ஒவ்வொருவர் வாழ்விலும் அலையென எழும் மாற்றங்கள்: ஒரு பெரும் குற்றவாளியாக கத்தி வீசிய கை, பேனா ஏந்தியது எப்படி

சிறைச்சாலையில் இருந்து வெளியில் வந்தவுடன், கோவையில் இருக்கும் ஈஷா யோக மையத்துக்கு பாவ ஸ்பந்தனா நிகழ்வில் கலந்துகொள்ளச் சென்றேன். அடுத்து சூன்ய தியானத்திற்கான தீட்சையும் பெற்றேன். இரண்டு முறை மஹாசிவராத்திரி கொண்டாட்டங்களில் கலந்து கொண்டதுடன், சத்குருவுடன் கைலாஷ் செல்லவும் பேராவல் கொண்டேன். நான் தினமும் யோகப் பயிற்சியை தொடர்ந்து செய்து வந்ததால், என் மனம் இலேசானது. எனக்குள் நான் வழக்கமாக உணர்ந்திருந்த மிருகத்தனமும், கோபமும், எந்தத் தடயமும் இல்லாமல் மறைந்துபோனது. பிறகு என் வாழ்வில் மற்றொரு திருப்புமுனை நிகழ்ந்தது - நான் திருமணம் செய்துகொண்டேன். என் மனைவியும் யோகா வகுப்பில் பங்கேற்க, இப்பொழுது நாங்கள் இருவரும் நாள் தவறாமல் எங்களது பயிற்சிகளைச் செய்கிறோம்.

ஒருமுறை நாம் கோபத்தில் கத்தி எடுத்துவிட்டால், அதைக் கைவிடுவது மிகவும் கடினம் என்பதை நான் உணர்ந்தேன். சட்டத்துக்குப் புறம்பான செயலில் ஈடுபடுபவனாக குற்றம் சாட்டப்பட்ட ஒரு நபர், எவ்வளவுதான் மாற்றமடைந்தாலும், மக்கள் அவனைப் பார்க்கும் கண்ணோட்டம் மிகவும் வேதனையானது. ஆனால், இவை அனைத்தும் என் வாழ்வில் நிகழ்ந்துள்ளன. எனக்கு 14 வயதாக இருந்தபொழுது, நான் தவறான பாதையில் செல்லத் துவங்கினேன். எனக்கு 28 வயதானபொழுது, ஈஷா யோகா வகுப்பு என்னை முழுமையாக மாற்றியது. என் நரம்புகளில் இளமையின் தீவிரம் ஓடிக்கொண்டிருந்தபோதே, எனக்குள் நிகழ்ந்த மாற்றம் வெளிப்படையாகத் தெரிந்தது.

ஒரு சில வருடங்களுக்கு முன்புதான், 23 வயதில், எனக்கெதிரான பல குற்றச் செயல்கள் பதிவு செய்யப்பட்ட நிலையில், 60 பேருக்கு மேல் என் ஆதிக்கத்தின் கீழும் வைத்திருந்தேன். அவைகள் அனைத்தையும் கைவிட்டேன். இப்பொழுது, நான் எங்கு சென்றாலும், என் வேலையை மட்டும் செய்கிறேன்.