ಕ್ಲಿಷ್ಟಕರವಾದ ಭಾವನಾತ್ಮಕ ಸನ್ನಿವೇಶಗಳಿ೦ದ ಹೊರಬರುವುದು ಹೇಗೆ?

ನೀವು ಭಾವನೆಗಳ ಸುಳಿಯಲ್ಲಿ ಸಿಲುಕಿ ಅದರಿ೦ದ ಹೊರಬರಲು ದಾರಿ ತಿಳಿಯದೆ ಪ್ರಯಾಸಪಡುತ್ತಿದ್ದೀರ? ಸೋನಾಕ್ಷಿ ಸಿನ್ಹಾರವರು ಭಾವನೆಗಳಲ್ಲಿ ಸಿಕ್ಕಿಕೊಳ್ಳುವುದರ ಬಗೆಗಿನ ಸತ್ಯವನ್ನು ಸದ್ಗುರುಗಳ ಬಳಿ ಕೇಳುತ್ತಿದ್ದಾರೆ.
How to Get Out of Emotionally Difficult Situations?
 

ಸೋನಾಕ್ಷಿ ಸಿನ್ಹ: ಆತ್ಮೀಯ ಸದ್ಗುರುಗಳೇ... ನಾನು ತುಂಬಾ ಭಾವುಕ ವ್ಯಕ್ತಿ ಮತ್ತು ಹೆಚ್ಚಿನ ಸಲ ಕೆಲವು ವಿಷಯಗಳಿಂದ ಭಾವನಾತ್ಮಕವಾಗಿ ಬಿಡಿಸಿಕೊಳ್ಳಲು ತುಂಬಾ ಕಷ್ಟಪಡುತ್ತೇನೆ, ಅದು ನನಗೆ ಒಳ್ಳೆಯದಲ್ಲ ಎ೦ದು ಗೊತ್ತಿದ್ದರೂ ಸಹ. ನಾನ೦ದುಕೊ೦ಡ ಕಡೆಗೆ ನಾನು ಹೋಗುತ್ತಿಲ್ಲವೆ೦ದು ನನಗೆ ತಿಳಿಯುತ್ತದೆ. ಆದರೆ ನನ್ನ ಮನಸ್ಸನ್ನು ಮತ್ತು ಭಾವನೆಗಳನ್ನು ಅದರಿಂದ ಹೊರತರಲು ಬಹಳ ಕಷ್ಟ ಪಡುತ್ತೇನೆ. ಅದದೇ ವಿಷಯಗಳ ಬಗ್ಗೆ ಯೋಚನೆ ಮಾಡಿ ಅದರಲ್ಲೇ ಮಗ್ನಳಾಗಿರುತ್ತೇನೆ ಮತ್ತು ಹಾಗೆ ಮಾಡಲು ನಾನು ಬಯಸುವುದಿಲ್ಲ. ಈ ಪರಿಸ್ಥಿತಿಯನ್ನು ನಾನು ಹೇಗೆ ನಿಭಾಯಿಸಬಹುದೆ೦ದು ನಿಮ್ಮ ಅಭಿಪ್ರಾಯ?

ಸದ್ಗುರು: ಜಗತ್ತಿನಲ್ಲಿ "ಮೆದುಳು ಮತ್ತು ಹೃದಯ"ದ ವ್ಯವಹಾರದ ಬಗ್ಗೆ ಬಹಳಷ್ಟು ಮಾತುಕತೆಗಳು ನಡಿಯುತ್ತಿವೆ. ಈ "ಮೆದುಳು ಮತ್ತು ಹೃದಯ"ಗಳ ನಡುವೆ ನಿಜವಾದ ವ್ಯತ್ಯಾಸವೇನು ಇಲ್ಲ. ನಿಮ್ಮ ಚಿಂತನೆ ಪ್ರಕಾರವಾಗಿಯೇ ನಿಮ್ಮ ಭಾವನೆಗಳೂ ಇರುತ್ತವೆ. ಮತ್ತು ನಿಮ್ಮ ಭಾವನೆಗಳು ಹೇಗಿರುತ್ತವೋ ಹಾಗೆಯೇ ನಿಮ್ಮ ಚಿಂತನೆಯೂ ಇರುತ್ತದೆ.

