કોરોનાવાયરસ – સદગુરુ અનુસાર લોકડાઉન દરમિયાન કરવા જેવી 10 વસ્તુઓ

જેમ જેમ દેશ ઘરે રહેવાની વિસ્તૃત અવધિમાંથી પસાર થઈ રહયો છે, ત્યારે આપણી પોતાને ઊંચે લઈ જવાનો અને પોતાની અંદર ઊંડાણપૂર્વક જોવા માટે આ શ્રેષ્ઠ સમય છે. સદ્ગુરુ દસ પ્રાયોગિક વસ્તુઓ આપે છે જે તમે ઘરે આ સમયે સૌથી વધુ ઉપયોગી બનવા માટે કરી શકો છો.
કોરોનાવાયરસ – સદગુરુ અનુસાર લોકડાઉન દરમિયાન કરવા જેવી 10 વસ્તુઓ જે
 
ieo-blog-mid-banner

1. કૃતજ્ઞતા બતાવવા માટે એક મજબૂત વિચાર ઉત્પન્ન કરો

સદગુરુ: એક રાષ્ટ્ર તરીકે, મને લાગે છે કે લોકો જ્યારે તેઓ લાયક હોય છે ત્યારે તેમને સ્વીકારવાની આપણી ક્ષમતામાં અભાવ છે. દુર્ભાગ્યે, આપણને લાગે છે કે ટીકા દ્વારા બધું ઠીક કરી શકાય છે. આને ત્યજવું પડશે. આપણે ઘણાં મનુષ્ય કરે છે તે અદભૂત કાર્યોનો સ્વીકાર કરવો પડશે.

બસમાં જતી વખતે કેટલા લોકો ડ્રાઈવર અને કંડક્ટરની સામે નજર પણ કરે છે અને કહે છે, “આભાર,” અથવા ઓછામાં ઓછું નમસ્કારમ કરે છે? આ મોટાભાગના લોકોમાં સર્વથા ગુમ થયેલ છે. ભૂતકાળમાં, આપણી એક સંસ્કૃતિ હતી જ્યાં આપણે પ્રાપ્ત થયેલ દરેક નાની વસ્તુ માટે, આપણે હંમેશાં એકબીજા સામે નમતા હતા, પરંતુ દુર્ભાગ્યવશ આ અદ્રશ્ય થઈ ગઈ છે. અત્યારે, તબીબી વ્યાવસાયિકો, સુરક્ષા એજન્સીઓ અને આવશ્યક સેવાઓનું સંચાલન કરતા અન્ય ઘણા લોકો તેમના પોતાના જીવન અને તેમના પરિવારોના જીવનને જોખમમાં મુકી રહ્યા છે. કારણ કે તેઓ હોસ્પિટલમાં કામ કરે છે અને તેઓ ઘરે જાય છે, તેઓ મૃત્યુ ઘરે લઈ જઇ શકે છે. જ્યારે તેઓ આવી સેવા કરી રહ્યા હોય, ત્યારે જો આપણે તેમને સ્વીકાર ન કરીએ તો તે ભયાનક છે.

દરરોજ સવારે જ્યારે તમે ઉઠો ત્યારે, ઓછામાં ઓછા છ મહિના, જ્યાં સુધી આ પસાર થાય ત્યાં સુધી, તમારા મનમાં એક વિચાર ઉત્પન્ન કરો કે આપણે આ બધા લોકો માટે ખરેખર આભારી છીએ કે જેઓ પોતાનો જીવ જોખમમાં મુકી રહ્યા છે.

