Wisdom
FILTERS:
SORT BY:
मनुष्य हुनुको सही अर्थ जान्न मानिसहरूले यो मूलभूत पाइला चाल्नुपर्छ— लेनदेनबाट गहनतम अनुभवतर्फ अघि बढ्ने ।
यदि तपाईं रूपान्तरण चाहनुहुन्छ भने त्यसको सबैभन्दा ठूलो हिस्सा तपाईंको शरीरमा हुनुपर्छ, किनकि मनको तुलनामा शरीरले निकै बढी स्मृति बोकेको हुन्छ ।
जब तपाईं आफू स्वयम्लाई जान्नुहुन्न, तबमात्र अरू मानिसहरूका धारणा महत्त्वपूर्ण बन्दछ ।
तपाईंले आफूलाई तृप्त पार्न सम्भव भएजति तरिका प्रयास गर्नुभएको छ, अनि कुनै पनि चीजले वास्तवमा काम गर्दैन भनेर तपाईंमा बोध भएको छ भने यसको अर्थ तपाईं यस बिन्दुमा आइपुग्नुभएको छ— ‘र अब, योग ।’
‘प्रयोग गर र फ्याँक’ (‘use and throw’) भन्ने मानसिकता अन्त्य गर्नु भनेको प्रदुषण कम गर्नेबारे मात्र होइन— यो सृष्टिमा भएका सबैप्रतिको सम्मानसँग सम्बन्धित छ । सबैचीज जीवित धरतीबाट आउँछ । यसलाई जिम्मेवार भई प्रयोग गरौँ ।
ईश्वर स्वर्गबाट अवतरित भएको तत्त्व होइन— बरू यो यस्तो सिँढी हो जसमा चढेर तपाईं उच्चतम सम्भावनामा प्रस्फुरित हुन सक्नुहुन्छ ।
जीवन न इनाम हो न दण्ड; यो बस् अद्भुत प्रक्रिया हो । तपाईंले यसलाई राम्रोसँग सवारी गर्नुभयो भने यो सुन्दर र सानदार बन्नेछ । तपाईंले यसलाई नराम्रोसँग सवारी गर्नुभयो भने यो भद्दा र पीडादायी बन्नेछ ।
परम्परा भनेको हामीअघिका पुस्ताकै नक्कल गर्नु होइन । बरू उनीहरूका अनुभवबाट सिक्नु हो ।
बाध्यात्मक प्रतिक्रिया (Reaction) व्यक्तिको विगतका स्मृति र निष्कर्षहरूमा आधारित हुन्छ । सचेतन प्रतिक्रिया (Response) यस क्षणमा गरिने चेतन प्रक्रिया हो । सचेतन प्रतिक्रिया जनाउन सिकनुहोस्, न कि बाध्यात्मक प्रतिक्रिया गर्न ।
अस्तित्वमा भइरहेका सबै गतिविधिहरू सतहमा हुन्छन् । वास्तविक चीज भने सधैँ स्थिर हुन्छ ।
ध्यान योग्यताको विषय होइन बरु इच्छुकता विषय हो ।
तपाईं जति बढी सुरक्षा खोज्नुहुन्छ, तपाईं त्यति बढी असुरक्षित बन्नुहुन्छ । निष्फिक्री हुँदाको अवस्थामा मात्र सही सुरक्षा हुन्छ ।