சத்குருவை தொடருங்கள்

“மனித வள மேலாண்மை குறித்த பாரம்பரிய அணுகுமுறையை முற்றிலும் மாற்றியமைக்கும் விதத்தில், 'மனிதன் ஒரு வளமல்ல' என்று பொருள்படும் “Human is Not a Resource” என்ற நிகழ்ச்சியை சத்குரு வடிவமைத்துள்ளார். துடிப்பு மிக்க தொழில்முனைவோர் குழுவினர் கலந்துகொண்ட இந்நிகழ்ச்சியின் பல்வேறு அமர்வுகள், நடைமுறைக்கு ஒத்துப்போகும் அறிவின் மதிப்புமிக்க கூறுகளையும், தொழில் தலைமைகளின் நிபுணத்துவ வழிகாட்டுதல்களையும் வழங்கின. சத்குரு இதில் ஒரு நிகழ்வை வழிநடத்தினார். அப்போது அவர், வணிகங்களில் கொரோனா தொற்று நோயின் தாக்கம் மற்றும் கிராமப்புற இந்தியாவின் திறன்கள் போதுமான அளவு பயன்படுத்திக் கொள்ளாதிருக்கும் நிலை குறித்தும் உரையாற்றினார். இந்த இரண்டு மணிநேர நிகழ்ச்சியில் கேள்வி-பதில் அமர்வும் இடம்பெற்றது. அதில் பங்கேற்பாளர்கள் சத்குருவிடமிருந்து தங்கள் கேள்விகளுக்கான விடையைப் பெற்றனர்.

தமிழகத்தில் உள்ள ஒவ்வொருவருக்கும் ஒரு சொட்டு ஆன்மீகமாவது வழங்க வேண்டும் என்ற நோக்கத்தில் 2011ல் மாபெரும் அளவில்  ஈஷா யோகா வகுப்புகளை தமிழகம் முழுவதும் பல்வேறு நகரங்களில் சத்குரு நேரில் நிகழ்த்தினார். இந்த  முதல் ஆனந்த அலை தமிழகம் முழுவதும் மக்களிடையே பெரும் வரவேற்பை பெற்றது. பத்து வருடங்களுக்கு பிறகு ஆனந்த அலை மேலும் ஆர்ப்பரிக்கும் விதமாக, வழிகாட்டுதலுடன் கூடிய ஷாம்பவி மஹா முத்ரா க்ரியா, பல்வேறு தலைப்புகளில் சத்குரு அவர்களின் தீர்க்கமான உரையினைக் கொண்ட வீடியோக்கள், ஈஷா யோகா வகுப்பின் கருவிகளை சற்று ஆழமாகப் பார்த்தல் போன்ற அடிப்படைக்கு  வலுவூட்டும் பயிற்சி வகுப்புகள் ஈஷா யோக வகுப்பை பூர்த்தி செய்த அனைவருக்கும் தமிழ் மற்றும் மலையாள மொழிகளில் சமீபத்தில் ஆன்லைன் மூலமாக வழங்கப்பட்டது.

‍

மக்களிடம் பெரும் வரவேற்பை பெற்ற இந்த ஐந்து நாள் ஆன்லைன் ஆனந்த அலை வகுப்பில் சுமார் 11,000 பங்கேற்பாளர்கள் பங்கேற்றனர். தங்கள் உள்நிலை வளர்ச்சி எனும் நெருப்பை இந்த வகுப்பு தூண்டியதாகவும், இந்த பெருந்தொற்று காலத்தில் பெரும் ஆதரவாக இருந்ததாகவும் பங்கேற்பாளர்கள் பலரும் பகிர்ந்து கொண்டனர்.

‍

மற்றமொழிகளிலும் இதே போன்ற ஆன்லைன் வலுஊட்டும் பயிற்சி வகுப்புகள் வரும் நாட்களில் நடத்த திட்டமிடப்பட்டுள்ளது.