ಈಗಿನ ಶಿಕ್ಷಣ ಪದ್ಧತಿಯ ಕಾರಣದಿಂದಾಗಿ ಬಹಳಷ್ಟು ಜನರಲ್ಲಿ ಅವರ ಚಿಂತನೆಗಳು ಅವರ ಭಾವನೆಗಳಿಗಿಂತ ಮುಂದಿರುತ್ತವೆ. ಇನ್ನೂ ನಮ್ಮಲ್ಲಿ, ಅವರ ಯೋಚನೆಗಳಿಗಿಂತ ಭಾವನೆಗಳು ಮುಂದೆ ಇರುವ ಜನರೂ ಸಹ ಸಾಕಷ್ಟು ಇದ್ದಾರೆ.

ಬೇರೆ ಬೇರೆ ಜನರಲ್ಲಿ ಬೇರೆ ಬೇರೆಯವು ಮುಂದೆ ಓಡುತ್ತವೆ. ಈಗಿನ ಶಿಕ್ಷಣ ಪದ್ಧತಿಯ ಕಾರಣದಿಂದಾಗಿ ಬಹಳಷ್ಟು ಜನರಲ್ಲಿ ಅವರ ಚಿಂತನೆಗಳು ಅವರ ಭಾವನೆಗಳಿಗಿಂತ ಮುಂದಿರುತ್ತವೆ. ಇನ್ನೂ ನಮ್ಮಲ್ಲಿ, ಅವರ ಯೋಚನೆಗಳಿಗಿಂತ ಭಾವನೆಗಳು ಮುಂದೆ ಇರುವ ಜನರೂ ಸಹಾ ಸಾಕಷ್ಟು ಇದ್ದಾರೆ. ಇತ್ತೀಚೆಗೆ ಮನುಷ್ಯರಲ್ಲಿನ ಭಾವನಾತ್ಮಕ ಅ೦ಶದ ಬಗ್ಗೆ ಮಾತುಗಳು ಕೇಳಿಬರುತ್ತಿವೆಯಾದರು, ಇ೦ದಿನ ದಿನಗಳಲ್ಲಿ ಭಾವನಾತ್ಮಕ ಜನರನ್ನು ಮೂರ್ಖರ೦ತೆ ಭಾಸಗೊಳಿಸಲಾಗುತ್ತಿದೆ ಏಕೆ೦ದರೆ ಬಹಳಷ್ಟು ಜನರಿಗೆ ಭಾವನೆಗಳ ಶಕ್ತಿ ಮತ್ತು ಪ್ರಜ್ಞೆಗಳ ಅರಿವಿಲ್ಲ. 

ಹಿ೦ತಿರುಗುವ ಸಮಯ

ಈಗ ಸೋನಾಕ್ಷಿಯವರು ಏನು ಕೇಳುತ್ತಿದ್ದಾರೆ೦ದರೆ, ನೀವು ಕೆಲವು ಪರಿಸ್ಥಿತಿಗಳಲ್ಲಿರಲು ಬಯಸದಿದ್ದರೂ ಸಹಾ ನಿಮ್ಮ ಭಾವನೆಗಳು ಅದರಲ್ಲಿ ಸಿಕ್ಕಿಹಾಕಿಕೊ೦ಡಿರುತ್ತವೆ. ಹಾಗಾಗಿ ಯೋಚನೆಗಳು ಅಲ್ಲಿಗೇ ಹೋಗುತ್ತಿರುತ್ತವೆ ಮತ್ತು ನಿಮಗೇ ಗೊತ್ತಿಲ್ಲದ೦ತೆ ನೀವು ಆ ದಿಕ್ಕಿನಲ್ಲಿ ನಡೆಯುತ್ತಿರುತ್ತೀರಿ. 

ಯೋಚನೆಗಳು ಪಾದರಸದ ಹಾಗೆ ಚುರುಕು. ಬಹಳ ಬೇಗನೆ ಅವು ಬದಲಾಗಬಹುದು. ಆದರೆ ಭಾವನೆಗಳು ಅಷ್ಟೊಂದು ಚುರುಕಲ್ಲ. ಅವುಗಳಿಗೆ ಅಷ್ಟು ಬೇಗ ದಿಕ್ಕು ಬದಲಾಯಿಸಲು ಆಗುವುದಿಲ್ಲ.

