கோவிலின் பிரதான வாயிலுக்கு அவர் வந்தவுடன், திரைச்சீலைகள் திறக்கப்பட்டன, உட்புற கருவறை முதல்முறை காணக் கிடைத்தது. அங்கு தேவியின் உருவம் "ஜெய் பைரவி தேவி" என அச்சிடப்பட்ட சிவப்புநிறத் துணியால் மூடப்பட்டிருந்தது.

மேலும் குறிப்பிட்ட அறிமுகம் ஏதும் இன்றி, தேவிக்கு ஆரத்தி அர்ப்பணித்து, தேவியின் முன்பாக யாக நெருப்பை மூட்டி சத்குரு பிரதிஷ்டையைத் தொடங்கினார்.

சில பங்கேற்பாளர்கள் பிரதிஷ்டை செயல்முறையை கவனம்குவித்து உள்வாங்க, மற்றசிலர் கண்களை மூடியபடி, சக்தியதிர்வுகளில் பேரானந்தத்தில் திளைத்தனர்.

பாதரசம், புனித சாம்பல், மஞ்சள், குங்குமம், புற்று மண், வேம்பு, வில்வ இலைகள் மற்றும் பலவற்றைப் பயன்படுத்தி சத்குரு பிரதிஷ்டை செயல்முறையைத் தொடர்ந்தார். கோவிலின் மேல் வைக்கப்படும் ஐந்து கலசங்களுக்கான சக்திமிக்க ஒரு பாதரச அடிப்படையை அவர் உருவாக்கும் செயலில் ஈடுபட்டார்.தேவி உருவத்தின் உள்ளே வைக்கக்கூடிய பிரதான பாதரச யந்திரத்தையும், மூன்றாவது கண்ணையும் சத்குரு நிலைநிறுத்தினார்.

ஏறக்குறைய 3½ மணிநேர முழுமையான தீவிர செயல்முறைக்குப் பிறகு, சத்குரு ஒரு இடைவேளையை அறிவித்தார். செயல்முறை இன்னும் முடிவடையாததால், அந்த இடைவேளையில் மௌனத்தைக் கடைப்பிடித்து, சக்தியதிர்வுகளோடு தேவையான சூழலை பராமரிக்குமாறு அனைவரையும் அவர் கேட்டுக்கொண்டார். 'லிங்கபைரவி லம் வம்' உச்சாடனம் இடைவேளை முழுவதும் எதிரொலித்தது. அதேசமயம், பீடத்தின் மீது தேவி நிலைநிறுத்தப்பட்டு திரைச்சீலையால் மூடப்பட்டாள்.

இடைவேளை முடிந்ததும், சத்குரு உட்புற கருவறைக்குச் சென்று, தேவியின் திரையை விலக்கியபோது மேள தாளங்களும் உச்சாடனங்களும் அந்த சூழலை நிறைத்திருந்தன.

பங்கேற்பாளர்கள் பேரானந்தத்திலும் அற்புத உணர்விலும் திளைத்தனர். சிலர் பக்தியின் பரவச கண்ணீரில் நனைந்தனர்; சிலர் ஆனந்தப் பெருக்கில் கூச்சலிட்டனர்; சிலர் பேரானந்தத்தில் நடனமாடினர். அந்நிகழ்வு பரவசத்தின் கொண்டாட்டமாக இருந்தது.

சத்குரு தேவிக்கு முதன்முதலாக குங்குமம் இட்டு, வண்ண மலர்மாலையை அணிவித்ததோடு, பாரம்பரிய நேபாளி கழுத்தணி ஆபரணத்தாலும் தேவியை அலங்கரித்தார்.

தொடர்ந்து நடந்த நிகழ்வில், கோவிலில் வழங்கப்படவுள்ள பல்வேறு அர்ப்பணங்கள் மற்றும் சடங்குகள் பற்றி சத்குரு பேசினார்.

பிரதிஷ்டையின் நிறைவில், ஒரு சிற்றுரையை சத்குரு நிகழ்த்தினார். அதைத் தொடர்ந்து கேள்வி-பதில் நிகழ்ச்சியும் நடந்தது. இந்த கோவிலின் முக்கியத்துவத்தையும் தனித்துவத்தையும் அவர் எடுத்துரைத்தார். மேலும் தேவியை கவனத்துடன் பராமரிக்க உள்ளூர் தியான அன்பர்களை கேட்டுக்கொண்டார். நேபாளத்தில் பொதுவாக பயன்படுத்தப்படும் செயற்கையான குங்குமத்தை விடுத்து, இயற்கைமுறையில் தயாரிக்கப்பட்ட சக்திமிக்க தேவி குங்குமத்தைப் பயன்படுத்துமாறு நேபாள மக்களுக்கு அவர் பரிந்துரைத்தார்.