இசைக்கலைஞர்கள்

புகழ்பெற்ற இசைக்கலைஞர்கள் வழங்கும் இசை, நடனம் மற்றும் கலை நிகழ்ச்சிகள் உங்களை மஹாசிவராத்திரி இரவு முழுவதும் விழிப்பிலும் உற்சாகத்திலும் வைத்திருக்கும். எனவே இந்த புனித இரவு வழங்கும் சாத்தியங்களில் இருந்து நீங்கள் மிகவும் பயன்பெற முடியும்.

மங்லி

மங்லி ஒரு இந்திய பாடகர், நடிகை மற்றும் தொலைக்காட்சி தொகுப்பாளினி. 2013ல் அவர், ஒரு பாடகராக, குறிப்பாக தெலுங்கு மொழியில், அடையாளம் காணப்பட்ட பிறகு, இலட்சக்கணக்கான ரசிகர்களை கிடைக்கப் பெற்றிருக்கிறார். யூ-ட்யூபில் ஏராளமானோர் அவரை பின் தொடர்கிறார்கள். இந்தியா மற்றும் மேல்நாடுகளிலும் திருவிழாக்களில் அவருடைய இசை நிகழ்ச்சிகள் தொடர்ந்து நடக்கிறது.

ஈஷா சம்ஸ்கிருதி

ஈஷா சம்ஸ்கிருதி என்பது ஒரு குழந்தையின் முழுமையான முன்னேற்றத்திற்காக அர்ப்பணிக்கப்பட்ட ஒரு கல்விமுறை. அர்ப்பணிப்பு, ஒழுக்கம் மற்றும் கவனக் குவிப்பு போன்ற சூழலில், யோகப் பயிற்சி, சமஸ்கிருதம், இந்திய பாரம்பரிய கலைகளான பரதநாட்டியம், இன்னிசை மற்றும் களரிப்பயட்டு எனும் தற்காப்புக்கலை போன்றவற்றைக் கொண்ட இக்கல்வி முறையால் அவர்கள் உடல், மனம் மற்றும் ஆன்மீக அளவில் தங்கள் முழுத் திறமையை எட்டுகிறார்கள்.

நீரஜ் ஆர்யா அவர்களின் கபிர் கபே

நீரஜ் ஆர்யா அவர்களின் கபிர் கபே – 15ம் நூற்றாண்டில் வாழ்ந்த இந்திய ஞானி கபிர் அவர்களின் பாடல்களை ராக், பாப் மற்றும் கர்நாடக சங்கீதம் ஆகியவற்றின் கலவையான இன்னிசையில் வழங்கியது. இந்த இன்னிசைக் குழு, மனிதர்கள் தங்களுக்குள் ஆன்மீகத் தேடலில் இருப்பவர்கள், அதுதான் தங்கள் இசையை உயிர்ப்புடன் வைத்திருக்கிறது என்று நம்புகிறது.

குட்லே கான் புராஜெக்ட்

குட்லே கான் புராஜெக்ட் என்பது எல்லைகளைத் தாண்டிய, இசை உலகத்தின் ஊடே கான் அவர்கள் பயணிக்கும் ஒரு பயணமாக இருக்கிறது. இவரது இன்னிசை, உலகின் பல பகுதிகளிலும் உள்ள இசைகளின் சாரத்தை கலந்து ராஜஸ்தான் நாட்டுப்புறப் பாணியில் வழங்குவதாக இருக்கிறது. 2015ல் உலகளவிலான பாடகர்களுக்கான இந்தியன் மியூசிக் அகாடமி விருது, 2019ல் சிறந்த நாட்டுப்புற பாடல் கலைஞர் போன்ற பல விருதுகளை இவர் பெற்றிருக்கிறார்.

தமிழகத்தின் ‘தப்பு’ நாட்டுப்புற மேளக் கலைஞர்கள்

தப்பாட்டம் என்பது தமிழகத்தின் நாட்டுப்புறக் கலை. தப்பாட்டக் கலைஞர்கள் மேளம் வாசிப்பதுடன் நடனமும் ஆடுவர். தமிழர்களால் உருவாக்கப்பட்ட முதல் மேளக் கருவியாக வர்ணிக்கப்படும் ‘தப்பு’ கோவில் வழிபாடுகளில் முக்கிய இடம் பிடிக்கிறது.

