• हर्बल पाउडर प्रयोग गरी हरेक दिन दुइपटक नुहाउनुहोस् ।

• बिहान एकपटक र बेलुका एकपटक दियो बाल्नुहोस् । यदि दियो उपलब्ध छैन भने, तपाईं मैनबत्तीको प्रयोग गर्न सक्नुहुन्छ ।

• बिहान र बेलुका, दियो बालेपछि, १२ पटक योग योग योगेश्वराय मन्त्र उच्चारण गर्नुहोस् । यो साधनालाई ४० मिनेटको सन्ध्याकालको समयमा गर्नु उत्तम हुनेछ ।

सन्ध्याकाल: सूर्योदय र सूर्यास्त हुनुभन्दा २० मिनेट अगाडिदेखि सूर्योदय र सूर्यास्त पछिको २० मिनेटसम्मको अवधिलाई सन्ध्याकाल भनिन्छ ।

• खाली पेटमा "शिव नमस्कार" को एउटा पूरा चक्र १२ पटक गर्नुहोस् । त्यसपछि, ३ पटक "सर्वेभ्यो मन्त्र" उच्चारण गर्नुहोस् । यसलाई दिनमा एक पटक सूर्योदय अगाडि वा सूर्यास्त पछाडि गर्नुपर्छ ।

अघिल्लो रातमा ८-१० वटा कालो मरिचको दाना अनि २-३ वटा नीम वा बेलको पात महमा डुबाउनुहोस् । एक मुठी बदाम (मुमफली) लाई पानीमा भिजाउनुहोस् । शिव नमस्कार र मन्त्र उच्चारण पछि, पातहरू चबाउनुहोस्, कालो मरिच र महलाई कागती पानीमा मिसाएर खानुहोस् । साथै, भिजाएको बदाम पनि खानुहोस् ।

यदि नीम वा बेल पत्र उपलब्ध छैन भने, नीमको धुलो (पाउडर) प्रयोग गर्न सक्नुहुन्छ ।

आफ्नो नियमित साधना, जस्तै कि शाम्भवी महामुद्रा सकिएपछि मात्रै यो खान सक्नुहुन्छ ।

यी बिन्दुहरूमा विभूति लगाउनुहोस्:

• आज्ञा, आँखीभौँको बीचमा

• विशुद्धि, कण्ठमुनि रहेको गहिरो भागमा

• अनाहत, करङ्गको हड्डी जोडिएको स्थानभन्दा ठीक मुनि

• मणिपूरक, नाभि(नाइटो) को ठीक तल ।

• दिनमा दुई पटक मात्र खाना खानुहोस् । पहिलो खाना १२ बजेपछि मात्र खानुहोस् ।

• यदि तपाईंलाई भोक लाग्यो भने, तपाईं कालो मरिच-मह-कागतीको रस पानीमा मिसाएर फेरि पिउन सक्नुहुन्छ ।

यो साधना महाशिवरात्रिको दिन समापन गरिनुपर्ने छ । ईशा योग केन्द्रमा उपस्थित भई साधना समापन गर्नु उत्तम हुनेछ ।

१. जागरणमा रहन जरूरी छ, यसको अर्थ पूरै रातभरि जागा बस्नुपर्ने छ ।

२. योग योग योगेश्वाराय मन्त्र ११२ पटक उच्चारण गर्नुहोस् ।

३. पैसा वा भोजन अत्यावश्यक भएका कोही ३ जनालाई केही दिनुहोस् ।

४. ध्यानलिङ्गमा वेल पत्र/ नीम पत्र/ ३ वा ५ पत्रे पात चढाउनुहोस् ।

५. माथि उल्लेख गरिएका प्रकियाहरू गरेपछि, पाखुरामा बाँधिएको कपडा फुकाल्नुहोस्, अनि ध्यानलिङ्गको अगाडि रहेको नन्दीको नजिक बाँध्नुहोस् । ध्यानलिङ्गको अगाडि कपडा बाँध्नाले कर्मका छापहरू विसर्जन गर्ने अवसरहरू प्राप्त हुन्छ, जुन व्यक्तिले स्थान छोडेर गएपछि पनि कायम रहन्छ ।

६. ११२ फिट आदियोगी परिक्रमा गर्नुहोस् ।

यदि तपाईं ईशा योग केन्द्रमा उपस्थित हुन सक्नुहुन्न भने महाशिवरात्रिमा तपाईं आफ्नो घरमै साधना समापन गर्न सक्नुहुन्छ ।

१. जागरणमा रहन जरूरी छ, यसको अर्थ पूरै रातभरि जागा बस्नुपर्ने छ ।

२. योग योग योगेश्वाराय मन्त्र ११२ पटक उच्चारण गर्नुहोस् ।

३. पैसा वा भोजन अत्यावश्यक भएका कोही ३ जनालाई केही दिनुहोस् ।

४. ध्यानलिङ्गको फोटोमा वेल पत्र/ नीम पत्र/ ३ वा ५ पत्रे पात चढाउनुहोस् । तपाईंले साधना सामग्रीमा फोटो पाउन सक्नुहुन्छ ।

५. माथि उल्लेख गरिएका प्रकियाहरू गरेपछि, आफ्नो पाखुराबाट कपडा फुकाल्नु'स्, कपडा जलाउनु'स् अनि बचेको खरानी पाखुरा र खुट्टाहरूमा लगाउनु'स् ।

• बिहानी खाजाको लागि ८-१० वटा कालो मरिचको दाना अनि २-३ वटा नीम वा बेलको पात महमा डुबाउनुहोस् । एक मुठी बदाम (मुमफली) लाई पानीमा भिजाउनुहोस् । शिव नमस्कार र मन्त्र उच्चारण पछि, पातहरू चबाउनुहोस्, कालो मरिच र महलाई कागती पानीमा मिसाएर खानुहोस् । साथै, भिजाएको बदाम पनि खानुहोस् ।

• यदि नीम वा बेल पत्र उपलब्ध छैन भने, नीमको धुलो (पाउडर) प्रयोग गर्न सक्नुहुन्छ ।

• दिनमा दुई पटक मात्र खाना खानुहोस् । पहिलो खाना १२ बजेपछि मात्र खानुहोस् ।

• आफ्नो नियमित साधना, जस्तै कि शाम्भवी महामुद्रा सकिएपछि मात्रै यो खान सक्नुहुन्छ ।