சமகாலத்தின் ஓசையில்லா தொற்றுநோய்: தனிமை குறித்து, அமெரிக்க சர்ஜன் ஜெனரலும், சத்குருவும் உரையாடுகின்றனர்

சமூகத் தொடர்பின்மையினால் நிகழும் இறப்பின் பாதிப்பு, புகைத்தல் மற்றும் உடற்பருமனால் நிகழும் இறப்பின் பாதிப்புடன் ஒப்பிடக்கூடியதாக உள்ளது. நமது வாழ்வில் ஒரு சமுதாய உணர்வு நமக்குத் தேவைப்படுகிறது.

தனிமையுணர்வில் காணாமல்போகும் ஒரு மிக முக்கியமான கருத்து என்னவென்றால், மற்றவர்களுடன் ஆழமாக தொடர்புகொள்வதற்கு, ஒருவர் தன்னுடனேயே தொடர்பில் இருக்கவும் தேவைப்படுகிறது.

எனது கண்ணோட்டத்தில், அதனை மறுகட்டமைப்பு செய்வது என்பது நம்முடைய தனிப்பட்ட ஆரோக்கியத்துக்கு மட்டுமல்லாமல், நமது குடும்பத்தின், நமது சமுதாயங்களின், மற்றும் உலகத்தின் ஆரோக்கியத்துக்காகவும் நாம் செய்யக்கூடிய மிக முக்கியமான விஷயங்களுள் ஒன்று.

யோகக் கலாச்சாரங்களில் கவனம் செலுத்தப்படும் ஒரு விஷயம்: உள்வாங்குதல் அல்லது விஷயங்களைப் புலனுணர்தல் மற்றும் விஷயங்களை வெளிப்படுத்துதலில் நீங்கள் செலவழிக்கும் நேரம் மூன்றுக்கு ஒன்று என்ற விகிதமாக உள்ளது. உள்வாங்குவதில் உங்கள் நேரத்தின் மூன்றில் இரண்டு பங்கையும், மற்றும் வெளிப்படுத்துவதில் மூன்றில் ஒரு பங்கையும் நீங்கள் செலவழித்தால், உங்களது வெளிப்பாடு ஆழமாகவும், அனைவருக்கும் பயனுள்ளதாகவும் இருக்கும்.

ஆனால் இன்றைக்கு, மிகவும் இளம் வயதினர் – ஒரு ஆறு வயது குழந்தைக்குக்கூட முகநூலில் ஏதோ ஒன்றைக் கூறி, வெளிப்படுத்துவதற்கு வாய்ப்புகள் உள்ளன. குறைந்தபட்சம் அதனை நீங்கள் தடைசெய்துவிட்டீர்கள் என்று நம்புகிறேன். இந்த மனிதப்பிறப்பு ஒரு அற்புதமான படைப்பு. நீங்கள் குழந்தையாக இருக்கும்போது, உங்களால் முடிந்த அளவுக்கு அற்புதமான உலகத்தைப் பார்த்து, அதற்கான வார்த்தைகள் உங்களுக்குக் கிடைக்கும்வரை, வியந்து, உள்வாங்க வேண்டும். ஆனால் எல்லாவற்றையும், பலவும் அருவெறுப்பாக மாறக்கூடிய விதத்தில், நம்மிடம் ஒரு வார்த்தை உள்ளது, இந்த வெளிப்பாட்டில் வாழ்வை உணர்வதற்கான வாய்ப்பு இல்லை; அது வெறுமனே தெளிவற்ற இரைச்சலாக இருக்கிறது.

ஆனால் இந்த எல்லா மூன்று விஷயங்களும் உள்ள பலரை நாம் அறிந்திருக்கிறோம். இருப்பினும் அவர்கள் உண்மையில் நிறைவடைந்தவர்களாக இல்லை. பிரபலமாகவும், அதிகாரம் நிறைந்தும், செல்வந்தராகவும் இருப்பதில் தவறேதுமில்லை. ஆனால், இதைத் தவிர வேறெதுவும் தேவையில்லை என்று நாம் இளம் வயதினருக்குக் கூறும்போதுதான், இத்தகைய சவால் எழுகிறது. ஒருவர் தன்னுடனும், மற்றவர்களுடனும் கொள்ளும் ஆழமான ஒரு தொடர்பின் உணர்விலிருந்து எழும், நிறைவடைதலுக்கான ஒரு ஆழமான தேடுதல் இருந்துகொண்டிருக்கிறது.

நமக்குத் தேவையான நிறைவைக் கொண்டுவராமல், வலைத்தளத்தில் க்ளிக்குகளையும், நிதியையும் அதிகரிக்கக்கூடிய விதமான பழக்கங்களையும், நடத்தைகளையும், செயல்பாடுகளையும் தேடும் அடிமைத்தனத்தை எதிர்த்து, நிறைவைக் காண்பதற்கான நமது நோக்கத்துக்காக, நமது வாழ்க்கையில் கலாச்சார சக்திகள் மற்றும் தொழில்நுட்பத்தை எப்படி சமரசம் செய்வது என்று நாம் முடிவு செய்யவேண்டும்.

