does it have discrimination. Just explain them. It has no discrimination of age, gender, etcetera.