பிரபஞ்ச நோக்கம் எப்போதும் எப்படி விளையாடுகிறது என்பதையும், நமது நோக்கம் எப்படி பிரபஞ்ச நோக்கத்தை பயன்படுத்திக்கொள்ள முடியும் என்பதையும் விளக்குவதற்காக, சத்குரு ஒரு ஒப்பீடைப் பயன்படுத்துகிறார். நோக்கத்தில் உறுதியுடன் செயல்களைச் செய்வதற்குப் பதிலாக, அன்புடனும் பக்தியுடனும் செயல்களைச் செய்வது வாழ்க்கையை ஆனந்தமான செயல்முறையாக எப்படி மாற்றுகிறது என்பதை அவர் விளக்குகிறார். "நான் அதைச் செய்ய வேண்டும்" என்பதற்கும் "நான் அதைச் செய்ய விரும்புகிறேன்" என்பதற்குமான வித்தியாசம் இதுதான்.

பஞ்ச பூதங்கள் மீது ஆளுமைபெற்ற யோகிகள் தங்கள் உடலை எவ்வாறு கரைத்துக்கொள்ள முடியும் என்பதைப் பற்றி சத்குரு கூறுகிறார். இதை தெளிவுபடுத்துவதற்காக, ஒரு குடும்பத்தில் லிங்கபைரவி யந்திரத்தில் தண்ணீர் தேங்கி இருப்பதைக் கண்ட ஒரு மெய்சிலிர்க்க வைக்கும் நிகழ்வைப் பகிர்கிறார். தியானலிங்கத்தின் முன்னிலையில் இருப்பதும், குறிப்பாக பஞ்சபூத க்ரியாவில் பங்கேற்பதும், நம் உடலமைப்பில் உள்ள பஞ்சபூதங்களை தூய்மைப்படுத்தி, அவற்றின் மீது ஆளுமை பெற எவ்வாறு உதவுகிறது என்பதையும் அவர் விளக்குகிறார். சத்குருவால் வடிவமைக்கப்பட்டுள்ள பஞ்சபூத க்ரியா தியானலிங்கத்தில் நடத்தப்படுகிறது. இந்த செயல்முறை உடலையும் மனதையும் உறுதிப்படுத்துகிறது; உளவியல் ரீதியான உறுதியற்ற தன்மையை சீர்செய்கிறது; தூக்கத்தில் பிரச்சனை மற்றும் தொடர்ந்த பய உணர்வு ஆகியவற்றால் பாதிக்கப்பட்டுள்ளவர்களுக்கு பெரிதும் உதவுகிறது; குறிப்பாக, பலவீனமான நிலையில் உள்ளவர்களுக்கு நல்ல பலனளிக்கிறது. பஞ்சபூத க்ரியா ஒவ்வொரு மாதமும் அமாவாசைக்கு ஒன்று அல்லது இரண்டு நாட்களுக்கு முன்பு வரக்கூடிய மாத சிவராத்திரியன்று நடைபெறுகிறது. இந்த செயல்முறையில் நேரிலும், ஆன்லைனிலும் கலந்து கொள்ளமுடியும்.

அடிப்படை யோக செயல்முறையான பூதசுத்தியைப் பற்றி சத்குரு விளக்குகிறார். இது பஞ்சபூதங்களான நிலம், நீர், காற்று, நெருப்பு மற்றும் ஆகாயம் ஆகியவற்றைத் தூய்மைப்படுத்தும் செயல்முறை. பஞ்சபூதங்களை ஏன் தூய்மைப்படுத்த வேண்டும் என்பதையும், இந்த செயல்முறை ஒருவரின் வாழ்க்கையை எவ்வாறு மேம்படுத்துகிறது என்பதையும் அவர் விளக்குகிறார்.

பருவநிலை மாற்றம் தொடர்பான ஐ.நா.வின் கொள்கை வடிவமைப்பு மாநாடான COP 29ல் சத்குரு மற்றும் மண் காப்போம் இயக்கத்தின் பங்களிப்பு குறித்த ஒரு பார்வை. உலகத் தலைவர்கள், ஐக்கிய நாடுகள் சபையின் பிரதிநிதிகள், செய்தி நிறுவனங்கள் மற்றும் முக்கிய ஆளுமைகள் பருவநிலை மாற்றத்தை எதிர்கொள்வதற்கான முக்கிய அம்சமாக மண் புத்துயிராக்கம் விளங்குவதை மாநாட்டில் அங்கீகரித்தனர். மாநாட்டின் மையக்கருவாக “பசுமை உலகத்திற்கான ஒருமைப்பாடு” என நிர்ணயிக்கப்பட்டுள்ளதை சத்குரு பாராட்டினார், மேலும் பருவநிலை மாற்றத்தைத் தணிப்பதற்கான செலவு குறைந்த தீர்வுகளில் ஒன்றாக மண் புத்துயிராக்கக் கொள்கைகளை இயற்றவும், மண் புத்துயிராக்கத்திற்காக செயல்படவும் தலைவர்களை அவர் வலியுறுத்தினார்.