ಧೂಮಪಾನದ ಅಭ್ಯಾಸವನ್ನು ಬಿಡುವುದು ಕಷ್ಟವಾಗಬಹುದು. ಈ ವೀಡಿಯೋದಲ್ಲಿ, ಧೂಮಪಾನ ಚಟವನ್ನು ಬಿಡಲು ಅಡ್ಡಿಯಾಗುವ ಶಾರೀರಿಕ ಮತ್ತು ಮಾನಸಿಕ ಅಂಶಗಳೊಂದಿಗೆ ನಾವು ಹೇಗೆ ವ್ಯವಹರಿಸಬಹುದು ಎಂಬುದನ್ನು ಸದ್ಗುರುಗಳು ನಮಗೆ ತೋರಿಸುತ್ತಾರೆ.

"ಸಿಗರೇಟ್ ಕೆಟ್ಟದ್ದು ಅಂತ ನಮಗ್ ಗೊತ್ತು ಆದ್ರೆ ಅದನ್ನ ಬಿಡಕ್ಕಾಗಲ್ಲ" ಎಂಬ ಜನರ ಸಾಮಾನ್ಯ ಗೋಳಿಡುವಿಕೆಗೆ ಸದ್ಗುರುಗಳು ಇಲ್ಲಿ ವಿನೋದಪೂರ್ಣ ಆದರೆ ಗಹನವಾದ ಉತ್ತರವನ್ನು ನೀಡುತ್ತಾರೆ.

ವ್ಯಸನಗಳನ್ನು ಬಿಡಿಸುವಲ್ಲಿ ಯೋಗಕ್ರಿಯೆಗಳ ಪಾತ್ರವೇನು, ಮತ್ತು ಅದಕ್ಕೆ ಅಗತ್ಯವಿರುವ ಬೇರೆ ಪೂರಕ ಅಂಶಗಳೇನು ಎಂದು ಸದ್ಗುರು ವಿವರಿಸುತ್ತಾರೆ.

ಭಂಗಿ, ಗಾಂಜಾ ಮುಂತಾದ ಮಾದಕ ವಸ್ತುಗಳಿಗೆ ದೊಡ್ಡ ಸಂಖ್ಯೆಯಲ್ಲಿ ಜನ ಬಲಿಯಾಗುತ್ತಿದ್ದಾರೆ. ಅದರಲ್ಲೂ ಯುವಜನತೆ ಇವುಗಳಿಗೆ ಮಾರುಹೋಗುತ್ತಿದೆ. ಇವುಗಳಲ್ಲಿ ಕೆಲವು ವಸ್ತುಗಳನ್ನು ಕಾನೂನಾತ್ಮಕವಾಗಿಸಬೇಕು ಎಂಬ ಕೂಗೂ ಕೇಳಿಬರುತ್ತಿದೆ! ಹಾಗಿದ್ದರೆ ಇವುಗಳ ಸೇವನೆಯಿಂದ ತೊಂದರೆಯಿಲ್ಲವಾ? ಮಾನವನ ವ್ಯವಸ್ಥೆಯ ಮೇಲೆ ಇವು ಬೀರುವ ಪರಿಣಾಮ ಎಂಥದ್ದು? ಒಮ್ಮೆ ಇವು ಕಾನೂನಾತ್ಮಕವಾದರೆ ಸಮಾಜದ ಮೇಲಾಗುವ ಪರಿಣಾಮ ಏನು? ಇವುಗಳಿಂದ ಹೊರಬರಲು ಉಪಾಯವೇನು? ಸಂತಸವನ್ನರಸಿ ಇವುಗಳನ್ನು ಅವಲಂಬಿಸಿರುವ ಯುವಜನಾಂಗದ ಮುಂದಿರುವ ಬದಲೀ ಮಾರ್ಗ ಯಾವುದು ? ಕೇಳಿ ಸದ್ಗುರುಗಳ ಮಾತುಗಳಲ್ಲಿ.

ತಮ್ಮ ಗುರಿಯನ್ನು ತಲುಪುವಲ್ಲಿ ತಂತ್ರಜ್ಞಾನವು ಯುವಜನರಿಗೆ ಸಹಾಯಕವೇ, ಅಥವಾ ಅಡ್ಡಿಯೇ ಎಂದು ಬಾಲಿವುಡ್ ಸಿನೆಮಾ ನಿರ್ಮಾಪಕ-ನಿರ್ದೇಶಕರಾದ ಇಮ್ತಿಯಾಜ಼್ ಅಲಿಯವರು ಸದ್ಗುರುಗಳನ್ನು ಕೇಳುತ್ತಿದ್ದಾರೆ. #UnplugWithSadhguru

ಡ್ರಗ್ಸ್ ಮತ್ತು ಮಾದಕ ವಸ್ತುಗಳ ಕುರಿತ ಪ್ರಶ್ನೆಗೆ ಸದ್ಗುರುಗಳು ಉತ್ತರ ನೀಡುತ್ತಾ, "ಯಾವುದೇ ಉತ್ತೇಜಕಗಳನ್ನು ನೀವು ಹೊರಗಿನಿ೦ದ ತೆಗೆದುಕೊಂಡರೂ ಮೂಲಭೂತವಾಗಿ ಮನುಷ್ಯನ ಅನುಭವಗಳು, ಎಲ್ಲಾ ರೀತಿಯವು, ಉಂಟಾಗುವುದು ನಮ್ಮ ಆಂತರ್ಯದಿಂದಲೇ" ಎಂದು ತಿಳಿಸುತ್ತಾರೆ.

