தெய்வீகப் பெண்தன்மையை வரவேற்கும் தமன்னா பாட்டியா

ஈஷா யோக மையத்திற்கு நான் வந்து, தியானலிங்கத்தை உணர்ந்தபோது, அது என்னை அமைதிப்படுத்தியதாக உணர்ந்தேன். ஆனால் லிங்கபைரவிக்கு வரும்போது, அது அளவுகடந்த உற்சாகமாக உள்ளது. அது வழங்கும் இந்த விதமான சக்தி, மற்றும் இந்த அதிர்வானது மிகவும் பற்றிப்படருவதாக உள்ளது. அதில் இதம், அன்பு, மற்றும் உணர்ச்சித்துடிப்பு இருக்கும் காரணத்தால், நான் எப்போதும் அந்த விதமான உற்சாகத்தை நாடினேன்.  எனக்கு அதை உணர்வதற்கான வாய்ப்பு ஈஷாவில் கிடைத்தபோது, லிங்கபைரவி தேவியை வீட்டிற்கு அழைத்துவரவேண்டும் என்ற உணர்வு மேலோங்கியது. அப்போதுதான், ஒரு லிங்கபைரவி யந்த்ரா மூலம் பெண்தெய்வத்தையே வீட்டிற்கு வரவேற்கும் இந்த வாய்ப்பு கிடைத்தது.

உதாரணத்துக்கு, சத்குரு அடிக்கடி குறிப்பிடுவதைப்போல், லிங்கபைரவி தேவியின் நோக்கத்தையும், முக்கியத்துவத்தையும் புரிந்துகொள்வது நமக்கு எளிதாக இருக்கும்படி, அது ஒரு விதமான தொழில் நுட்பமாக, ஒரு இயந்திரமாகக்கூட இருக்கிறது. தேவி யந்திரத்துடன் என்ன செய்வது, ஏன் செய்வது, மற்றும் எப்படிச் செய்வது என்பதெல்லாம் என்னை மிகவும் வளப்படுத்துவதாக இருந்தது. எதனையும் கட்டுப்படுத்த முயற்சிக்காமல், ஒரு குறிப்பிட்ட பலனைப் பெறுவதற்கு, வழிமுறையைப் புரிந்துகொண்டு, பின்பற்றுவது அதிக முக்கியமானது என்று நான் கருதுகிறேன். தேர்ந்தெடுக்கப்பட்ட சிலருக்கு மட்டும்தான் என்பது இல்லாமல், லிங்கபைரவி தேவியின் அருளை நீங்கள் எப்படி வெற்றிகொள்ளமுடியும் என்ற செயல்முறையைப் புரிந்துகொள்வதனால், ஒவ்வொரு மனிதருக்கும் இது கிடைக்கிறது என்பதே ஒரு அழகான விஷயம்தான்.

இறுதியாக, என்னுடைய லிங்கபைரவி தேவிக்கு ஒரு அபிஷேகம் செய்யும் வாய்ப்பு எனக்குக் கிடைத்தது. அபிஷேகம் செய்தபிறகு, எனக்கு ஏற்படும் சக்தி எழுச்சி இணையற்றது. எனக்குள் மேலும் உந்துதல் ஏற்படுவது ஏனென்றால் பெண்தெய்வத்தை வீட்டுக்கு அழைப்பது மட்டுமல்லாமல், அவளது தன்மைகளை முழுவதுமாக உள்வாங்கி, அவளாக மாறுவதற்கான நேரம் வந்திருப்பதாக நான் எண்ணுகிறேன், ஏனென்றால், நாம் எதனை உருவகப்படுத்துகிறோமோ, அதுவாகவே மாற விரும்புகிறோம். நான் அப்படிக்கூறலாம் என்றால், என்னால் தேவியின் தன்மைகளை உள்வாங்கி, அவளின் ஒரு பிரதிபலிப்பாக இருக்கமுடியும் என்று நம்புகிறேன்.

பெரும்பாலும் நான் அறிந்திராமலேயே, தேவியின் சக்தி எப்போதும் என் வாழ்க்கையில் இருந்துவருவதாக நான் எண்ணுகிறேன். ஒவ்வொரு முறை நான் லிங்கபைரவி அல்லது வேறு எந்த தேவியின் சக்தி மையத்துக்குச் சென்றாலும், அங்கிருந்து திரும்பும்போது, நான் அதுவரை செய்வதற்கு அச்சம் கொண்டிருந்த விஷயங்களைச் செய்வதற்கான சக்தியுடனும், துணிவுடனும்தான் எப்போதும் திரும்பி வந்துள்ளேன். அவள் பயத்தை அகற்றுவதாக நான் உணர்கிறேன் – தோல்வியின் பயம், மரணத்தின் பயம், வாழ்க்கையின் பயம், மற்றும் எல்லாவற்றிலும் பயம். எத்தனையோ முறைகள் அது எனக்கு நிகழ்வதை நான் கண்டுள்ளேன். அந்த விதமான சக்தியின் இடவெளியில் இருப்பதால், திடீரென்று எனது பயத்திலிருந்து மீண்டுவரும் திறனை அது எனக்குள் உருவாக்குகிறது. உண்மையில் அது இதைச் செய்வதைத்தான்  நான் விரும்புகிறேன் : அது பயத்தை அகற்றுகிறது.