புராஜெக்ட் சமஸ்கிருதி என்றால் என்ன?
ராதே: ஈஷா சமஸ்கிருதி தன்னை வெளிப்படுத்திக் கொள்ளும் ஒரு வழியாக புராஜெக்ட் சமஸ்கிருதி இருக்கப்போகிறது. நாட்டிய கலைஞர்கள், யோகா பயிற்சியாளர்கள், இசைக்கலைஞர்கள் மற்றும் களரிப்பயட்டு¹ மாணவர்கள் என தங்கள் திறமையை வெளிப்படுத்தி மக்கள் மனம் கவரும் திறனுள்ள ஒரு பட்டாளமே இங்கே நம்மிடம் இருக்கிறது. தங்களின் ஆறு அல்லது ஏழு வயதில் இந்த குழந்தைகள் ஈஷா சமஸ்கிருதியில் இணைவதிலிருந்து அவர்களின் மொத்த வாழ்க்கை முறையுமே முற்றிலும் வித்தியாசமாக இருக்கிறது. இவர்கள் வளர்த்தெடுக்கப்பட்டுள்ள விதம் மற்றும் சந்திக்கும் சூழ்நிலைகள் மற்ற சாதாரண பள்ளிகளில் பயிலும் குழந்தைகளிடமிருந்து வித்தியாசப்படுகிறது. எனவே, அவர்கள் கற்றுக் கொண்டுள்ள அனைத்தையும் வெளிப்படுத்துவதற்கான ஒரு வழியாக புராஜெக்ட் சமஸ்கிருதி இருக்கும்.
