சத்குருவை தொடருங்கள்

இணையதளம் மூலம் ஏற்பாடு செய்திருந்த சிறப்பு சத்சங்கத்தில், இந்தியாவில் கோவிட்-19 இரண்டாவது அலை குறித்துப் பேசிய சத்குரு, முன்களப் பணியாளர்கள், மருத்துவமனைகள், மயானங்கள் மற்றும் பொதுமக்களுக்கு உறுதுணையாக இருப்பதற்கான ஈஷாவின் வெவ்வேறு வழிமுறைகள் பற்றி எடுத்துரைத்தார். நோய் எதிர்ப்பு சக்தியை மேம்படுத்தும் பயிற்சிகளை இயன்ற அளவுக்கு அதிகமான மக்களுக்கு வழங்குமாறு ஒவ்வொருவரையும் ஊக்கப்படுத்தியதுடன், இந்த சவாலான சூழலைக் கடந்து முன்னேறுவதற்கு, விழிப்புணர்வுடனும் பொறுப்போடும் நடந்துகொள்வதுதான் ஒரே வழி என்பதை மீண்டும் வலியுறுத்தினார்,

டேவிட் கோச் மற்றும் நடாலி பார் இணைந்து தொகுத்தளிக்கும் பிரபலமான ஆஸ்திரேலிய தொலைக்காட்சியின் காலை நேர சன் ரைஸ் நிகழ்ச்சியில், சத்குருவிடம், ஒருவரது கர்மாவை மாற்றத்துக்கு உள்ளாக்குவது குறித்தும் மற்றும் நல்லமுறையில் எப்படி வாழ்வது என்பதற்கான வழிமுறைகளைப் பற்றியும் கேட்டனர். கடுகு சிறுத்தாலும் காரம் குறையாது என்பதற்கேற்ப ஐந்து நிமிட உரையாக இருந்தாலும், சத்குரு ஏற்படுத்திய தாக்கம் அழுத்தமாக இருந்தது.

உலகளாவிய பேச்சாளர், சிறப்பாக விற்பனையாகும் புத்தக வரிசை எழுத்தாளர் மற்றும் தொழில்முனைவர் எட் மைலெட் இணையதள உரையாடலில் சத்குருவுடன் இணைந்து, மகிழ்ச்சி தேடல், நிலையாமை, தன்னைத்தானே பெரிதாக எடுத்துக்கொள்வது மற்றும் கர்மா உங்களுக்கு எப்படி வல்லமை தருகிறது என்பது குறித்து விவாதித்தார்.

ஃபிலிப் கோல்ட்பெர்க், பாராட்டுக்குரிய ஒரு எழுத்தாளர் மற்றும் மேடைப் பேச்சாளர். கர்மாவின் நிரூபணம் குறித்து கேள்வி எழுப்பிய இவர், சந்தேக பார்வையில் கர்மாவை அணுகும் தன்மையுடன் சத்குருவுடன் தனது கலந்துரையாடலைத் தொடங்கினார். கர்மா குறித்த தவறான புரிதல்கள் குறித்தும், கர்மா என்பது உடலில் ஏற்படும் அழுத்தமாக பதிவு செய்யப்படுகிறதா என்ற கேள்விகளுடன், கர்மா கோல்ஃப் விளையாட்டுக்கு ஒப்பானது போன்ற பல்வேறு ஆர்வமூட்டும் தலைப்புகள் உரையாடலின் போக்கில் இடம் பெற்றன.