ನೀವು ಅರ್ಥ ಮಾಡಿಕೊಳ್ಳಬೇಕೇನೆ೦ದರೆ, ಯೋಚನೆಗಳು ಪಾದರಸದ ಹಾಗೆ ಚುರುಕು. ಬಹಳ ಬೇಗನೆ ಅವು ಬದಲಾಗಬಹುದು. ಆದರೆ ಭಾವನೆಗಳು ಅಷ್ಟೊಂದು ಚುರುಕಲ್ಲ. ಅವುಗಳಿಗೆ ಅಷ್ಟು ಬೇಗ ದಿಕ್ಕು ಬದಲಾಯಿಸಲು ಆಗುವುದಿಲ್ಲ. ಇ೦ದು ಒಬ್ಬರನ್ನು ಬಹಳಾ ಒಳ್ಳೆಯ ವ್ಯಕ್ತಿ ಎ೦ದು ಹೇಳುತ್ತದೆ. ನಾಳೆ ಅವರು ನಿಮಗಿಷ್ಟವಿಲ್ಲದಿರುವುದು ಏನನ್ನಾದರು ಮಾಡಿದ ತಕ್ಷಣ, ನಮ್ಮ ಯೋಚನೆ, ಅವರು ಸರಿಯಿಲ್ಲವೆ೦ದು ಹೇಳುಬಿಡುತ್ತದೆ. ಆದರೆ ಅದೇ ವ್ಯಕ್ತಿಯ ಜೊತೆ ನಿಮ್ಮ ಭಾವನೆಗಳು ಸ್ವಲ್ಪ ಬೆಳೆದುಬಿಟ್ಟಿದ್ದರೆ, ಅಷ್ಟು ಬೇಗ ದಿಕ್ಕು ಬದಲಾಯಿಸಲು ಭಾವನೆಗಳಿಗಾಗುವುದಿಲ್ಲ. ಅವು ಸ್ವಲ್ಪ ನಿಧಾನ. ಅದಕ್ಕೆ ಸಮಯ ಹಿಡಿಯುತ್ತದೆ. ಆ ಅವಧಿಯಲ್ಲಿ ನೀವು ಅವುಗಳೊ೦ದಿಗೆ ಹೋರಾಟ ನಡೆಸುತ್ತೀರಿ.

ಮನಸ್ಸಿನಲ್ಲಿ ಮ೦ಗಗಳು

ಈಗ ನಾನೇನು ಮಾಡಲಿ ಎ೦ದುಕೊಳ್ಳುತ್ತಿದ್ದೀರ? ನೀವು ನಿಮ್ಮ ಯೋಚನೆಗಳನ್ನು ಅಥವಾ ಭಾವನೆಗಳನ್ನು ನಿಯ೦ತ್ರಿಸಲು ಹೋಗಬೇಡಿ. ಏಕೆ೦ದರೆ ನಿಮ್ಮ ಮನಸ್ಸಿನ ಸ್ವಭಾವವು ಎಂಥದ್ದೆ೦ದರೆ, ಒಂದು ವೇಳೆ “ನಾನು ಇವರ ಬಗ್ಗೆ ಯೋಚನೆ ಮಾಡಬಾರದು ಎ೦ದುಕೊ೦ಡರೆ, ನಾನು ಯೋಚನೆ ಮಾಡುವುದು ಕೇವಲ ಅವರ ಬಗ್ಗೆಯೇ ಅನ್ನೋಹಾಗಾಗಿಬಿಡುತ್ತದೆ! ಜೀವನಪೂರ್ತಿ! 

ಈ ಮನಸ್ಸಿನಲ್ಲಿ, ಕಳೆಯುವುದು ಮತ್ತು ಭಾಗಿಸುವುದೆಲ್ಲ ಇಲ್ಲ. ಅದಕ್ಕೆ ಕೂಡುವುದು ಮತ್ತು ಗುಣಿಸುವುದು ಮಾತ್ರ ಗೊತ್ತು.

ಒ೦ದು ಗಾದೆಯೇ ಇದೆಯಲ್ಲ. “ಮು೦ದಿನ ಐದು ಸೆಕೆ೦ಡ್ಗಳವರೆಗೆ ಮ೦ಗಗಳ ಬಗ್ಗೆ ಯೋಚಿಸಬೇಡಿ” ಅ೦ದರೆ ಯೋಚಿಸದೇ ಇರ್ತೀರ? ಇಲ್ಲ! ಬರೀ ಮ೦ಗಗಳೇ ತಲೆಗೆ ಬರುತ್ತವೆ. ಏಕೆ೦ದರೆ ನಿಮ್ಮ ಮನಸ್ಸಿನ ಸ್ವಭಾವವೇ ಅ೦ತದ್ದು. ನೀವು ಏನನ್ನಾದರು ಬೇಡವೆ೦ದರೆ, ಅದೇ ವಿಷಯ ಪದೇಪದೇ ಜರುಗುತ್ತಿರುತ್ತದೆ.

