FILTERS:
SORT BY:
महत्त्वाच्या नसलेल्या गोष्टींवर तुमचा वेळ आणि आयुष्य वाया घालवू नका. तुमच्यासाठी जे खरोखर महत्त्वाचं आहे, त्यासाठी स्वतःला शंभर टक्के समर्पित करा – आजच, उद्या नाही.
श्रद्धा म्हणजे तुम्ही अशा गोष्टींबद्दल निष्कर्ष काढले आहेत, ज्याबद्दल तुम्हाला काहीच माहिती नाही.
मित्र म्हणजे काय? मित्र म्हणजे तुमच्यासारखाच गोंधळलेला माणूस. जर तुम्ही दोघेही एकमेकांसोबत प्रामाणिकपणे राहू शकलात, तर तेव्हाच खरी मैत्री घडते.
तुमचा सभोवताल आल्हाददायक बनवण्यासाठी तुम्हाला सहकार्याची आवश्यकता आहे. तुमचं शरीर, मन आणि ऊर्जा आल्हाददायक बनवणे हे शंभर टक्के तुमचंच काम आहे.
दुसऱ्याच्या दुःखातून कोणीही कल्याण साध्य करू शकत नाही. जरी तुम्हाला तात्पुरता फायदा झाला तरी, त्याची किंमत तुम्हाला मोजावी लागेल.
भक्ती म्हणजे जेव्हा तुमचा जीवनासोबत असलेला सहभाग इतका परिपूर्ण असतो की, तुम्ही स्वतःला महत्त्व देत नाही.
तुमच्या मनाचं स्वरूपच असं आहे: जर तुम्ही ठराविक विचार टाळण्याचे प्रयत्न केले, तर तेच विचार सतत येत राहतील.
जेव्हा तुम्ही फक्त स्वतःच्या शरीराने आणि बुद्धीने चालता, तेव्हा जीवन एक सर्कस ठरते. जेव्हा दैवी बुद्धिमत्ता तुमच्या जीवनाचे मार्गदर्शन करते, तेव्हा ते एक नृत्य बनते.
विचार आणि भावनांनी तुम्ही स्वतःला जितके वेगळे बनवाल, तितके जीवनापासून दूर जाल.
काल तुम्ही काहीही केलं असलं तरी, जर तुम्हाला हवं असेल तर या क्षणात तुम्ही एक अद्भुत मनुष्य बनू शकता. या अस्तित्वाने तुम्हाला तसं स्वातंत्र्य दिलं आहे.
जो समाज आपल्या महिलांचा आदर आणि समर्थन करत नाही, तो समाज प्रगती आणि समृद्धी मिळवू शकत नाही. संपूर्ण जगभरात स्त्री तत्व बहरून येवो.
जेव्हा तुम्ही लहान होता, तेव्हा तुम्हाला दुःखी करण्यासाठी एखाद्याला कठोर परिश्रम करावे लागत होते. आज, तुम्हाला आनंदी करण्यासाठी एखाद्याला कठोर परिश्रम करावे लागतात. मानवी अनुभवाचा स्रोत स्वतःच्या आतमध्येच आहे हे जाणून घेण्याची वेळ आली आहे.