அடுத்த தலைமுறையைப் பற்றி அக்கறைகொள்ளும் மனிதர்களாக, தனித்திருப்பதற்கான இடங்களையும், நேரத்தையும் செதுக்குவதில் நாம் அவர்களுக்கு ஆதரவாக இருப்பதை நாம் உறுதிசெய்துகொள்ள முடியும். மேலும் மற்றவர்களுக்கு சேவை செய்வது உயர்ந்தது என்று அவர்களுக்கு வலியுறுத்துவதும், ஒவ்வொரு நாளும் யாரையாவது சந்திப்பதை அவர்களுடன் பகிர்ந்துகொண்டும், ஒரு உதாரணமாக இருந்து வழிகாட்டவும் முடியும். இது ஏதோ ஒரு நிகழ்ச்சிக்காகவோ அல்லது எந்த இரண்டாம் நிலை ஆதாயத்துக்காகவோ இல்லாமல், யாரோ ஒருவருடன் உண்மையான மனித நேயத்துடன் இணைந்திருப்பதே மதிப்பீடு மிகுந்தது என்பதற்கானது.

அதுகுறித்து நாம் எதையும் செய்யாமல் இருந்தால், அடுத்த பத்து வருடத்திலிருந்து பதினைந்து வருட காலத்தில், மனரீதியாக உடைந்த ஒரு நபராவது (குறைந்தபட்சமாக) இல்லாத ஒரு குடும்பம்கூட இருக்காது. நாம் ஏற்கனவே அதற்கான சில அடையாளங்களை எட்டியிருக்கிறோம். உடல்ரீதியான சுகவீனங்களுக்காக ஏதோ ஒருவித மருத்துவ பரிந்துரையின் பேரில் இருக்கும் 40 வயதிற்கு மேற்பட்டவர்கள் இல்லாத குடும்பம் ஏறக்குறைய இல்லை எனலாம். அதுவே மனரீதியான சுகவீனங்களுக்கும் பொதுவானதாக மாறிவிடும்.

உடல்ரீதியான சுகவீனங்கள் வலி மிகுந்தவை, ஆனால் மனரீதியான சுகவீனங்கள் கற்பனைக்கு எட்டாத அளவுக்கு வலி மிகுந்தவை. என் சொந்த புத்திசாலித்தனமே எனக்கு எதிராகத் திரும்பினால், பிரபஞ்சத்தில் இருக்கும் எந்த சக்தியாலும் என்னைக் காப்பாற்ற முடியாது. ஆகவே, தொழில்நுட்பத்தின் பொறுப்பற்ற பயன்பாடு உள்ளிட்ட, இத்தகைய விஷயங்களை மிக இளம் வயதில் அணுகுவது முக்கியமானதாக இருக்கிறது.

உங்களது உள்நிலை தொழில்நுட்பத்தை உயர்த்துவதற்கான நேரம் வந்துவிட்டது. நம்மையே உயர்த்திக்கொள்ளாமல், நமது செயல்பாட்டினை அதிகரித்தால், பிறகு நாம் துன்பப்படுவோம். மனிதர்கள் தங்களது உடலையும், தங்களது புத்திசாலித்தனத்தையும் தங்களது பொறுப்பில் எடுப்பது மிக முக்கியமான விஷயம். நமது பள்ளி அமைப்பு இதைக் கொண்டுவர வேண்டும். பள்ளி என்பது வெறும் அரிச்சுவடி கற்பதைப் பற்றியது மட்டுமல்ல.

தொழில்நுட்பத்தை நிறுத்துவதற்கு வழியில்லை. தொழில்நுட்பத்தின் வேகத்தில் கொள்கைவரைவு நகரமுடியாது. இந்த வேகத்தில் அது நகர்ந்துகொண்டிருக்கும்போது, மனித மாற்றத்தில் நாம் மூலதனம் செய்யவேண்டியது மிக மிக முக்கியமானது. இதன் ஒரு பகுதியாக, ‘மனதின் அதிசயம்’ என்பதை நாம் தொடங்குகிறோம். பூமியிலேயே மனிதமனம்தான் மகத்தான அதிசயம். நீங்கள் காணும் எல்லா மகத்தான தொழில்நுட்பங்களும் இதிலிருந்துதான் வருகின்றன.

மனித மனம் ஒரு அதிசயம், ஆனால் பெரும்பாலான மனிதர்கள் அதனை, துன்பத்தை உற்பத்தி செய்யும் ஒரு இயந்திரமாகப் பயன்படுத்துகின்றனர். பூமியில் தனிமனித துன்பம் எப்போதும் இருந்துகொண்டுதான் உள்ளது. ஆனால் இப்போது, அது மிகப்பெரிய அளவில் நிகழ்ந்துகொண்டுள்ளது. ஆகவே, அதற்கு முடிவு கட்டுவதற்கான நேரம் வந்துள்ளது. அரசாங்கங்களும், நிர்வாகத்தினரும், மற்றும் அமைப்புகளும் இதனை அர்த்தமுள்ள, முக்கியமான வெவ்வேறு நிலைகளில் கையாள்கின்றனர். ஆனால் தனிமனிதர்கள் தங்களது உடல் மற்றும் மன ஆரோக்கியத்துக்கு தனிப்பட்ட முறையில் பொறுப்பேற்பதற்கு மாற்று கிடையாது.