Satsang with Sadhguru
Satsang with Sadhguru

சிவனின் பெயர்கள் 108 சிவன் பெயர்களும் அதற்கான பொருளும்

article சிவனின் கதைகள்
சிவனின் பல்வேறு பெயர்கள் அவருடைய பல பரிமாணங்களின் குறியீடாக இருக்கிறது. இங்கு சிவனின் 108 பெயர்களும், ஏன் அவருக்கு இவ்வளவு பெயர்கள் என்பது பற்றி சத்குருவின் விளக்கமும் இடம் பெறுகிறது

“யோகக் கலாச்சாரத்தில், சிவன் கடவுளாக வழிபடப்படவில்லை. ஒரு குருவாகத்தான் வழிபடப்படுகிறார். நாம் சிவா என்று குறிப்பிடும் ஒன்று பல்வேறு பரிமாணங்களைக் கொண்டது. நீங்கள் எவர் ஒருவருக்கும் குறிப்பிடுகிற குணங்கள் எல்லாமே சிவனுக்கும் குறிப்பிடப்பட்டு உள்ளது. சிவா என்று நாம் சொல்லும்போது, அவர் இது போன்றவர், அது போன்றவர் என்றெல்லாம் சொல்வதில்லை” என்கிறார் சத்குரு.

பொதுவாக, அறநெறி சார்ந்த கலாச்சாரத்தில், தெய்வீகத்தன்மை என்பது எப்போதும் நல்லாதாகவே உணரப்படும். ஆனால் சிவனை நீங்கள் பார்த்தால் அவரை நல்லவர் என்றோ கெட்டவர் என்றோ முடிவுக்கு வந்துவிட முடியாது. இந்த பிரபஞ்சத்தில் இருக்கும் அனைத்துமே அவரிடம் ஒரு அங்கமாக இருக்கும். அவர் அப்படித்தான் இந்தக் கலாச்சாரத்தில் விவரிக்கப்பட்டு இருக்கிறார்.

சிவனின் 108 பெயர்களின் பிறப்பிடம்

சத்குரு மேலும் சொல்கிறார்,” அவருக்கு எண்ணிலடங்கா வடிவங்களும், வெளிப்பாடுகளும் இருந்தாலும், அடிப்படையில் ஏழு பிரிவுகளில் அவரை வகைப்படுத்தலாம். தொலைதூரத்தில் இருக்கும் கடவுள் தன்மையாக இருப்பதை நாம் ஈஸ்வரா என்கிறோம். கருணைமிகுந்த கடவுளாக இருப்பதை ஷம்போ என்கிறோம். எந்தச் சிக்கலும் இல்லாத துறவியாகவோ அல்லது “போ”வாகவோ, எளிமையான அன்பு நிறைந்த சம்பலேஸ்வரா அல்லது போலா என்கிறோம். வேதங்களின் நல்ல ஆசிரியராக இருக்கும்போது தக்ஷிணாமூர்த்தி என்கிறோம். அனைத்து கலைகளின் ஊற்றாக இருக்கும்போது நடேசன் என்கிறோம், பொல்லாதவர்களை கடுமையாக அழிக்கும்போது, காலபைரவர் அல்லது மஹாகாலா என்கிறோம். காதலோடு மயக்கும்போது, நிலவை விட அழகானவர் என்னும் பொருளில் சோமசுந்தரர் என்று நாம் அழைக்கிறோம். அடிப்படையான ஏழு வடிவங்களை வைத்து பல்லாயிரக்கணக்கான வெளிப்பாடுகளை நாம் வருவிக்க முடியும்.

யோகக் கலாச்சாரத்தில், அகண்ட இந்த ஏழு பிரிவுகளின் கீழ் 1008 பெயர்கள் சிவனுக்கு உள்ளது. இந்த 1008 பெயர்களில், 108 பெயர்கள் அதிகமாக அறியப்பட்டு உள்ளது.

