ಶಿವನ ಮಹತ್ವ

ಪ್ರಶ್ನೆ: ಸದ್ಗುರು, ನೀವು ಶಿವನಿಗೆ ಬಹಳ ಮಹತ್ವ ನೀಡುತ್ತೀರಿ. ಜೆನ್‌ನ ಗುರುಗಳಂತಹ ಇತರ ಗುರುಗಳ ಬಗ್ಗೆ ನೀವು ಏಕೆ ಹೆಚ್ಚು ಮಾತನಾಡುವುದಿಲ್ಲ ?

ಹಾಗಾಗಿ ನೀವು ಜೆನ್ ಬಗ್ಗೆ ಮಾತನಾಡುತ್ತಿದ್ದೀರಿ. ಶಿವನಿಗಿಂತ ದೊಡ್ಡ ಜೆನ್ ಗುರು ಯಾರಿದ್ದಾರೆ? ಜೆನ್ ಗುರು ಗುಟೇಯ ಬಗ್ಗೆ ನೀವು ಕೇಳಿದ್ದೀರಾ? ಜೆನ್ ಬಗ್ಗೆ ಗುಟೇ ಮಾತನಾಡುವಾಗಲೆಲ್ಲಾ, "ಎಲ್ಲವೂ ಒಂದೇ" ಎಂದು ತೋರಿಸಲು ಪ್ರಯತ್ನಿಸುತ್ತಾ ಯಾವಾಗಲೂ ತನ್ನ ಬೆರಳನ್ನು ಎತ್ತುತ್ತಿದ್ದರು. ಈ ಜೆನ್ ಮಠಗಳಲ್ಲಿ, ಚಿಕ್ಕ ಹುಡುಗರು ನಾಲ್ಕು, ಐದು ವರ್ಷದ ವಯಸ್ಸಿನಲ್ಲಿಯೇ ಸನ್ಯಾಸಿಗಳಾಗುತ್ತಿದ್ದರು. ಮಠದಲ್ಲಿ ಬೆಳೆಯುತ್ತಿದ್ದ ಇಂತಹ ಒಬ್ಬ ಚಿಕ್ಕ ಹುಡುಗ ಗುಟೇಯನ್ನು ನೋಡಿ ಯಾರಾದರೂ ಏನಾದರೂ ಹೇಳಿದಾಗಲೆಲ್ಲಾ ತನ್ನ ತೋರುಬೆರಳನ್ನು ಎತ್ತಲು ಪ್ರಾರಂಭಿಸಿದ. ಗುಟೇ ಇದನ್ನು ನೋಡಿದರು ಆದರೆ ಹುಡುಗ ಹದಿನಾರು ವರ್ಷದವನಾಗುವವರೆಗೆ ಕಾಯ್ದರು. ನಂತರ ಒಂದು ದಿನ, ಗುಟೇ ಹುಡುಗನನ್ನು ಕರೆದು ತನ್ನ ಬೆರಳನ್ನು ಎತ್ತಿದರು. ಹುಡುಗ ಸಹಜವಾಗಿ ಅದೇ ರೀತಿ ಮಾಡಿದ. ಗುಟೇ ಒಂದು ಚಾಕುವನ್ನು ತೆಗೆದುಕೊಂಡು ಹುಡುಗನ ಬೆರಳನ್ನು ಕತ್ತರಿಸಿದರು, ಮತ್ತು ಹುಡುಗ ಜ್ಞಾನೋದಯ ಹೊಂದಿದನೆಂದು ಹೇಳುತ್ತಾರೆ.ಅವನು ಇದ್ದಕ್ಕಿದ್ದಂತೆ ಅರಿತುಕೊಂಡ ಇದು ಒಂದರ ಬಗ್ಗೆ ಅಲ್ಲ, ಇದು ಏನೂ ಇಲ್ಲದ್ದರ ಬಗ್ಗೆ ಎಂಬುದನ್ನು. 

