ഓരോ ദിവസവും നിങ്ങളുടെ സ്വന്തം വളർച്ചയുടെ കണക്ക് സൂക്ഷിക്കുന്നതു നല്ലതാണ്. നിങ്ങൾ മെച്ചപ്പെടുന്നുണ്ടോ, കൂടുതൽ സന്തോഷവാനും കൂടുതൽ വിവേകിയും ആകുന്നുണ്ടോ എന്ന്.

വിശ്വാസം എന്നതിനർത്ഥം, നിങ്ങള്‍ പ്രതീക്ഷിക്കുന്ന രീതിയിൽ മറ്റുള്ളവര്‍ കാര്യങ്ങൾ ചെയ്യണം എന്നതല്ല. വിശ്വാസം എന്നാൽ, രക്ഷാകവചങ്ങളില്ലാതെ ആയിത്തീരുക എന്നാണ്.

സംക്രാന്തി അല്ലെങ്കിൽ പൊങ്കൽ, നമ്മുടെ ജീവിതത്തെ പുഷ്ടിപ്പെടുത്തുന്ന - മണ്ണ്, മൃഗങ്ങൾ, വായു, ജലം, മനുഷ്യർ - എല്ലാത്തിന്റെയും ആഘോഷമാണ്. ആഹ്ളാദപൂർവ്വം കൊണ്ടാടൂ!

സമ്പദ്‌വ്യവസ്ഥയുടെ ആരോഗ്യത്തിനായി, മനുഷ്യരുടെ ആരോഗ്യത്തിൽ നാം വിട്ടുവീഴ്ച ചെയ്യുന്നു. സുബോധം നമ്മുടെ ജീവിതത്തെ നയിക്കേണ്ട സമയമായിരിക്കുന്നു.

ജീവിതപങ്കാളി ഒരു ലക്ഷ്യസ്ഥാനമല്ല, സഹയാത്രിയാണ്.

നിങ്ങൾ ഊർജ്ജത്തിന്റെ സമൃദ്ധിയും മനസ്സിന്റെ പുതുമയും, സ്നേഹനിർഭരമായ ഒരു ഹൃദയവും നിലനിർത്തുകയാണെങ്കിൽ, ഓരോ ദിവസവും ഒരു പുതിയ സാഹസമായിരിക്കും.

വർഷത്തിലെ ഈ സമയം, നിങ്ങളുടെ വീട്ടിലും നിങ്ങളുടെ ശരീരത്തിലും മനസ്സിലും വികാരങ്ങളിലും ഒക്കെയുള്ള ആവശ്യമില്ലാത്ത കാര്യങ്ങളെയെല്ലാം നീക്കം ചെയ്ത്, ജീവിതം പുതുതായി ആരംഭിക്കുന്നതിനുള്ളതാണ്.

ആരെയും പ്രീതിപ്പെടുത്താൻ ശ്രമിക്കേണ്ട. നിങ്ങൾ യഥാർത്ഥത്തിൽ ആഹ്ളാദഭരിതനും മനുഷ്യത്വം നിറഞ്ഞൊഴുകുന്നവനുമാണെങ്കിൽ, എല്ലാവരും നിങ്ങളിൽ സന്തുഷ്ടരായിരിക്കും.

മുക്തി അഥവാ പരമമായ മോചനം നേടുന്നതിനു നിരവധി മാർഗങ്ങളുണ്ട് - ശുദ്ധമായ ഊർജ്ജം, ബോധം, തികഞ്ഞ നിസ്വാർത്ഥത, അതുമല്ലെങ്കിൽ ഭക്തി. ഭക്തിയാണ് ഏറ്റവും എളുപ്പ മാർഗം.

നിങ്ങൾക്കു ജീവിതത്തിൽ സംഭവിക്കുന്ന എല്ലാ കാര്യങ്ങളേയും ഒന്നുകിൽ സ്വയം ശാക്തീകരിക്കുന്നതിനോ അല്ലെങ്കിൽ സ്വയം കുരുക്കിലാക്കാനോ ഉള്ള ഒരു പ്രക്രിയയായി ഉപയോഗിക്കാം.

യുവാക്കളിൽ വളരെ വലിയ സാധ്യതകളുണ്ട്. നമുക്കവരെ കൂടുതല്‍ ബോധവാന്മാരാകുന്നതിനു പ്രചോദിപ്പിക്കാൻ കഴിഞ്ഞാല്‍, ഈ ലോകത്തിൽ അതിന്റെ പ്രഭാവം അതിശക്തമായിരിക്കും.

നിങ്ങൾ, ഭൂമിയെ പ്രപഞ്ചത്തിന്റെ മറ്റൊരു ഭാഗത്തു നിന്നു നോക്കുകയാണെങ്കിൽ, നമ്മൾ സ്വർഗ്ഗവാസികളാണ്. ഇതു വെറും കാഴ്ചപ്പാടിന്റെ പ്രശ്നം മാത്രമാണ്.