உங்கள் சக்தியை தீவிரமாகவும், உங்கள் வாழ்க்கையை உற்சாகமாகவும் எவ்வாறு வைத்துக்கொள்வது?

"வாயு" என்ற வார்த்தைக்கான பொருள் "நகர்வது"; அந்த வார்த்தை காற்றையும் குறிக்கிறது. உடலளவில், இது ஐந்து அடிப்படையான வாயுக்களாக வெளிப்படுகிறது. நீங்கள் இதை இன்னும் ஆழமாக அறிந்துகொள்ள விரும்பினால், இந்த எண்ணிக்கை 10 என ஆகும். இதன் ஒவ்வொரு நுணுக்கத்தையும் நீங்கள் அறிந்துகொள்ள விரும்பினால், இது 84 என்றாகும். ஆனால் அவை மிக சூட்சுமமானவை. பல பிறவிகள் செலவிட்டு கூர்ந்த கவனத்துடன் இருந்தால் இவற்றை நீங்கள் கண்டறியலாம். பஞ்ச வாயுக்கள் அல்லது பஞ்ச பிராணன்களை நீங்கள் சரிவர கையாண்டால், மற்றவை அவற்றை தொடரும்.

உங்களின் சுவாசமானது, உங்கள் தொண்டைக் குழி மற்றும் தொப்புளுக்கு இடையே நிகழும் வகையில் நீங்கள் சுவாசிக்க கற்றுக்கொண்டால், உங்களின் பிராண வாயு தன்னைத்தானே மேம்படுத்திக் கொள்ளும். இவ்வாறு நிகழ்கையில், உங்கள் எண்ணங்களில் தெளிவு உண்டாகும். மேலும் கூடுதல் நன்மையாக உங்களின் வாசனையை நுகரும் உணர்வு மிகத்துல்லியமாக ஆகும். சக்தி சலன கிரியா பயிற்சியை நீங்கள் கற்றிருந்தால், நிச்சயமாக இது விஞ்ஞான முறைப்படி செய்யும் முறையாகும். நீங்கள் சக்தி சலன கிரியாவை 1008 நாட்கள், ஒருநாள் கூட இடைவெளி விடாமல் தொடர்ந்து பயிற்சி செய்தால், அதன் பிறகு நீங்கள் அயற்சி என்பதையே அறியமாட்டீர்கள்.

மற்றொரு காரணம், முட்டாள்கள் தாங்கள் மிக நவீனமாக மாறுவதாக எண்ணும்போது, அவர்களின் உணவு பழையதாக ஆகிறது. புதிதாக தயார் செய்த உணவு நாகரிகம் அற்றவர்களுக்கானது என்று அவர்கள் எண்ணுகிறார்கள். இது உலகெங்கிலும் நிகழ்கிறது. நீங்கள் மிக நாகரிகமானவராக இருந்தால், கட்டாயம் ஒரு பல்பொருள் அங்காடிக்கு சென்று, அங்கு பிளாஸ்டிக் டப்பா அல்லது ஸ்டீல் மற்றும் அலுமினியம் கேனில் அடைக்கப்பட்டு இருக்கும் உணவை வாங்கி, ஒரு மைக்ரோவேவ் அவன்-ல் சூடுபடுத்தி, பிறகு உண்ண வேண்டும். இத்தகைய உணவு குறைந்தபட்சம் 3 மாதங்களாவது பழையதாக இருக்கும். மக்கள், "இல்லை, அது குளிர்சாதனப் பெட்டியில்தான் இருந்தது. மேலும் அவர்கள் அது கெட்டுப் போகாமல் இருக்கும் வண்ணம் பதப்படுத்தும் பொருட்களை சேர்த்துள்ளார்கள்" என்கிறார்கள். இது இரட்டை தவறு.