2. તમારી શ્વસન ક્રિયાને ચકાસવા માટે ઘરે સિંહ ક્રિયા કરો

સિંહ ક્રિયા એક સરળ પ્રક્રિયા છે. તમારામાંના જેઓ શક્તિ ચલન ક્રિયા જેવી અન્ય કોઈ શક્તિશાળી પ્રક્રિયાને જાણતા નથી, આ મદદ કરશે. તે તમારી ફેફસાની ક્ષમતામાં વૃદ્ધિ કરશે અને તમારી રોગપ્રતિકારક શક્તિ વધારશે. સૌથી વિશેષ, જો તમે તે હવે પછીના પાંચ દિવસ સુધી કરી શકો છો અને અચાનક એક દિવસ તમે તે કરી શકતા નથી, તો આનો અર્થ એ છે કે તમે ચોક્કસપણે શ્વસન સંબંધી સમસ્યા મેળવી લીધી છે. તે કંઈપણ હોઈ શકે છે, જરૂરી નથી કે તે આ કોરોનાવાયરસ હોય. તે શું છે તેમાં વાંધો નથી; જો તમને અચાનક જણાય કે તમે તે કરવા માટે સમર્થ નથી તો તમારે જાતે તપાસ કરી લેવી જોઇએ. ખાસ કરીને તબીબી કર્મચારી, પોલીસ અથવા અન્ય કોઈ સેવામાં કે જ્યાં તમને ચેપગ્રસ્ત લોકોનો સંપર્ક છે, કૃપા કરીને ખાતરી કરો કે તમે આ કરો છો. તે તમારા માટે ઘણો ફરક પાડશે.

 

3. ડેથ પુસ્તક એક બેઠકમાં વાંચો

આજે ઘણી રીતે, સમગ્ર વિશ્વની વસ્તીને તેમના નશ્વર સ્વભાવની પ્રબળ યાદ અપાવી રહી છે. પરંતુ નશ્વરતા હંમેશા આપણી સાથી રહી છે. તેથી આ તે બધા લોકો માટે એક પુસ્તક છે જે મૃત્યુ પામશે - આપણા જીવનના આ ખૂબ જ મહત્વપૂર્ણ પરિમાણની એક ભેળસેળ વિનાની સ્પષ્ટ સમજણ લાવવા માટે. સામાન્ય રીતે, જ્યારે કોઈનું મૃત્યુ થાય છે, ત્યારે લોકો તમને કહે છે કે તેઓ સ્વર્ગમાં ગયા - આ ભેળસેળ છે. તમારે સભાનપણે મૃત્યુ પામવું જોઈએ, જીવનના ભાગ રૂપે મૃત્યુને સ્વીકારીને, નહીં કે સ્વર્ગમાં જઈ રહ્યા છીએ તેવું વિચારીને તેનું સ્વાગત કરીને. જો તમને લાગે કે તમે સ્વર્ગમાં જઇ રહ્યા છો, તો તમે મૃત્યુ વિષે ઉત્સાહપૂર્ણ બની શકો છો, જે સારું નથી. ઉત્સાહ જીવન માટે છે. વિવેકપૂર્વક તમારે મૃત્યુને સંભાળવું જોઈએ.

પુસ્તક એવી રીતે રચાયેલ છે કે તે મૃત્યુને તેના ઘણા પરિમાણોમાં જુએ છે ફક્ત તે રીતે જે રીતે એ છે. લોકો છેલ્લા પાના પર આવે છે ત્યાં સુધી, અમુક અંશે, તેઓ મૃત્યુ વિષે થોડા વધુ વિવેકપૂર્ણ હોવા જોઈએ.

આ તે પ્રકારનું પુસ્તક છે જેને તમે જો ત્રીસ દિવસમાં ટુકડે-ટુકડે વાંચશો, તો તમને તે શું છે તે અનુભવાશે નહીં. તમારે એક બેઠકમાં શક્ય તેટલું વાંચવું જોઈએ કે જેથી તે તમારી અંદર જાય અને એક ગઠ્ઠાની જેમ તમારામાં બેસે; પછી તમે ધીમે ધીમે તેને પચાવશો. તમને બેસવા અને વાંચવા માટે અવિરત 2-3 અઠવાડિયા ક્યારે મળશે? આ કરવા માટે આ ખૂબ જ સારો સમય છે. નશ્વરતા આપણા ચહેરાને તાકતી જોવા મળી રહી છે.

