కోల్కతా కు చెందిన అనన్య చక్రబోర్తి, 2021 లో జరిగిన "స రి గ మ ప" రియాలిటీ షో లో తన ప్రదర్శనల ద్వారా ఎంతో కీర్తికి ఎదిగింది. ఒక సంగీత స్వరకర్త, పాటల రచయిత ఇంకా గాయకి గా, ఆమె బెంగాలీ ఇంకా హిందీ పాటలు,  దేశవ్యాప్తంగా అభినందనలు అందుకున్నాయి.

భారతీయ శాస్త్రీయ సంగీత అసాధారణ సంగీతకారుడు ఇంకా ప్రతిపాదకుడు, పండిట్ నీలాద్రి కుమార్, ఒక ప్రపంచ ప్రఖ్యాత సితార్ వాయిద్యులు. కోల్కతా నుంచి వచ్చిన ఐదవ తరం సితార్ వాయిద్యులు అయిన నీలాద్రి కుమార్, ఆరు సంవత్సరాల వయసులోనే తన మొదటి ప్రదర్శన ఇచ్చారు. గత కొన్ని సంవత్సరాలలో, అతను తనదైన శైలిని ఏర్పరుచుకుని, భారత దేశపు అత్యంత ప్రియమైన సంగీత వాయిద్యం -’సితార్’ కు, ప్రపంచ సంగీత ప్రియుల్లో ఎంతో ఆదరణ తీసుకువచ్చిన సంగీత కళాకారుడిగా నిలిచారు. సితార్ ని శాస్త్రీయ మరియు సాంప్రదాయ శైలులలో వాయించడం పట్ల తనకున్న భక్తి మరియు లోతైన అవగాహన వల్ల, తన సొంత వాయిద్య ఆవిష్కరణ అయిన ‘జితార్’ తో ఆయన ఉత్సాహభరితమైన ప్రదర్శనలు ఇచ్చారు. 

తమిళనాడుకు చెందిన జానపద గాయకులు, వేల్ మురుగన్, 5000 కు పైగా జానపద కళాకారులతో కలిసి పని చేసినందుకుగానూ గిన్నిస్ వరల్డ్ రికార్డును అందుకున్నారు; నాడోడిగల్ లోని “ఆడుంగడ ”, సుబ్రమనియపురం లోని “మధుర”, ఇంకా ఆడుకలం లోని “ఒత్త సొల్లాల” వంటి ప్రముఖ పాటలు పాడారు .

భారత రాష్ట్రపతి చేతులమీదుగా అందుకున్న “నాట్టుప్పుర నాయగన్” అవార్డు, ఇంకా ఉత్తమ నేపథ్య గాయకులు అవార్డు తో పాటు, ఆయన ఎన్నో అవార్డులు గెలుచుకున్నారు.

రాజస్థానీ సంగీతంలో జానపద సితార - మమే ఖాన్, ప్రసిద్ద జానపద కళాకారుల కుటుంబం నుంచి వచ్చారు. ఆయన, రాజస్థానీ జానపద సంగీతాన్ని, 60 కు పైగా దేశాల్లో, అలాగే  కేన్స్ ఫిల్మ్ ఫెస్టివల్ లో ప్రదర్శించిన బహుముఖ గాయకులు. తన ప్లేబాక్ పాటలకు గాను, మమే ఖాన్ ఎన్నో  అవార్డులు అందుకున్నారు. గత రెండు దశాబ్దాలుగా, ఎన్నో ప్రముఖ హిందీ చిత్రాల్లో; ప్రతిష్టాత్మకమైన సంగీత వేడుకల్లో, తన గానాలతో ప్రేక్షకులను మంత్రముగ్దుల్ని చేశారు. 

చౌరాస్తా రామ్ అని కూడా పిలువబడే, రామ్ మిరియాల - పాటల రచయిత, స్వరకర్త, గాయకుడే కాకుండా, మంత్రముగ్ధులను చేసే ఫ్లూట్ ప్లేయర్! “కాన్షియస్ ప్లానెట్ - మట్టిని రక్షించు” ఉద్యమ సమయంలో, తను కూర్చిన ‘మాటి’ అనే స్వరకల్పన - లక్షల మంది హృదయాలను తాకింది.

మంగ్లీ ఒక భారతీయ గాయకి, టి‌వి యాంకర్ మరియు నటి. 2013 లో గానంలో తనకు మొదటి ప్రధాన అవకాశం లభించిన దగ్గర నుండి, ప్రత్యేకించి తెలుగు వాళ్ళలో, ఆమె గొప్ప ఆదరణ సంపాదించింది. యూట్యూబ్ లో కొన్ని లక్షల మంది తన ప్రదర్శనను చూస్తారు; ఇంకా భారత దేశంలో మరియు విదేశాల్లో జరిగే వేడుకల్లో ఆమె ఎంతో డిమాండ్ లో ఉన్న గాయిని.

ద కూట్లే ఖాన్ ప్రాజెక్టు, హద్దులు లేని గాన ప్రపంచంలోకి ఒక ప్రయాణం; బలమైన రాజస్థానీ జానపద జ్ఞానంతో, ప్రపంచ వ్యాప్తంగా వాడే అనేక సంగీత శైలులని సరైన పాళ్ళల్లో మిళితం చేసి ఆయన తయారు చేసిన  చక్కని గానాలు, ఆయనకు 2015 లో గిమా అవార్డు, 2019 లో ఉత్తమ జానపద గాయకుడు అవార్డు తో పాటు మరెన్నో అవార్డులు సంపాదించాయి.