ಬಹಳ ಹಿಂದೆಯೇ, ಶಿವ ಇನ್ನೂ ಮುಂದೆ ಹೋದನು . ದೀರ್ಘ ಗೈರುಹಾಜರಿಯ ನಂತರ, ಒಂದು ದಿನ ಅವರು ಮನೆಗೆ ಹಿಂತಿರುಗಿದರು. ಈಗ ಹತ್ತು, ಹನ್ನೊಂದು ವರ್ಷದ ವಯಸ್ಸಿನವನಾಗಿದ್ದ ತನ್ನ ಮಗನನ್ನು ಅವರು ನೋಡಿರಲಿಲ್ಲ. ಅವರು ಬಂದಾಗ, ಚಿಕ್ಕ ತ್ರಿಶೂಲವನ್ನು ಹೊತ್ತಿದ್ದ ಈ ಹುಡುಗ ಅವರನ್ನು ತಡೆಯಲು ಪ್ರಯತ್ನಿಸಿದ. ಶಿವ ಅವನ ತ್ರಿಶೂಲವನ್ನಲ್ಲ, ತಲೆಯನ್ನು ತೆಗೆದುಹಾಕಿದ. ಪಾರ್ವತಿ ಇದರಿಂದ ಅತ್ಯಂತ ಕೋಪಗೊಂಡಳು. ಆದ್ದರಿಂದ ಇದನ್ನು ಸರಿಪಡಿಸಲು, ಶಿವ ಹುಡುಗನ ದೇಹಕ್ಕೆ ಗಣನ ತಲೆಯನ್ನು ಅಳವಡಿಸಿದ, ನಂತರ ಅವನು ಅತ್ಯಂತ ಬುದ್ಧಿವಂತನಾದ. ಇಂದಿಗೂ ಭಾರತದಲ್ಲಿ, ಜನರು ವಿದ್ಯಾಭ್ಯಾಸ ಅಥವಾ ಬೇರೆ ಯಾವುದನ್ನೇ ಪ್ರಾರಂಭಿಸುವ ಮೊದಲು, ಮೊದಲು ಈ ಹುಡುಗನನ್ನು ಪೂಜಿಸುತ್ತಾರೆ. ಈಗ ಜನರು ಅದನ್ನು ಸ್ವಲ್ಪ ಬದಲಾಯಿಸಿದ್ದಾರೆ ಮತ್ತು ಗಣನ ತಲೆ ಗಜದ ತಲೆಯಾಗಿ ಬದಲಾಗಿದೆ, ಆದರೆ ಅವನು ಬುದ್ಧಿವಂತಿಕೆ ಮತ್ತು ಪ್ರತಿಭೆಯ ಸಾಕಾರ ಮೂರ್ತಿಯಾದನು . ಅವನಿಗೆ ತಿಳಿಯದ್ದು ಯಾವುದೂ ಇಲ್ಲ ಎಂದು ಅವರು ಹೇಳಿದರು.

ಇದು ಮೊದಲ ಝೆನ್ ಕ್ರಿಯೆಯಾಗಿತ್ತು. ಈ ಜಗತ್ತಿನಲ್ಲಿ ಶಿವನ ಜೀವನದಿಂದ ಯಾವುದೂ ಹೊರಗುಳಿದಿಲ್ಲ. ಅವನು ಅಷ್ಟು ಸಂಕೀರ್ಣ ಮತ್ತು ಪರಿಪೂರ್ಣ. ಅವನಲ್ಲಿ ಬೋಧನೆ ಇರಲಿಲ್ಲ, ಕೇವಲ ವಿಧಾನಗಳಿದ್ದವು, ಮತ್ತು ಈ ವಿಧಾನಗಳು ನೂರಕ್ಕೆ ನೂರು ಪ್ರತಿಶತ ವೈಜ್ಞಾನಿಕ ಸ್ವರೂಪದ್ದಾಗಿವೆ. ಮಾನವ ವ್ಯವಸ್ಥೆಯಲ್ಲಿ 114 ಚಕ್ರಗಳಿರುವುದರಿಂದ ಅವನು 112 ಮಾರ್ಗಗಳನ್ನು ನೀಡಿದನು, ಆದರೆ ಅವುಗಳಲ್ಲಿ ಎರಡು ಭೌತಿಕ ದೇಹದ ಹೊರಗಿವೆ, ಆದ್ದರಿಂದ ಅವನು ಹೇಳಿದ, "ಆ ಕ್ಷೇತ್ರ ಕೇವಲ ಮೀರಿದವರಿಗಾಗಿ ಮಾತ್ರ. ಮಾನವ ಜೀವಿಗಳಿಗೆ 112 ಮಾರ್ಗಗಳು ಮಾತ್ರ ಇವೆ." ಮತ್ತು ಈ ಜೀವನ ಹೇಗೆ ಮಾಡಲ್ಪಟ್ಟಿದೆ ಎಂಬುದರ 112 ಆಯಾಮಗಳನ್ನು ನೀವು ಹೇಗೆ ಬಳಸಿಕೊಳ್ಳಬಹುದು ಎಂಬುದಕ್ಕೆ ಅವನು ಸ್ಪಷ್ಟ ವಿಧಾನಗಳನ್ನು ತೋರಿಸಿದನು. ಅವುಗಳಲ್ಲಿ ಪ್ರತಿಯೊಂದರ ಮೂಲಕವೂ ನೀವು ಸಾಕ್ಷಾತ್ಕಾರ ಹೊಂದಬಹುದು.

