यस संस्कृतिमा हजारौँ वर्षदेखि विकसित कलाहरू यहाँ रहेका विविध संस्कृतिको प्रतिबिम्ब मात्रै होइनन्, बरु आध्यात्मिक प्रेरणाको स्रोत पनि हुन् । ती संस्कृतिहरूले पुस्तौँदेखि यस भूमिलाई समृद्ध बनाएका छन्, तर अहिले हामीहरू जीवनको त्यस आयामलाई द्रुत गतिमा बिर्सिरहेका छौँ ।

ललित कलाहरूको विशेषता र शुद्धतालाई बचाएर राख्न अनि ती कलाहरूको विविधतालाई प्रवर्द्धन गर्ने कोशिस अन्तर्गत, ईशा फाउण्डेशनमा हरेक वर्ष तीन दिवसीय उत्सव "यक्ष" आयोजना गरिन्छ । यस उत्सवमा ख्याति प्राप्त कलाकारहरूद्वारा सङ्गीत र नृत्य प्रस्तुतिहरू गरिनेछ ।

यक्ष, अलौकिक जीवहरू हुन् जसको बारेमा विभिन्न मिथकहरूमा उल्लेख गरिएको छ । यक्ष उत्सव यस्तो मञ्च हो, जसले कलाकारहरूलाई प्राचीन कलाहरू प्रस्तुत गर्ने अवसर दिनुको साथै कला प्रेमीहरूलाई प्रख्यात कलाकारहरूद्वारा प्रस्तुत यी प्राचीन कलाहरूको स्वाद लिने अवसर प्रदान गर्दछ ।