ஈஷா இசைக்குழு (சவுண்ட்ஸ் ஆஃப் ஈஷா)

சத்குரு அருளை சங்கீதத்தின் வாயிலாக வெளிப்படுத்தும் ஆர்வம் கொண்ட, முறையான பயிற்சிகள் அற்ற, உறுப்பினர்களைக் கொண்டதுதான் சவுண்ட்ஸ் ஆஃப் ஈஷா என்றழைக்கப்படும் ஈஷா இசைக்குழு. சவுண்ட்ஸ் ஆஃப் ஈஷாவின் இசை உயர்ந்த செறிவைக் கொண்ட அதே நேரத்தில் பன்முகத் தன்மையையும் கொண்டிருக்கிறது. இதில் இடம் பெற்றுள்ளவர்கள் ஈஷாவின் முழுநேர தன்னார்வத் தொண்டர்கள். மனதை ஈர்க்கும் அவர்களுடைய பாடல்கள் ஈஷாவின் பணிகளை வேறு பரிமாணத்தில் கொணரும் அவர்களுடைய தீவிர ஆர்வத்தை வெளிப்படுத்துகிறது. இந்த பாடல்களின் இசை நமது மனதிற்கு மகிழ்ச்சியும் உற்சாகமும் அளிக்கும் அதே நேரத்தில் ஒரு மனிதரின் மையத்தில் உள்ள நிலையான அமைதியையும் வெளிக்கொணர்கிறது.

சந்தீப் நாராயண்

சந்தீப் நாராணன் கர்நாடக சங்கீத வாய்ப்பாட்டு கலைஞர். பாரம்பரிய சங்கீதத்தை தற்காலத்திய பாணியில் அணுகுபவர். 2019ல் உஸ்தாத் பிஸ்மில்லாகான் யுவபுரஸ்கார் விருது, 2017ல் மியூசிக் அகாடமியின் சிறந்த ராகம் – தாளம் – பல்லவி போன்ற பல விருதுகள் பெற்றவர்.

பார்த்திவ் கோஹில்

பார்த்திவ் கோஹில், பாலிவுட் மற்றும் குஜராத் இசையரங்குகளில் தனது பன்முகத் திறமைக்காக பெயர் பெற்றவர். கோஹில் அவர்கள் பண்டிட் ஹரிபிரசாத் சௌராசியா, உஸ்தாத் சுல்தான் கான் மற்றும் குண்டச்சா சகோதரர்கள் போன்ற இசை மேதைகளிலிருந்து தற்காலத்திய இசைஞர்களான இஸ்மாயில் தர்பார், மாண்டி சர்மா, லெஸ்லீ லூயிஸ் ஆகியோர் வரை பாடியுள்ளார். சாஸ்திரீய சங்கீதத்திலிருந்து நம்மை அறியாமல் தாளம் போட வைக்கும் இந்தி-பாப் தாளம் வரை அனைத்து துறைகளிலும் வெகு இலகுவாக பயணம் செய்பவர்.

அந்தோணி தாசன்

அந்தோணி தாசன் இந்திய திரைப்பட பின்னணி மற்றும் நாட்டுப்புற பாடகர். நாட்டுப்புற பாடல்களையும் தற்காலத்திய பாணியையும் ஒருங்கிணைக்கும் பாடல் ஆசிரியர் மற்றும் இசை அமைப்பாளர். பல விருதுகள் பெற்றிருக்கும் இவர் MTV Coke Studio India 2012 என்னும் தொலைக்காட்சி நிகழ்ச்சியில் திரு ஏ.ஆர்.ரஹ்மான் போன்ற முன்னணி இசையமைப்பாளர்களுடன் பணியாற்றியுள்ளார்.

detail-seperator-icon

Past Performances

Amit-Trivedi

Amit Trivedi

Hariharan

Hariharan

Karthik

Karthik

Sonu Nigam at Mahashivratri 2018 Celebrations at Isha Yoga Center

Sonu Nigam (Special Guest Performance)

Daler Mehndi at Mahashivratri 2018 Celebrations at Isha Yoga Center

Daler Mehndi

Sean Roldan and Friends at Mahashivratri 2018 Celebrations at Isha Yoga Center

Sean Roldan and Friends

detail-seperator-icon