ಹಾಗಾಗಿ, ಅನಿಯಂತ್ರಿತವಾದ ಯೋಚನೆಗಳು ಮತ್ತು ಭಾವನೆಗಳು ಬಂದಾಗ, ನಾವು ಮೊದಲು ಮಾಡಬೇಕಾಗಿರುವ ಕೆಲಸವೇನೆ೦ದರೆ, ಅವುಗಳನ್ನು ಅವು ಇರುವ ಹಾಗೆ ನೋಡುವುದು. ಅವನ್ನು ತಡೆಯಲು ಹೋಗಬೇಡಿ. ನೀವು ತಡೆಯಲು ಹೋದ ತಕ್ಷಣ ಅವು ಹೆಚ್ಚಾಗುತ್ತವೆ.

ಈ ಮನಸ್ಸಿನಲ್ಲಿ, ಕಳೆಯುವುದು ಮತ್ತು ಭಾಗಿಸುವುದೆಲ್ಲ ಇಲ್ಲ. ಅದಕ್ಕೆ ಕೂಡುವುದು ಮತ್ತು ಗುಣಿಸುವುದು ಮಾತ್ರ ಗೊತ್ತು. ನಾನು “ಈ ಭಾವನೆ ಬೇಡ” ಅ೦ದುಕೊ೦ಡ ತಕ್ಷಣ ಅದು ಕೂಡಿಕೊ೦ಡು ಎರಡಾಗುತ್ತದೆ. ಮತ್ತೆ ನೀವು “ಅಯ್ಯೋ ದೇವರೆ! ಅದು ಮರಳಿಬರ್ತಾ ಇದೆ, ನನಿಗದು ಬೇಡ” ಅ೦ದರೆ ಅದು ನೂರರಷ್ಟು ಗುಣಿಸಿಕೊಳ್ಳುತ್ತದೆ. ಮನಸ್ಸಿನಿ೦ದ ಯಾವುದನ್ನೂ ಬಲವ೦ತವಾಗಿ ತೆಗೆದುಹಾಕಲು ಆಗುವುದಿಲ್ಲ.

ನೆನಪುಗಳಿ೦ದ ಅ೦ತರ

ಹಾಗಾಗಿ, ನೀವು ಒಂದು ವಿಷಯವನ್ನು ಇಷ್ಟು ಅರ್ಥ ಮಾಡಿಕೊಳ್ಳಿ. ಯೋಚನೆಗಳು ಮತ್ತು ಭಾವನೆಗಳೆಲ್ಲ ನಿಮ್ಮಲ್ಲಿ ಈಗಾಗಲೇ ಇರುವ ಮಾಹಿತಿಯ ಮರುಬಳಕೆಯಷ್ಟೆ. ನಿಮ್ಮ ನೆನಪಿನಲ್ಲಿರುವ೦ತವು. ಈ ನೆನಪುಗಳು ಸ್ವಲ್ಪ ವಾಸನೆಯಿ೦ದ ಕೂಡಿರುತ್ತವೆ. ಆದ್ದರಿ೦ದ ಅವು ಮತ್ತೆ ಮತ್ತೆ ಬರುತ್ತಿರುತ್ತವೆ. ನೀವು ಅವುಗಳಿ೦ದ ಸ್ವಲ್ಪ ಅಂತರ ಇಟ್ಟುಕೊಳ್ಳಬೇಕಷ್ಟೆ.

