சத்குரு கரிபியன் தீவுகளுக்கு பயணம் - ஆட்சியாளர்கள் மண் காப்போம் இயக்கத்தில் இணைந்தனர்

மார்ச் 11 அன்று சத்குரு ஆன்டிகுவா மற்றும் பார்புடாவின் பிரதமர் மேதகு கேஸ்டன் பிரௌனியை சந்தித்தார். மார்ச் 12 அன்று அவர்கள் புரிந்துணர்வு ஒப்பந்தத்தில் கையொப்பமிட்டனர். ஆன்டிகுவா மற்றும் பார்புடா நாட்டில் மண் சீரமைப்பிற்கான தேசிய அளவிலான திட்டத்தை செயல்படுத்தும் முதற்படியாக அந்த நிகழ்வு அமைந்தது. மேற்கிந்திய தீவுகளுக்காக பிரத்யேகமாக தயாரிக்கப்பட்ட மண் புணரமைக்கும் திட்டத்துக்கான வரைவு ஆவணத்தை சத்குரு அவரிடம் வழங்கியதற்காக மதிப்பிற்குரிய பிரதமர் பெரிதும் நன்றி கூறினார்.

அடுத்த நாளே, மார்ச் 13 அன்று, கயானா புரிந்துணர்வு ஒப்பந்தத்தில் கையொப்பமிட்ட ஐந்தாவது தேசமாக ஆனது. மேன்மை தங்கிய ஜனாதிபதி டாக்டர். இர்பான் அலி அவர்களின் முன்னிலையில் கயானாவின் விவசாயத்துறை அமைச்சர் மதிப்பிற்குரிய ஸுல்பிகர் முஸ்தபா அவர்கள் சத்குருவோடு புரிந்துணர்வு ஒப்பந்தத்தில் கையொப்பமிட்டார். கரிபியன் தீவுகளின் உண்மையான பாணியில், அதிகாரப்பூர்வ விழா நிறைவடைந்ததும், அனைவரும் ஒன்றிணைந்து "மண் பாடலை" பாடினர்! ஒவ்வொருவரையும் பாராட்டிய சத்குரு, தொலைநோக்கு பார்வை மற்றும் அர்ப்பணிப்பு கொண்டுள்ள நாட்டின் தலைமையை வெகுவாக பாராட்டினார்.

மார்ச் 14 அன்று, மண் காப்போம் இயக்கத்துக்கு தன் உறுதியை அளித்த ஆறாவது தேசமாக பார்படாஸ் ஆனது. பார்படாஸின் பிரதமர், மதிப்பிற்குரிய மியாமொட்டிலே, தன்னுடைய முழு ஆதரவையும் இந்த இயக்கத்திற்கு தெரிவித்தார். மேலும் உலகிலேயே தண்ணீர் தட்டுப்பாடு இருக்கும் நாடுகளில் 15வது இடத்தில் இருக்கும் பார்படாஸூக்கு சரியானதொரு தருணத்தில் இந்த திட்டம் கிடைத்திருப்பதாக வலியுறுத்தி கூறினார். விவசாயம் மற்றும் உணவு பாதுகாப்புத்துறை அமைச்சர் மதிப்பிற்குரிய இண்டர். எ. வெயர் மண் காப்பதற்கான புரிந்துணர்வு ஒப்பந்தத்தில் கையொப்பமிட்டார்.