4. સોશિયલ મીડિયાનો જવાબદારીપૂર્વક ઉપયોગ કરો

લોકડાઉનના આ સમયગાળા દરમિયાન, આપણે સોશિયલ મીડિયાનો ઉપયોગ એક બીજાની વિરુદ્ધ ઝેર ઓકયા વિના, વધુ જવાબદારીપૂર્વક કરવાનું શીખી શકીએ છીએ. તે એક વસ્તુ છે જે તમે કરી શકો છો કારણ કે વાયરસ હમણાં આપણને મૃત્યુ આપી રહ્યો છે; તમારે બધા સમયે લોકો પર કટરો ફેંકવાની જરૂર નથી. આ પંદર દિવસો, આપણે લોકો સાથે સંપર્કમાં રહેવું જોઈએ એનો અર્થ થાય છે - શારીરિક રીતે તેમના સંપર્કમાં રહેવા સિવાય - ચાલો આપણે તેનો ઉપયોગ આપણા પ્રેમ, કરુણા, નમ્રતા અને આપણી માનવતાને વ્યક્ત કરવા કરીએ. એક રાષ્ટ્ર તરીકે, હું જોઉં છું કે ઘણા લોકો આપણી તબીબી પદ્ધતિ, સરકાર અને વહીવટની છટકબારીમાં વ્યસ્ત છે. હા, આ બધી બાબતો મહત્વપૂર્ણ છે, પરંતુ તેમ કરવા માટેનો આ સમય નથી. જે કરવામાં આવે છે તેની પ્રશંસા અને ઉજવણી કરવાનો આ સમય છે.

5. ઘરે પણ અંતર રાખો

આ સમય માનવ સમાજ માટે જવાબદારીપૂર્વક વર્તવાનો અને વ્યક્તિઓ વચ્ચે અંતર જાળવી રાખવાનો. આનો અર્થ એ નથી કે આપણે બહારની દુનિયા સાથે સામાજિક અંતર રાખીએ, પરંતુ આપણાં રૂમમાં અથવા આપણા ઘરે પાર્ટી કરીએ. આપણે લોકોથી શારીરિક અંતર જાળવવું જોઈએ. ખાસ કરીને આપણા સમાજમાં સંવેદનશીલ વસ્તીમાં અને આપણા ઘરોમાં અને કુટુંબોમાં - આપણાં માતા-પિતા અને દાદા-દાદીમાં – આપણે ખાતરી કરવી જોઈએ કે તેમનાથી 2 મીટરના અંતરમાં કોઈએ આવવું ના જોઈએ. જો તમે આમ કરો છો, તો આપણે આ પરિસ્થિતિમાંથી ઓછામાં ઓછા નુકસાન સાથે પસાર થઈશું.

6.તમારી રોગપ્રતિકારક શક્તિને મજબૂત બનાવો>

અત્યારે, રોગપ્રતિકારક શક્તિ માટે કોઈક રીતે થોડું પ્રોત્સાહન આપવું મહત્વપૂર્ણ છે કારણ કે આ તે નક્કી કરે છે કે આ વાયરસ જીવલેણ બનશે કે નહીં, તમને ગંભીર નુકસાન પહોંચાડશે, અથવા તમારામાંથી હળવા લક્ષણો સાથે પસાર થશે. રોગપ્રતિકારક શક્તિને મજબૂત બનાવવા માટે, તમે કરી શકો છો તે વિવિધ વસ્તુઓ છે.

7. હોવાનું શીખો

આપણે વાયરસના વાહક છીએ. ઠીક છે, આ સમસ્યા છે, પરંતુ તે એક મોટો ફાયદો પણ છે કારણ કે આપણે મનુષ્ય છીએ. હમણાં, આપણે મન બનાવવું પડશે કે આપણે માનવ છીએ કે માનવીય પ્રાણી? જો આપણે મનુષ્ય છીએ, તો આપણે કેવી રીતે હોવું જોઈએ તે જાણવું જોઈએ. જો આપણે જાણવું છે કે કેવી રીતે હોવું જોઈએ, તો વાઇરસને આગળના વ્યક્તિ અને આગામી વ્યક્તિ પર ન મોકલવાના સરળ નિયમોનું પાલન કરવું ખૂબ શક્ય છે. જો તમે કેવી રીતે હોવું જોઈએ તે જાણો છો, તો સામાજિક ક્રિયા-પ્રતિક્રિયા ફક્ત પસંદગી દ્વારા જ થાય છે. જો તે જરૂરી ન હોય તો તમે તમારી જાતને તમારી પાસે રાખી શકો છો. કંઈપણ ન કરવાથી તમે ખૂબ સંતોષ અનુભવી શકો છો કે તમે વિશ્વ માટે કંઈક અદ્ભુત કર્યું છે.

