ஒரு விஷமக்கார குழந்தை சிவனை அவர் வீட்டிலிருந்து வெளியேற்றும் தந்திரம் செய்ய, அவர் கேதார்நாத்தை பிரதிஷ்டை செய்கிறார்

சத்குரு:  சிவன் எப்படி கேதார் வந்தார் என்பது உங்களுக்கு தெரியுமா? அவர் கேதார் செல்லும் நிலையை ஏற்படுத்தினர். தற்போதைய பத்ரிநாத் பகுதியில்தான் சிவனும் பார்வதியும் வாழ்ந்து வந்தார்கள். அங்கு பல வெந்நீர் ஊற்றுகள் உள்ளன. எனவே இருவரும் அதில் நல்ல குளியலை முடித்துவிட்டு தங்களின் சிறிய குடிலுக்கு திரும்பினர். குடிலுக்கு உள்ளே மிக அழகான புன்னகையோடு ஒரு சிறு குழந்தை இருப்பதை கண்டார்கள். சிவன், "அதைத் தொடாதே" என்றார். ஆனால் பார்வதியின் தாய்மை உணர்வு மீற, "ஓ! நான் எப்போதும் விரும்பியபடியான குழந்தை எனக்கு கிடைத்துவிட்டது!" என்று கூறினார்.

அடுத்த நாள் அவர்கள் மீண்டும் குளிப்பதற்கு சென்றார்கள். அவர்கள் திரும்பி வந்தபோது அந்த குழந்தை தன்னை வீட்டுக்குள் வைத்து பூட்டிக் கொண்டிருந்தது. பார்வதியினால் அதை நம்பமுடியவில்லை. "இங்கு என்ன நடக்கிறது? சிறு குழந்தை எப்படி தன்னையே உள்ளே வைத்து பூட்டிக்கொள்ள முடியும்?" அவர்கள் வெளியிலிருந்து சத்தமாக குழந்தையை அழைத்தார்கள். "தயவுசெய்து கதவைத் திற! உள்ளே இருக்கும் நீ யார்?" பின்னர் அந்தக் குழந்தை பேசியது, "நீங்கள் வேறு இடத்தை பார்ப்பது நல்லது - இது என்னுடைய இடம்" என்றது.

சிவன் பார்வதியிடம், "நான் முன்பே கூறினேன் - மலை உச்சியில் தானாக வந்து சேர்ந்த குழந்தை ஒரு குழந்தையாக இருக்க முடியாது." பின்னர் 10,000 அடி உயரத்தில் இருந்த பத்ரிநாத்தை விட்டு வெளியேறி, இன்று கேதார்நாத் என்று அழைக்கப்படும் பகுதிக்கு அவர்கள் சென்றார்கள். அங்கே காந்த்திசரோவருக்கு அருகே குடியேறினார்கள் - இது சுமார்‌ 12,800 அடி உயரத்தில் உள்ளது.