உங்கள் முதுகுத்தண்டின் ஆரோக்கியத்தையும் தெளிவையும் சிறப்பாக மேம்படுத்தும் ஒரு பயிற்சி

சந்திரனுக்கும், பூமிக்கும் என்ன நிகழ்ந்துகொண்டிருக்கிறது என்பதை அறிந்துகொள்வது ஏன் முக்கியமாக இருக்கிறது என்று நீங்கள் வியக்கக்கூடும். அது பூமி மற்றும் சந்திரனைக் குறித்தது அல்ல, - அது உங்களது புரிதலுக்கு தெளிவைத் தருவதைக் குறித்த விஷயம். இறுதியாக, உங்கள் வாழ்வில் நீங்கள் செய்ய விரும்புவது என்னவாக இருப்பினும், அவை அனைத்தும் உங்களுக்குள் எவ்வளவு தெளிவு இருக்கிறது என்பதைச் சார்ந்திருக்கிறது. உங்களுக்குத் தெளிவு இல்லையென்றால், நம்பிக்கை என்ற பெயரில் அதற்கு மேற்பூச்சு செய்ய முயற்சிப்பீர்கள். நம்பிக்கை என்பது தெளிவுக்கான மாற்று அல்ல. அது எப்படியென்றால், போக்குவரத்து மிகுந்த ஒரு சாலையை தெளிவான பார்வைத்திறன் இல்லாமல், ஆனால் அதிகமான நம்பிக்கையுடன் கடக்க முயற்சிப்பதைப் போன்றது.

“நான் தொண்ணூறு வருடங்கள் வாழ்வேன் என்று என் ஜாதகம் கூறுகிறது, ஆகவே எனக்கு எதுவும் நிகழாது”, என்று உங்கள் ஜாதகத்தில் குறிப்பிட்டுள்ளதைக் கூறியபடி நீங்கள் சாலையைக் கடக்கலாம். அல்லது உங்களுக்கு நம்பிக்கை ஏற்படுத்தும் மந்திரங்களைக் உரக்கக் கூறியவாறு சாலையின் குறுக்கே ஓடுவதற்கு நீங்கள் முயற்சிக்கலாம். தற்செயலாகவோ அல்லது ஓட்டுனரின் கருணையினாலோ அது பலனளிக்கலாம். ஆனால், அதையே நீங்கள் தினமும் முயற்சித்தால், உங்களை பிறகு எங்கே சந்திக்கவேண்டும் என்பது எங்களுக்குத் தெரியும்.