தியானலிங்கம்: நெடுநாளைய கனவு எவ்வாறு சத்குருவின் மூலம் நனவாகியது

இணையாக, கடந்த சில ஆயிரம் ஆண்டுகளில் சுனீராவின் மகிமை பொருந்திய, ஆனால் சாத்தியமற்ற திட்டத்தைப் பற்றி அறிந்த சில குறிப்பிட்ட யோகிகளும் இருந்தனர். அவர்கள் அதே மாதிரியான சக்தியை உருவாக்க, அதே மாதிரியான வாய்ப்பினை உருவாக்கும் வேலையை, ஆனால் அதைப் பற்றிய முற்றிலும் மாறுபட்ட புரிதலுடன் தொடங்கினர். அவர்கள் ஒரு முழுமையான உயிரை உருவாக்க விரும்பினர், ஆனால் மனித வடிவத்தில் அல்ல. ஏனென்றால் மனித அமைப்பு திறன்களைக் கொண்டுள்ளது, ஆனால் அதை பிடித்து வைத்திருக்கத் தேவையான எல்லை நெறிபாடு இல்லை.

பல்வேறு இடங்களில் தியானலிங்கங்களை உருவாக்க பல முயற்சிகள் நடந்துள்ளன. கடந்த 2000-3000 ஆண்டுகளில் எத்தனையோ திட்டப்பணிகள் தொடங்கப்பட்டு, ஏதோ ஒன்று அல்லது மற்றொரு பிரச்சனை காரணமாக பாதியிலேயே கைவிடப்பட்டன.

அப்படி ஆசைப்பட்ட ஒரு யோகி என்னை இந்த வேலையில் அமர்த்தினார். அவருடனான எனது உடல்ரீதியான அருகாமை சில நிமிடங்கள் மட்டுமே நீடித்தது. அந்த சில கணங்களில், அந்த அற்புதமான திறமையான மனிதர் தனது திட்டத்திற்காக என்னை அடிமைப்படுத்தினார். நான் செய்ததெல்லாம் அதைச் சுற்றியே இருந்தது, ஏனென்றால் அது என் குருவின் கனவு. மேலும் தியானலிங்கத்தை உருவாக்குவது என்பது அவருடைய நோக்கம். இது எனது குருவின் விருப்பமும் அருளும் ஆகும்.

நான் என்னவிதமான பித்திலிருந்து வருகிறேன் என்பதை உங்களுக்கு சொல்ல வேண்டும். நான் இரண்டு பிறவிகளில் மிகவும் தீவிரமான, உண்மையிலேயே இதயத்தை உலுக்கும் சாதனாவை செய்தேன். இந்த இரண்டு பிறவிகளிலும் மக்களால் நான் சிவயோகி என்று அழைக்கப்பட்டேன். அப்போது, தேவைப்பட்ட தருணத்தில் என் குரு தோன்றித் தன் தடியால் என்னைத் தொட்டார், உணரப்பட வேண்டிய அனைத்தும் உணரப்பட்டன. எதிலும் ஒருவரால் இருக்கக்கூடிய உச்சநிலையில் நான் இருந்தேன்.

இந்த முறை, எல்லாவற்றையும் சரியாக நாம் திட்டமிட்டோம். எந்த அளவில் என்றால் எனக்கு தேவைப்பட்ட ஒரு சிலர் எப்படி, எங்கு பிறக்க வேண்டும் என்றும் நாம் முடிவு செய்தோம். அனைத்தும் திட்டமிடப்பட்டது, அதன்படியே நிகழ்ந்தது.

பிரதிஷ்டைக்கு தேவையானவர்களை சரியான இடங்களில் நான் வைத்தேன். அதனால் சரியான தருணத்தில் எல்லாம் சேர்ந்து வந்தன. அதையும் மீறி, இந்த வாழ்க்கையில் 18 வருடங்கள் அதை ஒன்றிணைக்க தேவைப்பட்டது - மக்களை ஒன்றிணைத்து, அவர்களின் போன பிறவியை அவர்களுக்கு நினைவூட்டி, அவர்களை அங்கு கொண்டுவர வேண்டியிருந்தது. இது மிகவும் விசித்திரமான கதையைப் போல தோன்றலாம். ஆனால் இது எங்களுக்கு வாழும் உண்மை.

பிரதிஷ்டை செயல்முறை மட்டுமே 3½ ஆண்டுகள் எடுத்தது. இது மிகவும் தீவிரமான செயல்முறையாக இருந்தது. இதை நேரில் கண்ட மக்களுக்கு, அவர்களின் வாழ்க்கை இனி ஒருபோதும் முன்பு போல இருக்காது. தங்கள் கனவில் கூட கற்பனை செய்ய முடியாத விஷயங்களை அவர்கள் கண்டார்கள். உண்மையில் அது தங்கள் முன்னிலையில்தான் நடந்தது என்பதை அவர்களால் இன்னும் நம்ப முடியவில்லை.

யோகி சுனீரா தனது வாழ்நாள் முழுவதும் செயல் செய்தார், மேலும் தனது வாழ்நாளின் இறுதியில், ஒரு முழுமையான உயிரை உருவாக்கும் அந்த கனவு நிறைவேறாமல் போன தருணத்தில், அவர் ஒரு தீர்க்கதரிசனத்தைக் கூறினார், "இனி நீண்ட காலத்திற்குப் பிறகு, இந்த வேலை நிறைவேறி அதிர்வலைகளை உருவாக்கும். இங்கே அல்ல, தெற்கின் பச்சை மலைகளில்." நம் மலைகள் பசுமையானவை, நாம் தெற்கில் இருக்கிறோம். சுனீராவின் தீர்க்கதரிசனம் உண்மையாகிவிட்டது, ஆனால் அவர் நினைத்த வகையில் இல்லை.

தியானலிங்கம் ஒரு வாழும் குரு போன்றது. ஆன்மீகத் தேடலில் இருப்பவரின் வாழ்க்கையில் குருவின் பங்கு போதனைகள் மற்றும் வழிகாட்டுதல்களை வழங்குவது மட்டுமல்ல. ஆன்மீகத் தேடலில் உள்ள ஒருவர் குருவைத் தேடுவதற்கான மிக அடிப்படையான காரணம் என்னவென்றால், ஒரு குரு அவரின் சக்தியை வேறு ஒரு பரிமாணத்தில் தூண்டிவிட முடியும். ஆன்மீகத் தேடலில் இருப்பவரின் வாழ்க்கையில் குருவின் பங்கைக் குறித்த அந்த அம்சம் தியானலிங்கத்தால் மிகவும் சிறப்பாக நிறைவேற்றப்படுகிறது. ஒரு நபர் தியானலிங்கத்தின் வளையத்தில் இருக்கும்போது, அவருக்குள் ஆன்மீக விடுதலைக்கான விதை விதைக்கப்படுவதில் இருந்து அவர் தப்பித்துக்கொள்ள முடியாது.