ஈஷா சமையல்

லெமன் தாஹினி - கருப்பு சுண்டல் கட்லெட் சாலட்

இரண்டு பேருக்கானது:

தேவையான பொருட்கள்:

கட்லெட் செய்ய

1 கப் கருப்பு சுண்டல் - இரவு முழுவதும் நீரில் ஊறவைத்து, வேகவைத்தது
1 நடுத்தர அளவு உருளைக்கிழங்கு - வேகவைத்தது
1 ஸ்பூன் இஞ்சி விழுது (தோல் நீக்கி, துருவியது அல்லது அரைத்தது)
¼ டீஸ்பூன் கொத்தமல்லித்தூள்
¼ டீஸ்பூன் சீரகத்தூள்
½ டீஸ்பூன் மிளகாய்த்தூள்
ஒரு சிட்டிகை மிளகுத்தூள்
2 மேசைக்கரண்டி நறுக்கிய கொத்தமல்லித்தழை
½ எலுமிச்சையின் சாறு
தேவையான அளவு உப்பு
2 மேசைக்கரண்டி அரிசி மாவு அல்லது கடலை மாவு
ஷாலோ ஃப்ரை செய்ய நெய் அல்லது எண்ணெய்
தூவுவதற்கு எள் (தேவைப்பட்டால்)
‍

சாலட் பேஸ்க்கு தேவையான பொருட்கள்:

2 கப் கோஸ் இலை, பொடியாக நறுக்கியது
1 நடுத்தர அளவு தக்காளி, பொடியாக நறுக்கியது
½ வெள்ளரிக்காய், பொடியாக நறுக்கியது
2–3 மேசைக்கரண்டி நறுக்கிய கொத்தமல்லித்தழை
2 டீஸ்பூன் வறுத்த எள் (அழகுபடுத்த, தேவைப்பட்டால்)

செய்முறை

சாலட் பேஸ் தயார் செய்ய, கோஸ் இலைகள், தக்காளி, வெள்ளரிக்காய் மற்றும் கொத்தமல்லித்தழையை இரண்டு கிண்ணங்களில் சமமாகப் பிரிக்கவும்.
ஒரு பெரிய கிண்ணத்தில், வேகவைத்த கருப்பு சுண்டல் மற்றும் வேகவைத்த உருளைக்கிழங்கை ஒரு முள்கரண்டி அல்லது உருளைக்கிழங்கு மசிக்கும் கருவி கொண்டு மசிக்கவும். முழுமையாக மசிக்காமல், சற்று கொரகொரப்பாக இருப்பது நல்லது.
இஞ்சி விழுது, கொத்தமல்லித்தூள், சீரகத்தூள், மிளகாய்த்தூள், கருப்பு மிளகு, கொத்தமல்லித்தழை, மாவு, எலுமிச்சை சாறு மற்றும் உப்பு சேர்த்து நன்கு கலக்கவும். இந்தக் கலவை ஒரு மென்மையான, ஒட்டும் தன்மை கொண்ட மாவாக இருக்க வேண்டும். மிகவும் பிசுபிசுப்பாக இருந்தால் சிறிது மாவு சேர்க்கவும், அல்லது மிகவும் உலர்ந்திருந்தால் சில துளிகள் தண்ணீர் சேர்க்கவும்.
கலவையை 8–10 சம பகுதிகளாகப் பிரித்து, ஒவ்வொன்றையும் ½ அங்குல தடிமன் கொண்ட சிறிய, வட்டமான டிக்கியாக (கட்லெட்) வடிவமைக்கவும். (விருப்பப்பட்டால்: மேலே எள் தூவவோ அழுத்தவோ செய்யலாம்.)
ஒரு பெரிய நான்ஸ்டிக் ஸ்கில்லெட் அல்லது கடாயில் மிதமான சூட்டில் நெய் அல்லது எண்ணெயைச் சூடாக்கவும். சூடானதும், டிக்கிகளை ஒரே அடுக்கில் வைத்து (தேவைப்பட்டால் பல தொகுதிகளாக) ஒவ்வொரு பக்கமும் 2–3 நிமிடங்கள் அல்லது பொன்னிறமாக, மொறுமொறுப்பாக மாறும் வரை ஷாலோ ஃப்ரை செய்யவும். அதிகப்படியான எண்ணெயை வடிக்கவும்.
டிரெஸ்ஸிங் தயாரிக்க, ஒரு கிண்ணத்தில் தாஹினி, எலுமிச்சை சாறு, மிளகாய்த்தூள் மற்றும் உப்பை ஒன்றாகக் கலக்கவும். டிரெஸ்ஸிங் மென்மையாகவும், ஊற்றக்கூடிய பதத்தில் வரவும், தேவைப்பட்டால் ஒன்று அல்லது இரண்டு மேசைக்கரண்டி தண்ணீர் சேர்க்கவும்.
சாலட்டின் மேல் சூடான கட்லெட்களை அடுக்கி, கட்லெட் மற்றும் சாலட் இரண்டிலும் கோட்டிங் வரும் அளவு தாராளமாக லெமன்-தாஹினி டிரெஸ்ஸிங்கைத் தெளிக்கவும். பரிமாறுவதற்கு முன் ஒவ்வொரு கிண்ணத்திலும் வறுத்த எள்ளை (விருப்பப்பட்டால்) தூவவும்.

வீட்டிலேயே தாஹினி செய்யும் முறை (தேவைப்பட்டால்)

(தோராயமாக ½ கப் கிடைக்கும்)

தேவையான பொருட்கள்:

½ கப் தோல் நீக்கிய எள்
1–2 தேக்கரண்டி நல்லெண்ணெய், கலப்பதற்கு தேவைப்பட்டால் மட்டும்
ஒரு சிட்டிகை உப்பு (தேவைக்கேற்ப)

செய்முறை:

தேவைப்பட்டால், ஒரு சிட்டிகை உப்பு சேர்க்கவும்.
ஒரு உலர்ந்த கடாயில் எள்ளை மிதமான சூட்டில், அடிக்கடி கிளறி, லேசான பொன்னிறமும் வாசனையும் வரும் வரை வறுக்கவும் (தோராயமாக 3–5 நிமிடங்கள்). கருக விட வேண்டாம், அது தாஹினியை கசப்பாக மாற்றும்.
விதைகளை சில நிமிடங்கள் ஆறவிட்டு, பின்னர் மிக்ஸி அல்லது பிளெண்டருக்கு மாற்றவும்.
விதைகள் ஒரு கொரகொரப்பான, பொடியாக மாறும் வரை கலக்கவும். தேவைப்பட்டால், கிண்ணத்தின் ஓரங்களை வழித்துவிட்டு, தாஹினி மென்மையாகவும், க்ரீமியாகவும் மாறும் வரை தொடர்ந்து கலக்கவும்.
கலவை மிகவும் கெட்டியாக இருந்தால், நல்லெண்ணெயை ஒரு டீஸ்பூன் அளவு சேர்த்து, மென்மையான, ஊற்றக்கூடிய பதம் வரும் வரை மீண்டும் கலக்கவும்.