FILTERS:
SORT BY:
જ્યારે તમે એક બાળક હતા, ત્યારે તમને દુઃખી કરવા કોઈએ મહેનત કરવી પડતી હતી. આજે, તમને ખુશ કરવા કોઈએ મહેનત કરવી પડે છે. આ જ સમય છે એ સમજવાનો કે માણસના અનુભવનો સ્ત્રોત માણસની અંદર છે.
ફૂલ માટે જે સુગંધ છે, માણસ માટે તે પ્રેમ છે.
જો તમે જે પણ કરો તેમાં તમારે સફળતા અને આનંદ જોઈતો હોય, તો સૌથી મહત્ત્વની વસ્તુ છે બોધની સ્પષ્ટતા.
ધ્યાન કોઈ જીત કે ઉપલબ્ધી નથી - તે ઘરે પાછા ફરવું છે. તે ક્યાંય જવા વિષે નથી - તે બસ તમારા પોતાનામાં પાછા આવવું છે.
હોળી ત્યારે આવે છે જ્યારે વસંત પૂરી ખીલી હોય છે. આ જ સમય છે તમારી જીવંતતાને રંગ, પ્રેમ અને ઉલ્લાસના નૃત્યથી ઉજવવાનો.
તમને તમારા જીવન માટે બસ કાચી સામગ્રી જ આપવામાં આવી છે. તેમાંથી તમે શું બનાવો છો તે તમારા પર છે.
તમારા જીવનની પરિસ્થિતિ જે પણ હોય, દુઃખી થવાનું કોઈ કારણ નથી. તમે કંઈ લીધા વગર આવ્યા હતા, એટલે તમે હંમેશા નફામાં જ છો.
જો તમારા દિલમાં તમારા બાળકો માટે થોડો પણ પ્રેમ હોય, તો તમે જે શ્રેષ્ઠ વસ્તુ કરી શકો છો એ છે તમારા પોતાના પર કામ કરવું, નહિ કે તેમને શીખવવું.
કાલભૈરવ ખાલી મૃત્યુ વિષે નથી - તેઓ સમય વિષે છે. તમારા જીવનની ગુણવત્તા મૂળભૂત રીતે તેના પર આધારિત છે કે તમે તમારા સમયનો ઉપયોગ કેવી રીતે કરો છો.
જ્યારે તમે તમારી અંદર નિઃશબ્દ થઈ જશો, ત્યારે તમે જીવનને તમે કલ્પના પણ ન કરી શકો તે રીતે જોશો - પૂરેપૂરી ગહનતામાં.
જો તમારા દિલમાં પ્રેમ હોય, તો દયાની કોઈ જરૂર નથી. પ્રેમ તમને જીવનમાં માર્ગદર્શન આપશે.
ઉપર ચડવાની કિંમત હોય છે, પણ નીચે પડવું મફત છે. તમારે બસ સુંદર સ્થાનોમાં પડતા શીખવાની જરૂર છે - અને સૌથી સુંદર સ્થાન તમારી અંદર છે.