எண்களின் ஆற்றல்: யோகாவில் 21 மற்றும் 84 எண்களின் முக்கியத்துவத்தைக் கண்டறிதல்

84 ஆசனங்கள்: வாழ்வின் அடிப்படைகளைக் கடந்து

கேள்வி: பாரம்பரிய ஹடயோகாவில் 84 அடிப்படையான ஆசனங்கள் இருப்பது ஏன்?

சத்குரு: 84 ஆசனங்கள் இருப்பது ஏன் என்று உங்களுக்குத் தெரியுமா? யோகாவில், இது 84வது படைப்பின் சுழற்சி என்று நம்பப்படுகிறது. இதற்கு மற்ற அம்சங்களும் உண்டு, ஆனால் இங்கே நாம் அவற்றைப்பற்றி பேசமாட்டோம். மனித அமைப்பில் 84 ஞாபகத்தின் பரிமாணங்களும், 84 நிலைகளிலான சாத்தியங்கள் அல்லது தடைகளும் உள்ளன, அதை நீங்கள் இரண்டு வழிகளில் பார்க்கமுடியும். அவற்றை நீங்கள் தடைகளாகப் பார்த்தால், அவற்றை கரைப்பதற்கு விரும்புவீர்கள். அவற்றை நீங்கள் சாத்தியங்களாகப் பார்த்தால், உயரே ஏறிச்செல்வதற்கு அவற்றை படிக்கற்களாகப் பயன்படுத்த விரும்புவீர்கள். இரண்டுமே சரியானது; அவற்றை இரண்டு வெவ்வேறு வழிகளில் அணுகுவதுதான் இது

ஞாபகங்களின் 84 பரிமாணங்கள் இருக்கும் காரணத்தால், 84 ஆசனங்கள் உள்ளன. மற்றும் நாம் செய்வது அனைத்தும் 21 எண்ணிக்கையில் இருப்பது ஏனென்றால், அது 84-ன் கால் பங்காக உள்ளது. வழக்கமாக, ஒரு மனிதர் உடலளவிலும், சமூக நிலையிலும் ஒரு முழுமையான வாழ்க்கை வாழ்வதற்கு, உடலில் இருக்கும் 21 சக்கரங்கள் மட்டுமே செயல்படுவது தேவையாக இருக்கிறது. சக்தியின் மூன்று பரிமாணங்களைக் கருத்தில்கொண்டு 21 என்பது கூறப்பட்டது: பிங்களா, ஈடா மற்றும் சுஷூம்னா சக்தி நாடிகள்; இவை ஒவ்வொன்றும் 7 நிலைகள் உடையது; 3 நாடிகளை 7 நிலைகளால் பெருக்கினால் 21.

உடலில் 7 சக்கரங்கள் மட்டும்தான் இருப்பதாக மக்கள் தவறுதலாக நம்புகின்றனர், ஆனால் உண்மையில், 3 சக்தி பரிமாணங்களில், 3 சக்கரங்கள் ஒவ்வொன்றும் 7 வெவ்வேறு நிலைகளில் ஒன்றுபோல் செயல்படுகிறது – 3ஐ 7ஆல் பெருக்கினால் 21 சக்கரங்கள். ஆனால் இது மிகவும் அடிப்படையான முறையில் வாழ்ந்திருப்பது. நீங்கள் உடலளவில், மனதளவில் மற்றும் உணர்ச்சியளவில் முழுமையானவராக இருக்கலாம் என்றாலும், சக்தியளவில் நீங்கள் ஊனமடைந்தவராக இருக்கிறீர்கள்.

ஒருவேளை உங்களது கை மற்றும் கால் விரல்கள் 20 உடன் கூடுதலாக உங்களுக்கு ஒரு விரல் இருக்கும் நிலையில், மொத்தம் 21 விரல்களில், 5 மட்டும் செயல்பட்டால், உங்களை ஊனமுற்றவராகவே நாம் கருதுவோம். அதைப்போலவே, நான்கு உறுப்புகளில், ஒன்று மட்டும்தான் செயல்படுகிறது என்றால், உங்களை ஊனமுற்றவராகத்தான் நாம் கருதுவோம். அல்லது உங்களது மூளையின் 25% மட்டும் செயல்படுகிறது என்றால், உங்களையும் ஊனமுற்றவராகவே நாம் கருதுவோம்.

சக்திநிலையில், தற்போது அப்படித்தான் உலகம் இருந்துகொண்டுள்ளது. 21 சக்கரங்கள் செயல்பட்டால், நீங்கள் உடலளவில், மனதளவில் மற்றும் உணர்ச்சியளவில் நல்ல முழுமையான நிலையில் இருப்பீர்கள். அது என்னவென்றால், எளிமையான பிழைப்பு செயல்முறைகளைக் கடந்த எதையும் கண்டறியும் திறனற்றவராக நீங்கள் இருப்பீர்கள். தற்போது ஒட்டுமொத்த உலகமும் பிழைப்பிலேயே முனைப்பாக உள்ளது.

வாழ்வின் ஆழமானவை அனைத்தையும் நவீன சமூகம் கைவிட்டிருப்பதுடன், கேடுதரும் விஷயங்களைப் போற்றிப் பாதுகாத்து வருகிறது. உங்களது உணவு, உடை, கார் மற்றும் வீடு இவற்றைத் தவிர உங்களுக்கு வேறு எந்தத் தேடுதலும் இருக்கக்கூடாது. இவற்றைக் கடந்து நீங்கள் எதையாவது சிந்தித்தால், அல்லது நீங்கள் மேலே பார்த்தால், நீங்கள் பழமையானவராகக் கருதப்படுவீர்கள். அதேபோல், நீங்கள் கீழே பார்த்தால், நீங்கள் முற்காலத்தவராகப் பார்க்கப்படுவீர்கள். நவீனமாக இருப்பது என்றால், கடைகளின் ஜன்னல் வழியாக காட்சிப்படுத்தப்பட்ட பொருட்களை நாவூறப் பார்த்திருப்பது. கண்கள் மூடிய நிலையில் ஆசனங்கள் செய்வது முற்காலமாகக் கருதப்படுகிறது.