ஈஷாவில் நடந்தவை…

கோவையில் ஈஷா மையம் உதயம்
ஈஷா யோகா மையம் சார்பாக கோவை சாய்பாபா காலனியில் புதிதாக ஒரு தியான மண்டபம் திறக்கப்பட்டது. டிசம்பர் 1ம் தேதி மாலை 6 மணியளவில் நடைபெற்ற இந்நிகழ்ச்சியில் 300க்கும் மேற்பட்ட தியான அன்பர்கள் கலந்துகொண்டனர். இந்நிகழ்ச்சி, குரு பூஜையுடன் ஆரம்பித்து, தொடர்ந்து ஈஷா கிரியா தியானமும் நடைபெற்றது.வரும் நாட்களில், இந்த தியான மண்டபம் ஈஷாவின் செயல்பாடுகளுக்காக பயன்படுத்தப்படவுள்ளது. மாதாந்திர தியான சத்சங்கமும், ஒவ்வொரு ஞாயிறும் காலை 6 முதல் 8 மணிவரை, பொதுமக்களுக்காக இலவச ஈஷா கிரியா தியானமும் இங்கு கற்றுத்தரப்படும். மேலும் 2 மாதங்களுக்கு ஒரு முறை ஈஷா யோகா வகுப்புகளும் நடைபெறவுள்ளது. இந்த தியான மண்டபம், தினமும் மாலை 6 முதல் 9 மணி வரை ஈஷா தியான அன்பர்களுக்காக திறந்திருக்கும். மேலும் ஒவ்வொரு ஞாயிறன்றும், தியான அன்பர்கள் இங்கே ஒன்றுகூடி யோகப் பயிற்சிகள் செய்வர்.முகவரி: ஈஷா யோக மையம், வி.கே.கே மேனன் ரோடு, பி.என்.டி பஸ் நிலையம் அருகில், சாய்பாபா காலனி, கோயம்புத்தூர்தொலைபேசி: திரு. ரவி 99446 22111

இலவச மரக்கன்றுகள் பிரபல ஹனிவெல் கம்பெனியின் சார்பாக, திருவள்ளூர் மாவட்டம் கடம்பத்தூரில் உள்ள அரசு ஆண்கள் மற்றும் பெண்கள் மேல்நிலைப் பள்ளியில் பயிலும் 1200 மாணவர்களுக்கு சுமார் 1400 மரக்கன்றுகள் பசுமைக் கரங்கள் திட்டம் இலவசமாக விநியோகித்தது.