சத்குருவைத் தொடருங்கள்

பிரபல இந்தோனேசிய நடிகை ரலைன் ஷாவும், சத்குருவும் ஆன்லைனில் மண் காப்போம் இயக்கம் குறித்து உரையாடினர். உணவு தட்டுப்பாட்டின் அபாயம் மற்றும் உணவு பாதுகாப்பின் முக்கியத்துவம் பற்றி சத்குரு பேசினார். பல்லாயிரக்கணக்கான ஆண்டுகளாக கட்டமைக்கப்பட்ட நாகரிகங்களை, உணவு தட்டுப்பாடானது சில நாட்களில், சில வாரங்களிலேயே அழித்துவிட முடியும் என்கிற உண்மையை முன்னிலைப்படுத்தினார். இறக்குமதிகளைச் சார்ந்திருக்கும் தேவையில்லாமல், அந்தந்த நாடுகள் தாங்களாகவே அடிப்படைத் தேவையான உணவை உற்பத்தி செய்வதை உணவு பாதுகாப்பு நிர்வாகம் உறுதி செய்கிறது. குறுகிய அடையாளங்களின் எல்லைகளைக் கடந்து வாழ்வை உணர்வதற்கான நமது திறனைக் குறித்தும் சத்குரு பேசினார்.

பாரத ஸ்டேட் வங்கியின் முன்னாள் தலைவர், அருந்ததி பட்டாச்சார்யாவுடன் சத்குரு மேற்கொண்ட ஆன்லைன் உரையாடலில், பூமியின் நுட்பமான உயிர்களின் அடிப்படையாக இருக்கும் ஒளிச்சேர்க்கையின் செயல்முறை குறித்துப் பேசினார். இந்த செயல்முறையின் தொடர் பரிமாற்றங்களின் வாயிலாகத்தான், பூமியின் மீதுள்ள அனைத்து உயிர்களும், முக்கியமாக நாம், நீடித்திருப்பதை விளக்கினார். அதுதான் மண்ணில் கார்பனைத் தக்கவைத்திருக்கிறதே தவிர, நாம் தற்போது எதிர்கொண்டிருக்கும் சூழலியல் பிரச்சனைகளை உருவாக்கக்கூடிய காற்று மண்டலத்தில் இல்லை என்று விரிவாக எடுத்துரைத்தார்.

அவர் ஒரு சூழலியல் போராளி என்ற மற்றவர்களின் கண்ணோட்டத்தை மாற்றும்வகையில், இயற்கையாகவே எல்லா உயிர்களிடமும் தான் ஆழமான காதல் வயப்பட்ட நிலையில் செயல்படுவதாக, ஒரு தன்னிலை விளக்கமும் வழங்கினார்.