_{சுவாரஸ்யமான வழிகளில் சந்திரன் நமது உடலிலும் மனதிலும் ஏற்படுத்தும் தாக்கங்கள்}

தாக்கம் ஏற்படுத்துவதில், சூரியனும், சந்திரனும் முதன்மையானவை

‘க்ரஹ’ என்ற சொல்லுக்கு, புரிந்துணர்தல் என்பது பொருள். ஆனால், அதை மற்றொரு விதத்தில் பார்த்தால், தாக்கம் என்றும் வரையறுக்கலாம். வானமண்டலப் பொருட்களுள், சூரியனும், சந்திரனும் நமது பௌதிக உடல்களால் சக்திரீதியாக கிரகிக்கப்படுவதிலும், அவற்றின் நகர்வு மற்றும் நிலைப்பாடுகளால் நம்மில் தாக்கம் ஏற்படுத்துவதிலும் மிக முக்கியமான பங்காற்றுகின்றன. நமது தாய்மார்களின் உடல்கள் சந்திரனின் சுழற்சிகளுடன் ஒத்திசைவில் இருந்த காரணத்தினால்தான், நாம் இங்கு பிறந்து, இன்றைக்கு இங்கே அமர்ந்துகொண்டிருக்கிறோம்.

தக்ஷனின் 27 மகள்களை சந்திரன் மணந்தது எப்படி

தக்ஷனின் 27 மகள்களை சந்திரன் மணந்தது எப்படி என்பதைப் பற்றி ஒரு அழகான கதை உண்டு. தக்ஷன், “என் 27 மகள்களையும் சமமாக நடத்தி, கௌரவிக்க முழு சம்மதம் இருந்தால் மட்டும்தான் எனது மகள்களை மணமுடித்துத் தருவேன்’, என்று சந்திரனிடம் கூறினார்.

ஆனால் காலப்போக்கில், மெல்லமெல்ல, சந்திரன் தனது அன்பை அதிகம் சம்பாதித்த விருப்பமான ஒருத்தியிடம், சாயத் தொடங்கினான். மற்றவர்களை அது கோபமூட்டியதால், அவர்கள் மறையத் தொடங்கினர். ஆகவே, இப்படித்தான் பூமியைச் சுற்றிவரும் சந்திரனின் சுழற்சி 27 நாட்கள், 8 மணி நேரமாகியது, ஏனெனில் அந்த அளவுக்கு சந்திரன் அவள்பக்கமாகச் சாய்ந்தான். அவளால் மற்றவர்கள் மறைக்கப்படுவதால், எப்பொழுதும் கோபத்தை வெளிப்படுத்துவர்களாக இருக்கின்றனர் – சிலர் முழுமையாகவும் கறுத்துவிடுகின்றனர், மற்றவர்கள் சந்திரனின் பிறைகளாகிவிடுகின்றனர்.

இது, வான சாஸ்திரம் பேசுவதற்கான அற்புதமான வழியாக இருக்கிறது. வானமண்டலத்தின் வடிவியல் நம்மைச் சுற்றி எப்படி செயல்படுகிறது என்பதற்கான கதைக்குள் பல கதைகள் உள்ளன. யோகா அதனை வடிவங்களாகவும், வடிவியலாகவும் மட்டும் பார்க்கிறது, ஆனால் இந்து கலாச்சாரம் அதனை இயங்குவியல்முறையில் பார்க்கிறது. அதே வடிவியல்தான் அற்புதமான கதைகளாக மாற்றப்பட்டுள்ளது.

பௌர்ணமி தினம், சந்திரனுடைய விருப்பமான மனைவியின் நாள்; மற்றவர்களைவிட அவள் அதிகமாக ஒளிர்கிறாள். சந்திரன், நிலவின் அரசனானவன், அவளிடம் கூடுதல் கவனம் செலுத்தும் காரணத்தால், அவளுக்குக் கூடுதல் ஒளி கிடைத்தது. அந்த நாளில், பல நற்பலன்கள் உள்ளன.

சந்திரனின் ஈர்ப்பு விசைகள் உங்கள் உடலின் செயல்பாடுகளில் எப்படித் தாக்கத்தினை ஏற்படுத்துகின்றன

பௌர்ணமி தினங்களில், நுரையீரல் செயல்பாடு, இரத்தம் மற்றும் ஊட்டச்சத்துக்களின் ஓட்டம், மற்ற வாழ்வின் அம்சங்கள் அவற்றின் உச்சத்தில் செயல்படுவதாக காட்டும் ஆராய்ச்சிகள் இன்று உள்ளன. இதய அறுவை சிகிச்சைகளில் பிழைத்தெழுபவர்களின் விகிதம், பௌர்ணமி தினங்களிலும், அமாவாசை தினங்களிலும் மிக அதிகமாக இருப்பதாகக் கண்டுபிடிக்கப்பட்டுள்ளது.

பௌர்ணமி நாளில் மரணமடைவது நல்லது என்று ஏன் கருதப்படுகிறது?

பௌர்ணமி நாட்களில், உங்கள் உடலமைப்புக்குள் திரவங்களுடன் தொடர்புடைய அனைத்தும் உச்சத்தில் இயங்குகிறது. பொதுவாக இந்தியாவில், அதுபோன்ற ஒரு நல்ல நிலையில் நீங்கள் இருக்கும்பொழுது, அது இறப்பதற்கான ஒரு நல்ல நாளாகப் பார்க்கப்படுகிறது. ஒரு நல்ல நாளில் நாம் இறக்க விரும்புகிறோம். எல்லாமே நன்றாக இருக்கும்பொழுது, நீங்கள் மகத்துவமாக உணரும்பொழுது, நீங்கள் செல்லவேண்டும்

யாரோ ஒருவர் பௌர்ணமி இரவில் இறப்பதைப் பற்றிய விபரங்களுக்குள் நான் செல்லவிரும்பவில்லை, ஆனால் வாழ்வின் ஒரு குறிப்பிட்ட ஓட்டம் உள்ளது, அதனால் தான் பொதுவாக ஏன் அந்த நாள் நீங்கள் இறப்பதற்கான நல்ல நாள் என்று கருதப்படுகிறது. குறிப்பாக நீங்கள் விழிப்புணர்வுடன் கடந்து சென்றால், அந்த நாளில் மேலும் அதிக இனிமையான தன்மையில் உங்களால் இறக்கமுடியும்.