కొన్ని వేల సంవత్సరాలుగా పరిణామం చెందిన, భారతదేశంలోని పలురకాల కళారూపాలు, ఈ గడ్డపైనున్న విభిన్న సంస్కృతులకి ప్రతిబింబం మాత్రమే కాదు, ఆధ్యాత్మిక స్పూర్తికి మూల కారణం కూడాను.

అవి ఎన్నో తరాలపాటు ఈ దేశాన్ని సుసంపన్నం చేశాయి, కానీ నేడు అవి మన జీవితాల్లో నుంచి కనుమరుగై పోతున్నాయి. మన దేశ సాంప్రదాయ కళల ప్రత్యేకతను, స్వచ్ఛతను ఇంకా వైవిధ్యాన్ని పరిరక్షించే ప్రయత్నంలో, ఈశా ఫౌండషన్ ప్రతి ఏడాది యక్ష కార్యక్రమాన్ని నిర్వహిస్తుంది. ఇది సంస్కృతి, సంగీతం ఇంకా నృత్య కళలకు సంబంధించి ప్రఖ్యాత కళాకారుల ప్రదర్శనలతో సాగే మూడు రోజుల ఉత్సవం.

భారతీయ పురాణాలలోని దివ్యలోక వాసుల పేరు మీదుగా యక్ష అని పేరు పెట్టడమైనది. యక్ష అనేది సుప్రసిద్ధ కళాకారులు ప్రదర్శించేందుకు, అలాగే వారిచే ప్రదర్శింపబడే ఈ ప్రాచీన కళలను, రసజ్ఞులు చూసి మెచ్చుకునేందుకు ఒక వేదికగా నిలుస్తుంది.