గాఢమైన ఏకాత్మానుభూతితోనే మీరు ఉత్సాహ భరితమైన జీవితాన్ని జీవించగలరు, ఇంకా చైతన్యవంతమైన పరిస్థితులను సృష్టించగలరు.

ప్రాధమికంగా యోగా అంటే, మీ వ్యక్తిత్వపు సరిహద్దుల్ని చెరపివేసి విశ్వవ్యాప్తం కావడమే.

జీవిత భాగస్వామి ఒక గమ్యంకాదు, కేవలం ఒక తోటి బాటసారి మాత్రమే.

మీరు మీ ప్రాణశక్తిని ఉత్తేజoగా, మనస్సు తాజాగా, హృదయం ప్రేమ పూర్వకంగా నిలుపుకోగలిగితే, ప్రతిదినమూ మీకు ఒక కొత్త సాహస యాత్రే.

విద్యార్జనకు స్ఫూర్తి కావాలి, ఉత్త సమాచారం కాదు. స్ఫూర్తితో ఉన్నవారే తమ జీవితాలను, తమ చుట్టూ ఉన్నవారి జీవితాలను కూడా మార్చగలరు.

జీవితంలోని అతి చిన్న విషయం నుండి, అత్యంత సంక్లిష్టమైన విషయాల వరకూ, అన్నింటిలోనూ ప్రతిదినం అనుగ్రహం నిర్వహిస్తున్న పాత్రను నేను చూస్తున్నాను. మీరు ఈ అవకాశానికి అందుబాటులో ఉండాలని నా ఆకాంక్ష, ఆశీస్సులు.

ముక్తి పొందడానికి ఎన్నో దారులున్నాయి – కేవలం ప్రాణ శక్తి ద్వారా, ఎరుకతో, సంపూర్ణ నిస్వార్థతతో లేక భక్తితోనూ దానిని సాధించవచ్చు. భక్తి అతి శీఘ్రమైనది.

మీ జీవితంలో జరిగే ప్రతి విషయాన్ని, మీరు సాధికారత కలిగించే ప్రక్రియలా ఉపయోగించుకోవొచ్చు, లేదా దాన్ని మీ బంధనంలా చేసుకోవచ్చు.

మీరు ఉంటే, నేనెప్పుడూ ఉంటాను - మీ జీవితాంతం, ఆ తరువాత కూడా. నా శరీరాన్ని వదిలేసిన తరువాత కూడా, నేను ఉంటాను.

మీ ఎదుగుదలను మీరు ప్రతిరోజూ లెక్క చూసుకోవడం ఉత్తమం. మీరు మరింత మెరుగ్గా, మరింత ఆనందంగా, మరింత వివేకవంతంగా అవుతున్నారా?

విశ్వాసం అంటే, ఇతరులు మీరు అనుకున్న విధంగానే పనులు చేయడమని కాదు. విశ్వాసం అంటే దేనికైనా సంసిద్ధంగా ఉండడం.

సంక్రాంతి అంటే మన జీవితాలకు ఆధారభూతాలైన ఈ భూమి, గాలి, నీరు, ప్రజలు, పశువులు ఇలా అన్నింటికీ గుర్తుగా జరుపుకునే ఉత్సవం. సంబరాలు చేసుకోండి!