சிவனின் 108 பெயர்கள் அதன் பொருளுடன்

ஆஷுதோஷ்
அனைத்து விருப்பங்களையும் உடனடியாக நிறைவேற்றுபவர்
ஆதிகுரு
முதல் குரு
ஆதிநாத்
முதல் கடவுள்
ஆதியோகி
முதல் யோகி
அஜா
பிறப்பில்லாதவன்
அக்ஷய குணா
எல்லையில்லா குணங்களை உடையவன்
அனகா
குறையில்லாதவன்
அனந்ததிருஷ்டி
முடிவில்லா நோக்கு உடையவன்
ஔகத்
எப்போதும் திருப்தியாக இருப்பவன்
அவ்யாய பிரபு
அழிக்க முடியாதவன்
பைரவ்
பயத்தை அழிப்பவன்
பலநேத்ரா
நெற்றிக்கண் உடையவன்
போலேநாத்
எளிமையானவன்
பூதேஸ்வரா
(பஞ்ச) பூதங்களின் மேல் ஆளுமையுடைவன்
பூதேவா
பூமியின் கடவுள்
பூடபாலா
உடல் சிதைந்த மனிதர்களைக் காப்பவன்
சந்த்ரபால்
நிலவின் தலைவன்
சந்த்ரப்ரகாஷ்
பிறைநிலவை சூடியவன் (பிறைசூடி)
தயாளு
கருணை வடிவானவன்
தேவாதிதேவா
கடவுளர்களின் கடவுள்
தனதீபா
செல்வங்களின் கடவுள்
தியான தீப்
தியான ஒளி
தியூடிதரா
பெரும்திறமைகளின் கடவுள்
திகம்பரா
வானத்தையே தனது ஆடையாக அணிந்தவன்
துர்ஜநீயா
அறிந்துகொள்ளப்பட வேண்டியவன்
துர்ஜயா
வெற்றிகொள்ளப்படாதவன்
கங்காதரா
கங்கை ஆற்றின் கடவுள்
கிரிஜாபதி
மலைமகளின் கணவன்
குணக்ரஹின்
குணங்களை ஏற்பவன்
குருதேவா
மஹாகுரு
ஹரா
பாவங்களைக் களைபவன்
ஜகதீஷா
பிரபஞ்சத்தின் தலைவன்
ஜராதிஷாமனா
துயரங்கள்/பாதிப்புகளிலிருந்து மீட்பவன்
ஜாடின்
ஜடாமுடி தரித்தவன்
கைலாஷ்
நிம்மதி/அமைதி அளிப்பவன்
கைலாஷபதி
கைலாய மலையின் கடவுள்
கைலாஷ்நாத்
கைலாய மலையின் அதிபன்
கமலாக்ஷணா
தாமரைக் கண்கள் கொண்ட கடவுள்
காந்தா
எப்போதும் பிரகாசிப்பவர்
கபாலின்
மண்டையோடுகளை கழுத்தில் ஆபரணமாக அணிந்திருப்பவன்
கோச்சடையான்
ஜடாமுடி தரித்த அரசன்
குண்டலின்
காதில் அணிகலன்கள் அணிந்தவன்
லாலாடக்க்ஷா
நெற்றிக்கண் உடையவன்
லிங்காத்யக்க்ஷா
லிங்கங்களின் அரசன்
லோகங்காரா
மூவுலகையும் படைத்தவன்
லோகபால்
உலகைக் காப்போன்
மஹாபுத்தி
எல்லைகடந்த புத்திசாலித்தனம்
மஹாதேவா
மஹா கடவுள்
மஹாகாலா
காலங்களின் கடவுள்
மஹாமாயா
மஹா மாயை
மஹாம்ருத்யுஞ்ஜெயன்
மரணத்தை வென்ற மாவீரன்
மஹாநிதி
மிகப்பெரும் களஞ்சியம்
மஹாசக்திமயா
எல்லையில்லா சக்திகளைக் கொண்டவன்
மஹாயோகி
மிகப்பெரும் யோகி
மஹேஷா
உச்ச கடவுள்
மஹேஷ்வரா
கடவுள்களின் கடவுள்