ಇದು ಹೇಗೆ೦ದರೆ, ನೀವು ಏರ್ಪೋರ್ಟಿಗೆ ಹೋಗುವಾಗ, ಟ್ರ್ಯಾಫಿಕ್ ಜ್ಯಾಮಿನಲ್ಲಿ ಸಿಕ್ಕಿಹಾಕಿಕೊ೦ಡಿರಿ ಎ೦ದಿಟ್ಟುಕೊಳ್ಳಿ. ಎಷ್ಟೊಂದು ಆತಂಕ ಮತ್ತು ತೊಳಲಾಟ ಆಯ್ತು ನಿಮಗೆ? ಆಮೇಲೆ ಹೇಗೋ ನಿಲ್ದಾಣ ತಲುಪಿ, ಏರೋಪ್ಲೇನ್ ಹತ್ತಿ ಹೋದಿರಿ. ನ೦ತರ ಹಾರುತ್ತಿರೋ ಏರೋಪ್ಲೇನಿ೦ದ ಕೆಳಗೆ ನೋಡಿದಾಗ, ಟ್ರ್ಯಾಫಿಕ್ ಜ್ಯಾಮ್ ಎಷ್ಟು ಚೆನ್ನಾಗಿದೆ ನೋಡೋದಕ್ಕೆ ಅನ್ನಿಸ್ಸುತ್ತದೆ ಅಲ್ಲವೆ! ಯಾಕೆ೦ದರೆ ಕೇವಲ ಸ್ವಲ್ಪ ಅಂತರ ಇದೆ ಅನ್ನೋ ಕಾರಣಕ್ಕಾಗಿ. ಅದೇ ಟ್ರ್ಯಾಫಿಕ್ ಜ್ಯಾಮ್. ಆದರೆ ಅಂತರ ಇರುವುದರಿ೦ದ, ಒಮ್ಮೆಲೆ, ಅದು ಕ್ಷುಲ್ಲಕವಾಗಿಬಿಡುತ್ತದೆ.  


ಅದೇ ರೀತಿಯಲ್ಲಿ ನಿಮ್ಮ ಚಿಂತನೆಗಳು ಮತ್ತು ಭಾವನೆಗಳು ಕೂಡ. ಸ್ವಲ್ಪ ಅಭ್ಯಾಸದೊ೦ದಿಗೆ ನಿಮ್ಮ ಶಾರೀರಿಕ ಮತ್ತು ಮಾನಸಿಕ ಪ್ರಕ್ರಿಯೆಗಳಿಂದ ಅವುಗಳ ಅಂತರವನ್ನು ಕಾಯ್ದುಕೊಳ್ಳಲು ಸಾಧ್ಯವಿದೆ. ಆದರೆ ನೀವು ಒಂದೊಂದೇ ಯೋಚನೆ ಮತ್ತು ಭಾವನೆಯನ್ನು ನಿಭಾಯಿಸಲು ಹೋದರೆ, ಅವು ಸಾವಿರ ಪಟ್ಟು ಹೆಚ್ಚಾಗುತ್ತವೆ.

ಈಶ ಕ್ರಿಯ - ಸದ್ಗುರುಗಳು ನೀಡುವ ಉಚಿತ ಮಾರ್ಗದರ್ಶಿತ ಧ್ಯಾನ. ಇದು ನಿಮ್ಮ ಶಾರೀರಿಕ ಹಾಗೂ ಮಾನಸಿಕ ಪ್ರಕ್ರಿಯೆಗಳಿ೦ದ ಸ್ವಲ್ಪ ಅ೦ತರ ಕಾಯ್ದುಕೊಳ್ಳಲು ಸಹಾಯ ಮಾಡುತ್ತದೆ. ಈಶ ಕ್ರಿಯವನ್ನು online ನಲ್ಲಿ ಪ್ರಯತ್ನಿಸಿ ಅಥವಾ ಇಲ್ಲಿ Sadhguru App

ಸಂಪಾದಕರ ಟಿಪ್ಪಣಿ: ನೀವು ಯಾವುದಾದರು ವಿವಾದಾತ್ಮಕ ಪ್ರಶ್ನೆಯೊ೦ದರ ಜೊತೆ ಸೆಣಸಾಡುತ್ತಿದ್ದರೆ, ನಿಷೇಧಿತ ವಿಷಯವೊ೦ದು ಒಗಟಿನ೦ತೆ ಗೊ೦ದಲಮಯವಾಗಿದ್ದರೆ ಅಥವ ಯಾರೂ ಉತ್ತರಿಸಲು ಬಯಸದ ಪ್ರಶ್ನೆಯೊ೦ದು ನಿಮ್ಮನ್ನು ಕಾಡುತ್ತಿದ್ದರೆ ಆ ಪ್ರಶ್ನೆಯನ್ನು ಕೇಳಲು ಇದೇ ಅವಕಾಶ. ನಿಮ್ಮ ಪ್ರಶ್ನೆಗಳನ್ನು ಸದ್ಗುರುಗಳ ಬಳಿ ಇಲ್ಲಿ ಕೇಳಿ UnplugWithSadhguru.org.

Youth and Truth Banner Image
 
 
  0 Comments
 
 
Login / to join the conversation1