இந்தியாவின் தனிச்சிறப்பு, அதனை உலகத் தலைமையின் பாதையில் நிறுத்தக்கூடுமா?

சர்வதேச யோகா தினத்தை இந்தியா வழி நடத்துவதும், உலகத்துக்கு யோகாவின் இயக்கவியல் நுட்பத்தை பிரதம மந்திரியின் தலைமையின் கீழ் வழங்குவதும், ஐக்கிய நாடுகள் சபை அதைக் கையிலெடுத்து, நீடித்த வளர்ச்சிக்கான இலக்குகளின் பகுதியாகச் செய்ததும் அற்புதமானது. பிழைத்தலின் தேவைகளை அதிக எண்ணிக்கையிலான தேசங்கள் பூர்த்தி செய்துகொண்ட நிலையில், மனிதரின் உள் நிலையின் நல்வாழ்வை மேம்படுத்துவதில் இந்தியா தலைமையிடம் வகிக்கமுடியும். ஏனென்றால் நாம் செய்திருப்பதைப்போல் ஆழமாக, வேறு எந்தக் கலாச்சாரமும் அதில் முதலீடு செய்யவில்லை.

நாம் புரிந்துகொள்ளவேண்டிய மிக முக்கியமான விஷயம் என்னவென்றால், ஒரு தேசம் வலிமையாக எழுந்து நிற்பதற்கு, அதனுடைய பலம் ஆதிக்கம் செலுத்துவதற்காக பயன்படுத்தப்படக்கூடாது, ஆனால் மாறாக, அனைவரையும் இணைத்துக்கொண்டு, அதன் ஒரு பாகமாக இருப்பதற்கு அவர்கள் விரும்பும்படி செய்வதற்கான ஆற்றலுடன் இருக்கவேண்டும். நாம் பொருளாதாரரீதியாக வலிமையுடன் இருக்கவேண்டும்; ஆரோக்கியம் மற்றும் கல்வியில் சிறக்கவேண்டும். அனைத்துக்கும் மேலாக, நமது ஆழ்ந்ததன்மையும், இணைத்துக்கொள்ளுதலும் உலகத்தால் புறக்கணிப்பட முடியாத ஒரு விதத்தில் நாம் வாழவேண்டும். கடந்த காலங்களில் நாம் இப்படித்தான் இருந்துள்ளோம் என்பதுடன் அப்படிப்பட்ட ஒரு எதிர்காலத்தை உருவாக்குவதற்கான நேரம் வந்துவிட்டது.

நம்மை நாமே பறைசாற்றிக்கொள்வதற்கு இதை நாம் செய்யக்கூடாது, ஆனால் மாறாக, நமது இருப்பின் தன்மை உலகத்தின் கவனத்தை இயல்பாகவே ஈர்ப்பதாக இருக்கட்டும். கடந்த காலங்களில் நமது வழியும் அதுவாகத்தான் இருந்துள்ளது மேலும் எதிர்காலத்திலும் அவ்வாறு இருப்பதை நாம் தொடர்ந்திடவேண்டும். தனிப்பட்ட மனிதர்களைக் கட்டமைக்காமல், ஒரு தேசத்தை யாராலும் கட்டமைக்க முடியாது. தனிப்பட்ட மனிதரின் ஆழ்ந்ததன்மையும், நல்வாழ்வும்தான் ஒரு தேசத்தின் பிரதிபலிப்பாக இருக்கிறது. இந்த அன்புக்குரிய பாரதத்தின் அனைத்து குடிமக்களும் அப்படி ஆகும்பொழுது, பிறகு தேசமும் அந்த வழியில் இருக்கும், அப்போது உலகம் அதைப் புறக்கணிக்கமுடியாது. அதைத்தான் நாம் செய்யவேண்டும்.