યોગના અવયવોમાં એક પ્રાત્યાહાર છે, જેનો અર્થ છે કે સંસાર સાથેની તમારી સંવેદનાત્મક સગાઈને દૂર કરીને અંદરની તરફ ફેરવો. આનો પ્રયોગ કરવા માટે તમારા માટે આ સારો સમય છે. તમારે કોઈ તાલીમ લેવાની જરૂર નથી. માત્ર આંખો બંધ કરીને જ બેસો. બહારની દુનિયા સાથે નહીં સંકળાયેલા રહીને તમે બને તેટલા કલાકો કરી શકો તે કરો. શરૂઆતમાં તમારું મન બધી જગ્યાએ જશે. તે ઠીક છે, તેને નિયંત્રિત કરવાનો પ્રયાસ કરશો નહીં; તેને જ્યાં જવું હોય ત્યાં જવા દો. કંઇપણ જોયા વગર ફક્ત તમારી આંખો બંધ રાખો. એક કલાકથી પ્રારંભ કરો, તેને દિવસના છ થી બાર કલાક સુધી લઈ જાઓ. તમે જોશો, શિખરોને સિધ્ધ કરવા માટે તમારી પાસે આવશ્યક ઉર્જા હશે.

8. દરરોજ તમારી જાતને થોડુંક સુધારો

શારીરિક રૂપે, ફક્ત થોડા અઠવાડિયાઓ માટે તમારા માટે નાના લક્ષ્યો નક્કિ કરો. જ્યારે તમે અઢાર વર્ષના હતા, ત્યારે તમે નીચે ઝૂકતા, તો તમે ક્યાં સુધી જઇ શકતા હતા? તે સમયે, કદાચ તમારા હાથ બધી રીતે ફ્લોર પર ગયા, પરંતુ આજે, તે ફક્ત ઘૂંટણ સુધી જ જાય છે. ફક્ત જુઓ કે તમે છ ઇંચ વધુ નીચે જઈ શકો છો કે નહીં.

જ્યારે તમે અઢાર વર્ષના હતા, ત્યારે તમે સીડી ઉપર કેવી ઝડપથી ચડી ગયા અને આજે તમે સીડી કેવી ધીરી ગતિએ અને નિરુત્સાહપૂર્વક ચડી રહ્યા છો. જુઓ કે તમે આવતા બે અઠવાડિયામાં તેને દસથી વીસ ટકા સુધારી શકશો.

જ્યારે તમે અઢાર વર્ષથી નીચે હતા ત્યારના ફક્ત તમારા ચિત્રને તપાસો, તમારી મુદ્રા કેટલી સીધી હતી, અને હવે જો તમે ઝૂલતા હો, તો પોતાને થોડા સીધા કરો.

હજુ પાછળ જુઓ - જ્યારે તમે છ, આઠ કે દસ વર્ષની વયના હો ત્યારે તમને કેવા પ્રકારનું સ્મિત હતું. જુઓ કે તમે તેમાંથી પચાસ ટકા પાછું તમારા ચહેરા પર બધા સમયે મેળવી શકો છો. ફક્ત પ્લાસ્ટિકની સ્મિતને ખીલવીને નહીં, પણ તે જાદુ તમારામાં પાછું લાવીને.

