ஆயிரக்கணக்கான வருடங்களாக பரிணமித்து வந்துள்ள இந்தியாவின் பற்பல கலை வடிவங்கள் அனைத்தும் இந்த நிலத்தின் பல்வேறு கலாச்சாரங்களின் பிரதிபலிப்பாக இருப்பதோடு, , ஆன்மீக கலாச்சாரத்தின் மூலமாகவும் இருக்கின்றன.

இந்த கலைவடிவங்கள் இந்த நாட்டினை தலைமுறை தலைமுறையாக வளப்படுத்தின. ஆனாலும் நம் வாழ்க்கையில் நாம் வெகுவாக மறந்து கொண்டிருக்கும் ஒரு பரிமாணமாக இவை ஆகிவருகின்றன. நம் நாட்டின் கலை நிகழ்ச்சிகளின் தனித்தன்மை, புனிதம் மற்றும் பன்முகத்தன்மையை பேணிப்பாதுகாப்பதற்கும் அவற்றினை வளர்ப்பதற்குமான ஒரு முயற்சியாக ஈஷா அறக்கட்டளை ஒவ்வொரு வருடமும் யக்க்ஷா நிகழ்ச்சியினை வழங்குகிறது. இது பிரசித்தி பெற்ற கலைஞர்கள் கலந்துக்கொண்டு வழங்கும் கலை, இசை மற்றும் நடனத்திற்கான மூன்று நாள் திருவிழா.

இந்தியப் புராணங்களில் வரும் விண்ணுலக உயிர்களின் பெயரைக்கொண்ட இந்த யக்க்ஷா திருவிழா, மாபெரும் கலைஞர்கள் தங்களது நிகழ்ச்சிகளை வழங்குவதற்கும், இந்த பழமையான கலைகளை விமர்சகர்கள் பராட்டுவதற்கான மேடையை வழங்குகிறது.