ಶಿವ ಮಾತನಾಡುತ್ತಿದ್ದುದು ಜೀವನದ ಯಾಂತ್ರಿಕತೆಯ ಬಗ್ಗೆ, ಯಾವುದೇ ತತ್ವಜ್ಞಾನವಲ್ಲ, ಯಾವುದೇ ಬೋಧನೆಯಲ್ಲ, ಯಾವುದೇ ಸಾಮಾಜಿಕ ಸಂಬಂಧವಲ್ಲ - ಕೇವಲ ವಿಜ್ಞಾನ. ಈ ವಿಜ್ಞಾನದಿಂದ, ವೈಯಕ್ತಿಕ ಗುರುಗಳು ತಂತ್ರಜ್ಞಾನವನ್ನು ರಚಿಸುತ್ತಾರೆ. ಅವರು ಅದರ ವಿಜ್ಞಾನವನ್ನು ನೀಡಿದರು. ನೀವು ಇಂದು ಆನಂದಿಸುತ್ತಿರುವ ತಂತ್ರಜ್ಞಾನಗಳ ಹಿಂದೆ, ಅದು ಸ್ಮಾರ್ಟ್‌ಫೋನ್ ಅಥವಾ ಕಂಪ್ಯೂಟರ್ ಅಥವಾ ಬೇರೆ ಯಾವುದೇ ಸಾಧನದ ರೂಪದಲ್ಲಿರಲಿ, ಒಂದು ವಿಜ್ಞಾನವಿದೆ. ಆ ವಿಜ್ಞಾನವು ನಿಮಗೆ ಸಂಬಂಧಪಟ್ಟಿಲ್ಲ. ನೀವು ಕೇವಲ ತಂತ್ರಜ್ಞಾನವನ್ನು ಬಳಸುತ್ತಿದ್ದೀರಿ. ಆದರೆ ಯಾರಾದರೂ ವಿಜ್ಞಾನವನ್ನು ಗ್ರಹಿಸದಿದ್ದರೆ, ನಿಮಗೆ ತಂತ್ರಜ್ಞಾನ ಇರುತ್ತಿರಲಿಲ್ಲ.

ಆದ್ದರಿಂದ ಶಿವನು ಹೇಳಿದ್ದು ಕೇವಲ ಶುದ್ಧ ವಿಜ್ಞಾನ. ಅವರು  ಸಪ್ತಋಷಿಗಳಿಗೆ, ಅವರ ಮುಂದೆ ಕುಳಿತ ಜನರಿಗೆ ಸೂಕ್ತವಾಗುವಂತೆ ತಂತ್ರಜ್ಞಾನವನ್ನು ರೂಪಿಸಲು ಬಿಟ್ಟನು. ತಂತ್ರಜ್ಞಾನವನ್ನು ರೂಪಿಸಬಹುದು. ನಮಗೆ ಏನು ಬೇಕೋ ಅದನ್ನು ಅವಲಂಬಿಸಿ, ನಾವು ನಿರ್ದಿಷ್ಟ ಉಪಕರಣವನ್ನು ತಯಾರಿಸುತ್ತೇವೆ, ಆದರೆ ಮೂಲ ವಿಜ್ಞಾನ ಒಂದೇ. ಇಂದು ಪ್ರಸ್ತುತವಾಗಿರುವ ಉಪಕರಣಗಳು ನಾಳೆ ಅಪ್ರಸ್ತುತವಾಗಬಹುದು. ಒಮ್ಮೆ ಬಹಳ ಮೌಲ್ಯಯುತವೆಂದು ನಾವು ಭಾವಿಸಿದ್ದ ಅನೇಕ ಉಪಕರಣಗಳು ಈಗ ಹೊಸ ಉಪಕರಣಗಳು ಬಂದಿರುವುದರಿಂದ ಮೌಲ್ಯರಹಿತವಾಗಿವೆ - ಆದರೆ ವಿಜ್ಞಾನ ಅದೇ ಆಗಿದೆ.

ಆದ್ದರಿಂದ ಆದಿಯೋಗಿಯೊಂದಿಗೆ, ನಾವು ಮೂಲ ವಿಜ್ಞಾನವನ್ನು ನೋಡುತ್ತಿದ್ದೇವೆ. ವಿವಿಧ ಕಾರಣಗಳಿಂದ ಮಾನವತೆ ಇಂತಹ ಸ್ಥಿತಿಯಲ್ಲಿರುವ ಈ ಸಮಯದಲ್ಲಿ, ಅತ್ಯಾವಶ್ಯಕ ವಿಜ್ಞಾನವನ್ನು ಬಲಪಡಿಸುವುದು ಮುಖ್ಯವಾಗಿದೆ.