ಪಿಂಗ್ ! ಪಿಂಗ್ ! ಪಿಂಗ್ ! ಅದು ವಾಟ್ಸ್ಯಾಪ್, ಫೇಸ್ ಬುಕ್, ಇನ್ಸ್ಟಾಗ್ರಾಮ್ ಅಥವಾ ಇನ್ಯಾವುದೇ ಇರಲಿ, ನೀವು ನಿಮ್ಮ ಮೊಬೈಲ್ನಿಂದ ಬಹಳ ವಿಚಲಿತರಾಗುತ್ತಿದ್ದಿರಾ? ಸದಾ ಮೊಬೈಲ್‍ಗೆ ಅಂಟಿಕೊಂಡಿರುವವರಿಗೆ ಸದ್ಗುರು ಹೀಗೆ ಹೇಳುತ್ತಾರೆ -ಯಾವುದು ಅನುಕೂಲವಾಗಬೇಕಿತ್ತೋ ಅದೇ ಈಗ ಅಡಚಣೆಯಾಗುತ್ತಿದೆ. ನೀವು ಮೊಬೈಲ್ ಅನ್ನು ಸ್ವಿಚ್ ಆಫ್ ಮಾಡಿದರೂ ಕೂಡ ಪ್ರಪಂಚದ ಆಗು ಹೋಗುಗಳು ಸಾಗುತ್ತಲೇ ಇರುತ್ತವೆ.

ಶಿವನು ಗಾಂಜಾ ಬಳಸುತ್ತಿದ್ದನೇ ಎಂಬ ಪ್ರಶ್ನೆಗೆ ಉತ್ತರಿಸುತ್ತಾ ಸದ್ಗುರುಗಳು ಮೆದುಳಿನ ಮೇಲೆ ಗಾಂಜಾದಿಂದಾಗುವ ಪರಿಣಾಮದ ಬಗ್ಗೆ ವಿವರಿಸುತ್ತಾರೆ. ಹೊರಗಿನಿಂದ ರಾಸಾಯನಿಕಗಳನ್ನು ಬಳಸಬೇಕಾದ ಅನಿವಾರ್ಯತೆ ಶಿವನಿಗಿರಲಿಲ್ಲ. ಅವನು ಸದಾ ಮತ್ತಿನಲ್ಲಿರುತ್ತಿದ್ದ, ಅದರಲ್ಲೇನೂ ಸಂಶಯವಿಲ್ಲ. ಆದರೆ ಅವನು ಯಾವುದೇ ರೀತಿಯ ಮಾದಕವಸ್ತುವನ್ನು ಬಳಸುವವನಲ್ಲ, ಅವನೇ ಒಂದು ಮಾದಕವಸ್ತು.

ಯುವಜನರಲ್ಲಿ ಹೆಚ್ಚುತ್ತಿರುವ ಮದ್ಯ ಮತ್ತು ಮಾದಕ ವಸ್ತುಗಳ ವ್ಯಸನದ ಬಗ್ಗೆ ತೆಲುಗು ಚಿತ್ರಕಥೆಗಾರ ಮತ್ತು ಚಿತ್ರ ನಿರ್ದೇಶಕರಾದ ನಾಗ್ ಅಶ್ವಿನ್‌ರವರು ಸದ್ಗರುಗಳನ್ನು ಕೇಳುತ್ತಾರೆ. ಯುವಜನರು ಮಾದಕ ವಸ್ತುಗಳತ್ತ ಆಕರ್ಷಿತರಾಗುತ್ತಿರುವ ಕಾರಣಗಳ ಬಗ್ಗೆ ಸದ್ಗುರುಗಳು ವಿವರಣೆಯನ್ನು ಕೊಡುತ್ತ, ಜೀವನದ ಬೇರೆ ಬೇರೆ, ಉತ್ತಮವಾದ ಆನಂದಗಳನ್ನು ಅನುಭವಿಸುವುದನ್ನು ಕಲಿಯಲು ಸಹಾಯ ಮಾಡಲು ಕೆಲ ಸರಳವಾದ ಪರಿಹಾರಗಳನ್ನು ತಿಳಿಸುತ್ತಾರೆ.

ಇಂದಿನ ದಿನಗಳಲ್ಲಿ, ನಮ್ಮ ಕೈಗಳು ಯಾವಾಗಲೂ ಫೋನ್‌ಗೆ ಅಂಟಿಕೊಂಡಿರುವಂತೆ ತೋರುತ್ತವೆ. ರಣ್‌ವೀರ್ ಸಿಂಗ್, ಸದ್ಗುರು ಅವರೊಂದಿಗಿನ ಸಂಭಾಷಣೆಯಲ್ಲಿ, ಮನುಷ್ಯರು ಮಾಹಿತಿ ವಿನಿಮಯವನ್ನು ಈ ರೀತಿಯಲ್ಲಿ ಮಾಡಿಕೊಳ್ಳಬೇಕಾಗಿತ್ತೆ, ಎಂದು ಅಚ್ಚರಿಪಡುತ್ತಾರೆ.