சத்குருவை தொடருங்கள்

ஈஷா சமஸ்கிருதி மாணவர்களின் திறன் மிகுந்த பாரம்பரிய நடனம், பாடல் மற்றும் களரிப்பயட்டு படைப்போடு அன்றைய மாலை நிகழ்வு துவங்கியது. சத்குரு பாரம்பரிய கலைகளை மக்களின் வாழ்வில் கொண்டுவருவதன் முக்கியத்துவத்தைப் பற்றி பேசி புராஜெக்ட் சமஸ்கிருதியை துவக்கி வைத்தார் இணையவழியில் இந்தக் கலைகளை அனைவரும் பயில்வதற்கு புராஜெக்ட் சமஸ்கிருதி ஒரு வாய்ப்பாக அமையும். பின்னர், சத்குரு அனைவரையும் சக்தி வாய்ந்த தியானத்தில் வழிநடத்த, அன்றைய நிகழ்வு நிறைவுபெற்றது.

பைரவி யந்த்ரா மற்றும் அவிக்ன யந்த்ரா வடிவில் தேவியை மக்கள் தங்கள் இல்லத்துக்கு எடுத்து செல்வதன் மூலம் பிரதிஷ்டை செய்யப்பட்ட சூழலில் வாழ்வதற்கான ஒரு அரிய வாய்ப்பு இது. இந்த யந்திரங்கள் லிங்கபைரவியின் வாழும் வடிவமாக, அவளின் சக்தி வாய்ந்த சந்நிதானத்துக்கான ஒரு நுழைவாயிலாக அமைந்துள்ளன. சக்தி வாய்ந்த செயல்முறையை பங்கேற்றவர்களுக்கு வழங்கிய சத்குரு, "நீங்கள் பைரவி தேவியை உங்களுக்கும் மேலாக பாவித்தால், அவள் இந்த வாழ்விலும் அதற்கு பின்னரும் உங்களை சிரமமின்றி வழி நடத்துவாள்" என்றார்.

புதிதாக அறிமுகமாகி மிக விரைவாக பிரபலமடைந்துள்ள ஆடியோ ஆப் ஆன கிளப்ஹவுஸில் நிகழ்ந்த சத்குருவின் உரையாடல் நிகழ்ச்சியை கேட்க உலகெங்கிலும் உள்ள 72 நாடுகளில் இருந்து 30,000க்கும் மேற்பட்ட மக்கள் ஆன்லைனில் இணைந்தனர். கர்நாடகாவை சேர்ந்த விஷ்வவாணி கிளப் ஏற்பாடு செய்திருந்த இந்த நிகழ்வை விஷ்வவாணி டெய்லி பத்திரிக்கையின் நிர்வாக ஆசிரியர் விஷ்வேஸ்வர் பட் முன்னிருந்து நடத்தி வைத்தார். இந்த உரையாடல் பயம், கோபம், ஆயுர்வேதம், சமூக ஊடக துன்புறுத்தல் மற்றும் சூழலியல் போன்ற பலதரப்பட்ட தலைப்புகளை குறித்தும் இருந்தது.

மைக்கேல் மோ 'க்ளோபல் சிலிக்கான் வேலி' என்ற பிரபலமான முதலீட்டு நிறுவனத்தின் நிறுவனர் மற்றும் தலைமை நிர்வாக அதிகாரி, மேலும் 'வால் ஸ்ட்ரீட் ஜர்னல்' என்ற பத்திரிகை வழங்கிய நிதி ஆய்வாளருக்கான "பெஸ்ட் ஆன் தி ஸ்ட்ரீட்" என்ற விருதைப் பெற்றவர். இதற்கு முன்பு 'திங்க் இக்விட்டி' என்ற நிறுவனத்தை நிறுவி அதன் தலைமை நிர்வாக அதிகாரியாக இருந்தவர் மைக்கேல். மெரில் லிஞ்ச்-சின் உலகளாவிய வளர்ச்சி ஆராய்ச்சியின் தலைவராகவும் அவர் பதவி வகித்து இருக்கிறார். அவர்கள் நிகழ்த்திய உரையாடலின் சாராம்சம் தொழில்முனைவு பற்றி அமைந்திருந்தது. ஒருவரை எது யோகியாக்குகிறது, தொழில்முனைவோர் பயத்தை எவ்வாறு கடந்து செல்வது, மேலும் மக்களால் நேசிக்கப்படுவதன் இரகசியம் ஆகியவற்றை குறித்து மைக்கேல் சத்குருவிடம் கேள்விகள் எழுப்பினார்.