நீரிழிவு போன்ற நாட்பட்ட நோய்கள் உள்ள ஒருவருக்கு யோகா உதவுமா?

அலோபதி மருத்துவத்தின் அடிப்படையான குறைபாடு

துரதிருஷ்டவசமாக மருத்துவ அறிவியல் நோயை மட்டுமே புரிந்துகொள்கிறது. ஆரோக்கியத்திற்கு அடிப்படையான வேர்கள் மற்றும் மூலத்தைப் பற்றிய புரிதல் அதற்கு இல்லை. நீங்கள் நீரிழிவு நோய் கொண்டிருந்தால், சர்க்கரை உங்களுக்கு பிரச்சனை அல்ல - உங்கள் கணையம் சரிவர செயல்படவில்லை என்பதே பிரச்சனை. அவசரகால நடவடிக்கையாக நீங்கள் சர்க்கரை எடுத்துக்கொள்வதை குறைத்துக் கொள்கிறீர்கள். ஏனெனில் அலோபதி மருத்துவத்தில் உங்கள் கணையத்தை செயல்படுத்த அவர்களிடம் வேறு வழிமுறைகள் இல்லை. அவர்கள் உங்களுக்கு அளிக்கக்கூடிய ஒரே தீர்வு, உங்கள் சர்க்கரை அளவை ஒவ்வொரு நாளும் பரிசோதித்து அதன்படி இன்சுலின் எடுத்துக்கொள்வது தான். அலோபதி மருத்துவம் என்பது அறிகுறிகளைப் பொருத்து சிகிச்சை செய்யும் முறை. மருத்துவர் உங்கள் அறிகுறிகளை கவனித்து அதன்படி உங்களுக்கு சிகிச்சையை வழங்குவார்.

அலோபதி மருத்துவம் எந்த ஒரு தொற்றுநோய்க்கும் மிக அற்புதமான தீர்வளிக்கும் ஒரு முறை; நான் பார்த்தவரையில், வெளியிலிருந்து உங்கள் உடலை பாதிக்கும் எந்த ஒரு நோய்க்கும் இதுவே மிகச்சிறந்த வழிமுறை. ஆனால் நமது உடல் நமக்குள் உருவாக்கும் நோய்களைக் குறித்து அதனால் எந்த தீர்வும் வழங்க முடியவில்லை - உதாரணத்திற்கு, நீரிழிவு இரத்தக் கொதிப்பு அல்லது ஒற்றைத் தலைவலி போன்றவை. நவீன மருத்துவ அறிவியல் நோய்களை நிர்வகிக்கும் முறைகளையே வழங்குகிறது. அந்த நோய்களிலிருந்து நீங்கள் முற்றிலுமாக விடுபடுவதை குறித்து அது பெரும்பாலும் பேசுவதில்லை. நோய்களை ஒரு குறிப்பிட்ட அளவில் கட்டுப்பாட்டிற்குள் வைத்து நிர்வகிக்க முழுமையான மருத்துவ அமைப்புகளும், பலவகையான நிபுணர்களும் இருக்கிறார்கள்.