"ನಮ್ಮ ಬಗ್ಗೆ ಅಷ್ಟೊಂದು ಚಿಂತೆ ಮಾಡೋ ನಮ್ಮ ಹೆತ್ತವರು ಜೀವನದಲ್ಲಿ ಸಂತೋಷವಾಗಿರೋದು ಸಾಧ್ಯನಾ?" ಎಂಬ ಪುಟಾಣಿಯೊಬ್ಬಳ ಪ್ರಶ್ನೆಗೆ ಸದ್ಗುರುಗಳ ಉತ್ತರ. #UnplugWithSadhguru

ಮಕ್ಕಳಿಗೆ ಸ್ವಾತಂತ್ರ್ಯವನ್ನು ನೀಡಬೇಕೇ, ಮತ್ತು ನಾವು ಒಳ್ಳೆಯ ಹೆತ್ತವರಾಗುವುದು ಹೇಗೆ ಎಂದು ಮಾಜಿ ಕ್ರಿಕೆಟ್ ಆಟಗಾರ ವಿ ವಿ ಎಸ್ ಲಕ್ಷಣ್ ರವರು ಸದ್ಗುರುಗಳನ್ನು ಪ್ರಶ್ನಿಸುತ್ತಿದ್ದಾರೆ. #UnplugWithSadhguru

ಮಕ್ಕಳನ್ನು ಬೆಳೆಸುವುದು ಸುಲಭದ ವಿಚಾರವೇನಲ್ಲ. ಮಕ್ಕಳು ದಾರಿತಪ್ಪದಂತೆ, ಅವರ ಬುದ್ಧಿ ಮತ್ತು ಸಾಮರ್ಥ್ಯಗಳು ಸಂಪೂರ್ಣವಾಗಿ ವಿಕಾಸವಾಗುವಂತೆ ಪೂರಕ ವಾತಾವರಣವನ್ನು ನಿರ್ಮಿಸಿ ಬೆಳೆಸುವುದು ಒಂದು ಸವಾಲಿನ ಕೆಲಸವೇ. ತಂದೆ-ತಾಯಿಯರು ತಮ್ಮ ಮಕ್ಕಳಿಗಾಗಿ ಎಂಥಹ ವಾತಾವರಣವನ್ನು ನಿರ್ಮಿಸಬೇಕು? ಹೇಗೆ ನಡೆದುಕೊಳ್ಳಬೇಕು? ಈ ವಿಡಿಯೋ ನೋಡಿ.

ಹೆತ್ತವರೊಂದಿಗಿನ ನಮ್ಮ ಸಂಬಂಧದ ಪ್ರಭಾವದ ಬಗ್ಗೆ ಲಕ್ಷ್ಮಿ ಮಂಚು ಅವರು ಸದ್ಗುರುಗಳನ್ನು ಕೇಳುತ್ತಾರೆ. ನಮಗೆ 21 ವರ್ಷಗಳಾಗುವವರೆಗೂ ನಮ್ಮ ಹೆತ್ತವರು ನಮ್ಮನ್ನು ಹಲವಾರು ವಿಧಗಳಲ್ಲಿ ಪ್ರಭಾವಿಸಬಹುದು. ಆದರೆ, ನಂತರ ನಮ್ಮ ಜೀವನವು ಹೊಸದಾಗಿ ನಡೆಯುವುದನ್ನು ಸಾಧ್ಯವಾಗಿಸಲು, ನಮ್ಮ ಮೇಲಿನ ಅವರ ಕರ್ಮದ ಪ್ರಭಾವವು ಕೊನೆಗೊಳ್ಳುತ್ತದೆ ಎಂದು ಸದ್ಗುರುಗಳು ಹೇಳುತ್ತಾರೆ.

ಹದಿಹರೆಯದ ಮಕ್ಕಳು ತಮ್ಮ ಮಾತನ್ನೇ ಕೇಳುವುದಿಲ್ಲ, ವಾದ ಮಾಡುತ್ತಾರೆ, ಜಗಳವಾಡುತ್ತಾರೆ, ಎಂದು ಪೋಷಕರು ಹೇಳುವುದನ್ನು ಕೇಳಿರುತ್ತೀರಿ. ಅಥವಾ ನೀವೇ ಹದಿಹರೆಯದ ಮಕ್ಕಳ ಪೋಷಕರಾಗಿದ್ದರೆ, ಇದು ನಿಮ್ಮ ಅನುಭವಕ್ಕೂ ಬಂದಿರುತ್ತದೆ? ಅವರು ಏಕೆ ಹಾಗೆ ಮಾಡುತ್ತಾರೆ? ಈ ಘರ್ಷಣೆಯ ಹಿಂದಿನ ಕಾರಣ ಏನು? ವಿಡಿಯೊ ನೋಡಿ.

ಬದುಕಿನಲ್ಲಾದ ಕಹಿ ಘಟನೆಗಳಿಂದ ಹೊರಬರೋದು ಹೇಗೆ?

