ನಮ್ಮನ್ನು ನಾವು ತಿಳಿದುಕೊಳ್ಳುವುದು ಹೇಗೆ? | ಸದ್ಗುರು

ಮನುಷ್ಯನ ಶರೀರ ವ್ಯವಸ್ಥೆಯು ಭೂಮಿಯ ಮೇಲಿನ ಅತ್ಯಂತ ಸೂಕ್ಷ್ಮ ಮತ್ತು ಪರಿಷ್ಕೃತವಾದ ಯಂತ್ರವಾಗಿದೆ. ಆದರೆ ದುರದೃಷ್ಟವಶಾತ್ ಹೆಚ್ಚಿನವರು ಅದನ್ನು ಹೇಗೆ ನಡೆಸಬೇಕೆಂದು ತಿಳಿದುಕೊಳ್ಳಲು ತಮ್ಮ ಆಂತರ್ಯದ ಕಡೆಗೆ ಗಮನವನ್ನೇ ಹರಿಸಿಲ್ಲ, ಮತ್ತು ಅದನ್ನು ಒಬ್ಬ ಕಮ್ಮಾರನ ತರಹ ಒರಟಾಗಿ ನಡೆಸುತ್ತಿದ್ದಾರೆ. ಇದರಿಂದ ಅತ್ಯಂತ ಸರಳ ಮತ್ತು ಮೂಲಭೂತ ವಿಷಯವಾದಂತಹ ಶಾಂತಿಯನ್ನು ಹೊಂದುವುದೇ ದುಸ್ಸಾಧ್ಯವೆನಿಸಿಬಿಟ್ಟು, ಶಾಂತಿಯನ್ನೇ ಜೀವನದ ಪರಮಗುರಿಯನ್ನಾಗಿಸಿ ಬಿಟ್ಟಿದ್ದೇವೆ!