நாகபூஷணா
பாம்புகளை ஆபாரணமாக அணிந்தவன்
நடராஜா
நடனக்கலையின் அரசன்
நீலகண்டா
நீல நிற கழுத்தை உடையவன்
நித்யசுந்தரா
எப்பொழுதும் அழகானவன்
நிருத்யப்ரியா
நடனங்களின் காதலன்
ஓம்காரா
ஓம்-ஐ படைத்தவன்
பாலன்ஹார்
அனைவரையும் காப்பவன்
பஞ்சாட்சரன்
வீரியமுடையவன்/ஐந்தெழுத்தைக் கொண்டோன்
பரமேஸ்வரன்
கடவுள்களிலெல்லாம் முதலானவன்
பரம்ஜ்யோதி
மிகப் பெரும் ஒளி
பசுபதி
வாழும் உயிர்க்கெல்லாம் அரசன்
பினாகின்
கையில் வில்லை ஏந்தி இருப்பவன்
ப்ரணவா
ஓம் என்னும் மூல மந்திரத்துக்கு மூலமானவன்
பிரியபக்தா
பக்தர்களின் விருப்பமானவன்
பிரியதர்ஷனா
அன்பான பார்வை உடையவன்
புஷ்கரா
போஷாக்கு அளிப்பவன்
புஷ்பலோச்சனா
பூக்களைப் போன்ற கண்களை உடையவன்
ரவிலோச்சனா
சூரியனைக் கண்ணாக கொண்டவன்
ருத்ரா
கர்ஜிப்பவர்
சதாசிவா
எல்லைகளைத் தாண்டியவர்
சனாதனா
முடிவில்லா கடவுள்
சர்வாச்சார்யா
உச்ச ஆசிரியர்
சர்வஷிவா
முடிவில்லா கடவுள்
சர்வதாபனா
எல்லோருக்கும் முன்னோடியாக இருப்பவர்
சர்வயோனி
எப்போதும் தூய்மையானவர்
சர்வேஷ்வரா
அனைவரின் கடவுள்
ஷம்போ
மங்களகரமானவர்
ஷங்கரா
எல்லா கடவுளர்க்கும் கடவுள்
ஷாந்தா
ஸ்கந்தனுக்கு முன்னோடி
ஷூலின்
மகிழ்ச்சியை அளிப்பவர்
ஷ்ரேஷ்த்தா
சந்திரனின் கடவுள்
ஸ்ரீகந்தா
எப்போதும் தூய்மையானவர்
ஷ்ருதிப்ரகாஷா
திரிசூலத்தை வைத்திருப்பவர்
ஸ்கந்தகுரு
வேதங்களுக்கு ஒளியேற்றுபவர்
சோமேஸ்வரா
தூய்மையான உடலைக் கொண்டிருப்பவர்
சுகடா
மகிழ்ச்சியை அளிப்பவர்
ஸ்வயம்பு
தானாக உருவானவர்
தேஜஸ்வனி
ஒளியைப் பரப்புபவர்
த்ரிலோச்சனா
மூன்று கண்களைக் கொண்ட கடவுள்
த்ரிலோகபதி
மூவுலகிற்கும் அதிபதி
த்ரிபுராரி
(அசுரர்கள் உருவாக்கிய 3 கிரகங்கள்) திரிபுரத்தை அழித்தவர்
த்ரிசூலின்
திரிசூலத்தை கைகளில் ஏந்தியவர்
உமாபதி
உமாவின் கணவன்
வாச்சஸ்பதி
பேச்சுக்களின் அரசன்
வஜ்ரஹஸ்தா
இடியை தன் கரங்களில் ஏந்தியவன்
வரதா
வரங்களை அளிப்பவர்
வேதகர்த்தா
வேதங்களின் மூலம்
வீரபத்ரா
பாதாள லோகத்தின் முதன்மை கடவுள்
விஷாலாக்க்ஷா
பரந்த பார்வை கொண்ட கடவுள்
விஸ்வேஷ்வரா
பிரபஞ்சத்தின் கடவுள்
விஸ்வநாத்
பிரபஞ்சத்தின் அதிபதி
வ்ரிஷவாஹனா
எருதை வாகனமாகக் கொண்டவர்