ಆರೋಗ್ಯಕರ ಸಂಬಂಧದಲ್ಲಿ ದಂಪತಿಗಳು ಅರಿಯಬೇಕಾಗಿರುವುದು ಏನು? ಹತ್ತಿರವಿದ್ದವರು ದೂರವಾಗಿ ವಿರಹ ಅನುಭವಿಸುವುದು ಏಕೆ? ಪ್ರೀತಿ ಮತ್ತು ದ್ವೇಷ, ಒಂದೇ ನಾಣ್ಯದ ಎರಡು ಮುಖಗಳೇ? ಸಂಬಂಧಗಳಲ್ಲಿ ಕಹಿ ಬರದಂತೆ ಬದುಕೋದು ಹೇಗೆ? ಇಲ್ಲಿದೆ ಉತ್ತರ. ನಿಜವಾದ ಪ್ರೀತಿ ಎಂದರೇನು? ಒಳ್ಳೆಯ ಸಂಬಂಧದ ಗುಟ್ಟು, ಬ್ರೇಕಪ್ ನಂತರ ಮುಂದುವರಿಯುವುದು ಹೇಗೆ? ಮುಂತಾದ ಪ್ರಶ್ನೆಗಳಿಗೆ ಸದ್ಗುರುಗಳಿಂದ ಉತ್ತರಗಳನ್ನು ಪಡೆಯಿರಿ, ಕೆಳಗಿನ ಪ್ಲೇಲಿಸ್ಟ್ ನಲ್ಲಿ: https://youtube.com/playlist?list=PLk...

ನಾವು ಕುಟುಂಬಗಳನ್ನು ಏತಕ್ಕಾಗಿ ಕಟ್ಟುತ್ತೇವೆ ಮತ್ತು ಆ ಕಾರಣಗಳನ್ನು ನಾವು ಕಡೆಗಣಿಸಿದಾಗ, ಅವು ಪ್ರೀತಿಯ ಬಂಧಗಳಾಗಿರುವ ಬದಲು ಬಂಧನಗಳಾಗಿ ಹೇಗೆ ಮಾರ್ಪಾಡಾಗುತ್ತವೆ ಎಂಬುದರ ಕಡೆಗೆ ಸದ್ಗುರುಗಳು ಗಮನವನ್ನು ಹರಿಸುತ್ತಾರೆ.

ಯುವಜನರಲ್ಲಿ ಹೆಚ್ಚುತ್ತಿರುವ ಮದ್ಯ ಮತ್ತು ಮಾದಕ ವಸ್ತುಗಳ ವ್ಯಸನದ ಬಗ್ಗೆ ತೆಲುಗು ಚಿತ್ರಕಥೆಗಾರ ಮತ್ತು ಚಿತ್ರ ನಿರ್ದೇಶಕರಾದ ನಾಗ್ ಅಶ್ವಿನ್‌ರವರು ಸದ್ಗರುಗಳನ್ನು ಕೇಳುತ್ತಾರೆ. ಯುವಜನರು ಮಾದಕ ವಸ್ತುಗಳತ್ತ ಆಕರ್ಷಿತರಾಗುತ್ತಿರುವ ಕಾರಣಗಳ ಬಗ್ಗೆ ಸದ್ಗುರುಗಳು ವಿವರಣೆಯನ್ನು ಕೊಡುತ್ತ, ಜೀವನದ ಬೇರೆ ಬೇರೆ, ಉತ್ತಮವಾದ ಆನಂದಗಳನ್ನು ಅನುಭವಿಸುವುದನ್ನು ಕಲಿಯಲು ಸಹಾಯ ಮಾಡಲು ಕೆಲ ಸರಳವಾದ ಪರಿಹಾರಗಳನ್ನು ತಿಳಿಸುತ್ತಾರೆ.