જો તમે અદ્દભુત કંઈપણ કરી શકતા નથી, તો ઓછામાં ઓછું તમે આ ગ્રહ પર જીવનનો આનંદદાયક ભાગ હોવા જોઈએ. આ એવી વસ્તુ છે કે જેના માટે તમે તમારી જાતને અને તમારી આસપાસના દરેકને માટે રૂણી છો. તમે તમારા પોતાના પ્રકારનાં લક્ષ્યો નક્કિ કરી શકો છો. તે મુશ્કેલ નથી, તેને થોડું ધ્યાન આપવાની જરૂર છે.

9. તમારા સમુદાયના ઓછામાં ઓછા બે વંચિત લોકોને સહાય કરો

ભારતમાં આ વાયરસની એક મુખ્ય ચિંતા ગરીબમાં ગરીબ, દૈનિક વેતન કામદારો વિષે છે. સદભાગ્યે, કેન્દ્ર સરકાર ત્રણ મહિના માટે ખેડુતો, મજૂરો અને બાંધકામ કામદારોને ટેકો આપવા માટે વિસ્તૃત પેકેજ લઈને બહાર આવી છે. ઓછામાં ઓછો તેનો અર્થ એ છે કે વસ્તીના આ ભાગને ભૂખમરા તરફ દોરવાઈ જવાની જરૂર નથી.

હજી પણ એવા લોકો હોઈ શકે છે જે તિરાડોમાંથી પસાર થશે – વંચિત રહી જશે. તે સમાજ જ છે જે તેમને મદદ કરવા માટે આગળ વધી શકે. હું દરેકને વિનંતી કરું છું, તમે જ્યાં પણ હોવ: આપણે કટિબદ્ધતા લેવી જ જોઇએ કે આપણે ભૂખમરાને દુ:ખ અને મૃત્યુનો આધાર નહીં બનવા દઈશું. જો આપણે કોઈને તે દિશામાં આગળ વધતા જોઈએ, તો આપણે તેવા લોકો તરફ કેવી રીતે પહોંચવું જોઈએ, તે આપણી પોતાની ક્ષમતાઓને આધિન અથવા કોઈ બીજાનું ધ્યાન તેના તરફ લાવવું જોઈએ. હું દરેક સ્વયંસેવકોને વિનંતી કરીશ કે જો આવી પરિસ્થિતિઓ થાય તો ઓછામાં ઓછા બે લોકોની સંભાળ લેવી. પ્રથમ બે અઠવાડિયા સુધી, તે ઠીક છે, પરંતુ ત્રીજા અઠવાડિયા તરફ, લોકો ખરેખર દુ:ખી થઈ શકે છે. આપણે તેમની કાળજી લેવાની જરૂર છે.

જો કોઈ ભૂખમરા તરફ આગળ વધી રહ્યું છે, અને તમે સહાય આપવા માટે અસમર્થ છો, તો કૃપા કરીને ઇશા હેલ્પલાઇન નં. 83000 83000 પર ફોન કરો જે વધારાનો ટેકો પૂરો પાડવા માટે સ્થાનિક વિસ્તારમાં ઇશા સ્વયંસેવકોને સક્રિય કરશે. સંવેદનશીલ જૂથોને બચાવવા માટે અમારા મિશનમાં જોડાઓ.

10. ખુશ રહેવું ઉદાસીન નહી

કોરોના તમને તે ખૂબ સ્પષ્ટ જણાવી રહ્યું છે કે માનવ જીવન કેટલું નાજુક છે - કે જે એક અદ્રશ્ય સૂક્ષ્મજીવન આપણા જીવનને સમાપ્ત કરી શકે છે અને આપણે બનાવેલ છે તે બધું વિક્ષેપિત કરી શકે છે. બહાર પહેલેથી જ પર્યાપ્ત મુશ્કેલી છે, ચાલો આપણે આપણા જીવનને દયનીય ન કરીએ. ચાલો આપણે મુશ્કેલીનું સાધન ન બનીએ. આનંદકારક, ખુશખુશાલ અને આપણી આસપાસના દરેક માટેનું સમર્થન એ અત્યારે ખૂબ મહત્વનું છે.

 
 
  0 Comments
 
 
Login / to join the conversation1