FILTERS:
SORT BY:
കാലഭൈരവൻ മരണത്തെ സംബന്ധിക്കുന്നത് മാത്രമല്ല - അവൻ സമയത്തെക്കുറിച്ചുള്ളതാണ്. നിങ്ങളുടെ ജീവിതത്തിൻറെ നിലവാരം അടിസ്ഥാനപരമായി നിങ്ങൾ നിങ്ങളുടെ സമയം എങ്ങനെ ഉപയോഗിക്കുന്നു എന്നതിനെ ആശ്രയിച്ചിരിക്കുന്നു.
നിങ്ങൾക്കുള്ളിൽ നിങ്ങൾ നിശബ്ദനായിത്തീരുമ്പോൾ, നിങ്ങൾക്ക് സങ്കൽപ്പിക്കാൻ പോലും കഴിയാത്ത വിധത്തിൽ, അങ്ങേയറ്റം ഗഹനമായി നിങ്ങൾ ജീവിതത്തെ ഗ്രഹിക്കും.
നിങ്ങളുടെ ഹൃദയത്തിൽ സ്നേഹമുണ്ടെങ്കിൽ, പിന്നെ ദയയുടെ ആവശ്യമില്ല. സ്നേഹം ജീവിതത്തിലൂടെ നിങ്ങളെ നയിക്കും.
കയറുന്നതിന് ഒരു വില നൽകേണ്ടതുണ്ട്, എന്നാൽ വീഴ്ച സൗജന്യമാണ്. മനോഹരമായ ഇടങ്ങളിലേക്ക് വീഴാൻ നിങ്ങൾ പഠിക്കണമെന്നു മാത്രം – ഏറ്റവും മനോഹരമായ ഇടമാകട്ടെ നിങ്ങളുടെ ഉള്ളിൽ തന്നെയാണ്.
പൂവിന് സുഗന്ധം എങ്ങനെയാണോ, അതുപോലെയാണ് മനുഷ്യന് സ്നേഹം.
നിങ്ങൾ ചെയ്യുന്ന ഏതൊരു കാര്യത്തിലും വിജയവും സന്തോഷവും ഉണ്ടാകണമെങ്കിൽ, ഏറ്റവും പ്രധാനം കാര്യങ്ങളെ വ്യക്തമായി ഗ്രഹിക്കുക എന്നതാണ്.
ധ്യാനം ഒരു കീഴടക്കലോ നേട്ടമോ അല്ല - അത് ഒരു മടങ്ങിവരവാണ്. അത് എവിടെയെങ്കിലും പോകുന്നതിനെക്കുറിച്ചല്ല - അത് നിങ്ങളിലേക്കു തന്നെ മടങ്ങിയെത്തുന്നതിനെക്കുറിച്ചാണ്.
നിങ്ങളാരാണ് എന്നത് നിങ്ങൾക്കുള്ളിൽ വ്യക്തമായി സ്ഥാപിതമായാൽ, ആളുകൾ എന്തു പറയുന്നു എന്നത് കാര്യമല്ലാതാകും.
നിങ്ങളുടെ ജീവിതത്തിന് ആവശ്യമായ ചേരുവകൾ മാത്രമേ നിങ്ങൾക്ക് നൽകിയിട്ടുള്ളൂ. അതിൽ നിന്ന് നിങ്ങൾ എന്ത് സൃഷ്ടിക്കുന്നു എന്നത് നിങ്ങളുടെ കൈകളിലാണ്.
നിങ്ങളുടെ ജീവിത സാഹചര്യം എന്തുതന്നെയായാലും, ദുഃഖിക്കേണ്ട കാര്യമില്ല. നിങ്ങൾ ഒന്നുമില്ലാതെയാണ് വന്നത്, അതിനാൽ നിങ്ങൾ എപ്പോഴും ലാഭത്തിലാണ്.
നിങ്ങളുടെ കുട്ടികളോട് നിങ്ങൾക്ക്ഹൃദയത്തിൽ അല്പമെങ്കിലും സ്നേഹമുണ്ടെങ്കിൽ, നിങ്ങൾക്ക് ചെയ്യാവുന്ന ഏറ്റവും നല്ല കാര്യം അവരെ പഠിപ്പിക്കുക എന്നതല്ല, മറിച്ച് സ്വയം മെച്ചപ്പെടുകയാണ്.
നമുക്ക് ചുറ്റുമുള്ള ഭൗതിക സാഹചര്യങ്ങളെ നമുക്ക് എപ്പോഴും മാറ്റാൻ കഴിഞ്ഞെന്നു വരില്ല. പക്ഷേ നമ്മൾ ആ സാഹചര്യങ്ങളെ എങ്ങനെ അനുഭവിക്കുന്നു എന്നതിനെ ആർക്കും മാറ്റാനാകില്ല.