வெறுமையான ஒரு கூடாக அமருங்கள்
உள்மூச்சை அனுமதிக்கும்
வெற்றுக் கூடாக அமருங்கள்
உள்நுழையும் சுவாசம் அது
படைப்பின் உயிராக்கும் மணம் கொண்டு
உள்ளகங்களை சுத்திகரிக்கும்
உம் கழிவுகளை களிக்கும் வேற்றுயிரை
ஊக்கி வளர்க்கும் உள்ளிருப்புகள் மறைய
உள்ளகங்களை துடைத்தெடுக்கும்

இந்த வெறுமையில்தான்
உமக்கான சாத்தியங்கள்
எல்லாம் உள்ளன
‍
மீட்டப்படாத இசையின்
மாயத்தில் அதிரட்டும்
இந்த வெற்றுக் கூடு.