ಮಗುವಿಗೆ ಬೇಕಾಗಿರುವುದು ಒಬ್ಬ ಸ್ನೇಹಿತ, ಬಾಸ್ ಅಲ್ಲ ಎಂಬ ವಿಷಯವನ್ನು ಇಲ್ಲಿ ಸದ್ಗುರುಗಳು ವಿವರಿಸುತ್ತಾರೆ. ನಿಮ್ಮ ಉಪದೇಶಗಳನ್ನು ಅವರ ಮೇಲೆ ಬಲವಂತವಾಗಿ ಹೇರಿದರೆ, ಅವರು ಸ್ವಾತಂತ್ರ್ಯದ ಭಾವನೆಯನ್ನು ಕಳೆದುಕೊಳ್ಳುತ್ತಾರೆ, ಮತ್ತು ಇದರಿಂದ ಅವರು ಮುಂದೆ ನಿಮ್ಮ ಮೇಲೆ ತಿರುಗಿ ಬೀಳಬಹುದಾದ ಸಂಭವನೀಯತೆ ಉಂಟಾಗುತ್ತದೆ. ನೀವು ಹಾಗೆ ಮಾಡದಿದ್ದರೆ ಮಕ್ಕಳೇ ನಿಮ್ಮ ಬಳಿ ಪ್ರಶ್ನೆಗಳೊಂದಿಗೆ ಅಥವಾ ಸಹಾಯ ಕೇಳುತ್ತಾ ಬರುತ್ತಾರೆ. ಆಗ ನಿಮಗೆ ಗೊತ್ತಿದ್ದಷ್ಟು, ನಿಮ್ಮಿಂದಾದಷ್ಟು ಉತ್ತರಗಳನ್ನು, ಸಹಾಯವನ್ನು ನೀಡಿ, "ನನಗಿಷ್ಟೇ ಗೊತ್ತು" ಎಂದು ಪ್ರಾಮಾಣಿಕವಾಗಿ ಒಪ್ಪಿಕೊಳ್ಳಬೇಕು ಎಂದೆನ್ನುತ್ತಾರೆ. ಹೆತ್ತವರು ಮಕ್ಕಳ ಮುಂದೆ ೧೦೦% ಪ್ರಾಮಾಣಿಕರಾಗಿರುವುದು ಬಹಳ ಮುಖ್ಯ. ಹಾಗೆಯೇ ಅವರನ್ನು ಕೆಟ್ಟ ಪ್ರಭಾವಗಳಿಂದ ರಕ್ಷಿಸಬೇಕು ಅಷ್ಟೆ, ಉಳಿದಂತೆ ಅವರನ್ನು ಸ್ವತಂತ್ರರಾಗಿ ಬಿಡಬೇಕೆಂದು ಹೇಳುತ್ತಾರೆ. ಅದೇ ಸಮಯದಲ್ಲಿ ಅವರು ನಿಮ್ಮ ಪ್ರಭಾವದಿಂದಲೂ ಸ್ವತಂತ್ರರಾಗಿರಬೇಕು ಎಂದು ಸೂಚಿಸುತ್ತಾರೆ. ಅವರೊಂದು ಸ್ವತಂತ್ರ ಜೀವ, ನಿಮ್ಮ ಆಸ್ತಿಯಲ್ಲ!

ಬದುಕಿನಲ್ಲಿ ಏನೇನೆಲ್ಲಾ ಮಾಡಬೇಕು ಎಂಬ ಆಸೆ ಹದಿಹರೆಯದವರಲ್ಲಿ ಇರುತ್ತದೆ. ಆದರೆ ಅವರ ಮೇಲೆ ತಂದೆ-ತಾಯಿಯರ ಹಾಗೂ ಸಮಾಜದ ನಿರೀಕ್ಷೆ ಬೇರೆಯದೇ ಆಗಿರುತ್ತದೆ. ಯುವಕ-ಯುವತಿಯರು ಇದನ್ನು ಹೇಗೆ ನೋಡಬೇಕು. ವಿಡಿಯೋ ನೋಡಿ.

ಹೆತ್ತವರು ನಮ್ಮ ಬದುಕಿನ ಹಾದಿಯನ್ನು ಪ್ರಭಾವಿಸುತ್ತಾರೆಯೇ ಎಂದು ಚಿತ್ರ ನಟಿ ಲಕ್ಷ್ಮಿ ಮಂಚು ಸದ್ಗುರುಗಳನ್ನು ಕೇಳಿತ್ತಿದ್ದಾರೆ.

ಸದ್ಗರು ಮತ್ತು ಅಮೇರಿಕಾದ ಪ್ರತಿಷ್ಠಿತ ಮೆನ್ಲೋ ಸ್ಕೂಲ್-ನ ಟ್ರಸ್ಟೀಸ್ ಮಂಡಳಿಯ ಸದಸ್ಯರಾದ ಜೋನಾಥನ್ ಕಾಸ್ಲೆಟ್-ರವರ ನಡುವೆ ನಡೆದ ಇತ್ತೀಚಿನ ಸಾಂಭಾಷಣೆಯೊಂದರಲ್ಲಿ, ನಮ್ಮ ಯುವ ಜನರು ಎದುರಿಸುತ್ತಿರುವ ಸಾಮಾಜಿಕ ಮತ್ತು ಶೈಕ್ಷಣಿಕ ಒತ್ತಡಗಳ ಬಗೆಗಿನ ಒಂದು ಪ್ರಶ್ನೆಗೆ ಸದ್ಗುರುಗಳು ಉತ್ತರಿಸುತ್ತಾರೆ.

ಬೆಳೆಯುತ್ತಿರುವ ವಯಸ್ಸಿನಲ್ಲಿ, ಯುವಜನತೆಯು ಆತ್ಮಸಂಶಯವನ್ನು ಹೇಗೆ ಕಳಚಿಹಾಕಬಹುದು ಎ೦ದು ನಟಿ ರೆಜೀನಾ ಕಸಾಂಡ್ರ-ರವರು ಸದ್ಗುರುಗಳನ್ನು ಕೇಳುತ್ತಾರೆ.