ஈஷா சமையல்
மொறுமொறுப்பான பாதாம் புளோரண்டைன்
தேவையானப் பொருட்கள்
1¾ தோல் நீக்கிய பாதாம்
3 மேசைக்கரண்டி மைதா மாவு
1 ஆரஞ்சுபழத்தோல் (நன்கு துருவியது, தோராயமாக 2 மேசைக்கரண்டி)
¼ டீஸ்பூன் உப்புத்தூள்
¾ கப் தென்னங்கருப்பட்டி (பனங்கருப்பட்டி, பன வெல்லம் அல்லது நாட்டு சர்க்கரை)
4 மேசைக்கரண்டி ஃப்ரஷ் கிரீம்
5 மேசைக்கரண்டி வெண்ணெய்
½ டீஸ்பூன் வெண்ணிலா எசென்ஸ்
சாக்லேட் பூச்சுக்கு (விரும்பினால் மட்டும்)
50 - 100 கிராம் இனிப்பான சாக்லேட்
செய்முறை
- புளோரண்டைனுக்கு:
- 1. பாதாமை நறுக்கிக்கொள்ளவும். நறுக்கிய பாதாமை காய்ந்த வாணலியில் இட்டு, மிதமான சூட்டில் வறுக்கவும். பாதாம் வாசத்துடன் பொன்னிறமாக வரும் வரை மரக்கரண்டியினால் கிளறவும். அதை இறக்கி வைத்துக்கொள்ளவும்.
- 2. மைதா மாவினை மிதமான சூட்டில் வாசம் வரும் வரை லேசாக வறுத்துக்கொள்ளவும்.
- 3. ஒரு காய்ந்த பாத்திரத்தை வைத்து குறைந்த தீயில் வெண்ணெய்யை உருக்கவும். வெண்ணெய் உருகியவுடன் பாத்திரத்தை இறக்கிவிடவும்.
- 4. பின்னர் சிறிது சிறிதாக மாவினை சேர்த்து கட்டிகள் உருவாகிவிடாதவாறு கிளறவும்.
- 5. அதில் தென்னங்கருப்பட்டி (அல்லது உங்களுக்கு பிடித்த இனிப்பு), ஃபிரஷ் கிரீம் மற்றும் ஆரஞ்சுத் தோல் துறுவலை சேர்க்கவும். இதை மிதமான சூட்டில் வைத்து கிளறி, தென்னங்கருப்பட்டி முழுவதும் கரைந்து, இந்த கலவை கொதிநிலைக்கு வரும் வரை அவ்வப்போது கிளறவும்.
- 6. பிறகு இறக்கிவைத்து அதில் வெண்ணிலா எசென்ஸ்சை சேர்த்து கிளறவும். பிறகு வறுத்த பாதாமினை அதில் சேர்த்து நன்றாக சேரும் வரை மென்மையாக கிளறவும். சூடு ஆறும் வரை அப்படியே வைத்திருக்கவும்.
- 7. அதனை மேசைக்கரண்டி அளவில் எடுத்து உருண்டையாக உருட்டவும். பின்னர் அதை வட்ட வடிவில் தட்டிக்கொள்ளவும்.
- 8. நான்-ஸ்டிக் கடாயை குறைந்த தீயில் வைத்து சூடுபடுத்தவும். கடாயில் லேசாக வெண்ணெயை தடவும். 1 அங்குல இடைவெளியில் 3-4 புளோரண்டைன்களை வைத்த பிறகு, அதை மூடிவிடவும்.
- 9. அடிப்பகுதி மொறுமொறுப்பாகவும் மேலே நன்கு வேகும் வரையும் மிகக்குறைந்த வெப்பத்தில் அவற்றை வேகவிடவும். அவை வெந்த பிறகு கடாயை இறக்கி வைத்து ஆறவிடவும்.
- 10. இதுபோன்று மீதமுள்ள புளோரண்டைன்களையும் செய்து முடிக்கவும்.
- சாக்லேட் கோட்டிங்கிற்கு:
- 1. ஒரு பாத்திரத்தில் நீரினை கொதிக்க வைத்து, அதனுள் ஒரு கிண்ணத்தை வைத்து அதில் சாக்லேட்டை வைத்து உருக்கவும். பின்பு சூடு ஆறும்வரை விடவும், ஆறியவுடன் அதை புளோரண்டைன்களின் அடிப்பகுதியில் தடவவும். முள்கரண்டியினைப் பயன்படுத்தி அலைவடிவிலான வரிகளை சாக்லேட்டில் உருவாக்கலாம்.
- 2. கம்பி ரேக்கில், சாக்லேட் தடவிய பகுதி மேலே இருக்குமாறு புளோரண்டைன்களை வைத்து, சாக்லேட்டை உலரவிடவும்.
