இந்த ஆண்டு மஹாசிவராத்திரி மார்ச் 1, 2022 அன்று மாலை 6 மணியிலிருந்து அடுத்த நாள் காலை 6 மணிவரை கொண்டாடப்படும். இரவு முழுவதும் நீடிக்கும் துடிப்பும் துள்ளலுமான இந்த விழாவானது, சிவனே சிறிது காலம் தங்கியிருந்த புனிதமான வெள்ளியங்கிரி மலைகளின் அடிவாரத்தில், ஈஷா யோக மையத்தில், ஆதியோகியின் முன்னிலையில் நிகழவிருக்கிறது. சக்திமிக்க தியானங்கள், சத்குருவுடன் சத்சங்கம் மற்றும் வியக்கவைக்கும் இசை மற்றும் நாட்டிய நிகழ்ச்சிகள் இந்த இரவை நிறைக்கும்.
கடந்த யக்ஷா நிகழ்ச்சிகள்
மஹாசிவராத்திரி இரவை, 7 நாள் கொண்டாட்டங்கள் பின்தொடரும். மஹாசிவராத்திரிக்குப் பிறகு யக்ஷா – இசை மற்றும் நடனத்தை வெளிப்படுத்தும் துள்ளலான ஒரு கலாச்சார விழா, மார்ச் 2 லிருந்து 4 வரை, தினமும் மாலை 5.30 முதல் 7.00 மணி வரை நடைபெறும். இந்த மூன்று நாட்களிலும், வண்ணமயமான கலைகளைப் பிரதிபலிக்கும் சாஸ்திரீய கலைஞர்களுக்கு முக்கியத்துவம் அளிக்கப்படும். அதற்கடுத்த நான்கு நாட்களும், அனைவரையும் கொள்ளைகொள்ளும் உள்ளூர் கலைஞர்களின் வசீகரிக்கும் நிகழ்ச்சிகள் பின்தொடரும்.
ஒவ்வொரு மாலை நேரமும், ஆதியோகி திவ்ய தரிசனம் கண்களுக்கு விருந்தாக அமையும். மனிதகுலத்துக்கு ஆதியோகியின் பங்களிப்பையும், அர்ப்பணிப்பையும் வர்ணிக்கும் பிரமிப்பின் ஊற்றாகிய ஒளி, ஒலிக் காட்சி வழங்கப்படுகிறது.
