வேப்பம்பூ பச்சடி

ஈஷா ருசி

வேப்பம்பூ என்பது தென் இந்திய சமையலில் மிக முக்கியமான ஒரு கருப்பொருள். அதை வைத்து சுவையான வேப்பம்பூ பச்சடியும், ரசமும் வைப்பது எப்படி? படித்து தெரிந்துகொள்வோம்...

வேப்பம்பூ பச்சடி

தேவையான பொருட்கள்:

மாங்காய் - 1
வேப்பம்பூ - 1 கைப்பிடி
புளி - நெல்லிக்காய் அளவு
வெல்லம் - சுவைக்கேற்ப
மிளகாய் தூள் - 1 ஸ்பூன்
மஞ்சள்தூள் - 1 சிட்டிகை
உப்பு - தேவையான அளவு
கறிவேப்பிலை - சிறிதளவு

செய்முறை:

• சிறிதளவு நீர்த்த புளி கரைசலில் மஞ்சள்தூள் சேர்த்து கொதித்தவுடன் தோல் எடுத்து நறுக்கிய மாங்காய் துண்டுகளை சேர்க்கவும்.
• மாங்காய் வெந்தவுடன் வெல்லம் சேர்த்து சிறிது நேரம் கிளறி இறக்கவும்.
• வாணலியில் எண்ணெய் விட்டு மிதமான சூட்டில் வேப்பம்பூவை வறுத்து, அதில் உப்பு, மிளகாய் தூள் சேர்க்கவும்.
• அதை மிக்ஸியில் ஒன்றிரண்டாக பொடித்து வெந்த மாங்காயுடன் நன்கு சேர்த்து கலக்கவும். கடுகு, கறிவேப்பிலை தாளித்து கொட்டி கிளற வேண்டும்.

வேப்பம்பூ ரசம்

தேவையான பொருட்கள்:

வேப்பம்பூ - 2 ஸ்பூன்
புளி கரைசல் - 2 டம்ளர்
பருப்பு தண்ணீர் - 1 டம்ளர்
சீரகம் - 1 ஸ்பூன்
கொத்தமல்லி பொடி - கால் ஸ்பூன்
வரமிளகாய் - 2
மிளகு - 5
மஞ்சள் பொடி - சிறிதளவு
உப்பு - சுவைக்கேற்ப
வெல்லம் - கால் ஸ்பூன்
கடுகு - சிறிதளவு
நெய் - 1 ஸ்பூன்

செய்முறை:

• புளி கரைசல் மற்றும் பருப்பு தண்ணீர் தயார் செய்துகொள்ள வேண்டும்.
• சீரகம், மிளகு, மிளகாய், கொத்தமல்லி பொடி ஆகியவற்றை தண்ணீர் சிறிதளவு விட்டு அரைத்துக்கொள்ள வேண்டும்.
• அடுப்பில் வாணலியை வைத்து கடுகு தாளித்து, புளி கரைசல், பருப்பு தண்ணீர், அரைத்த கரைசல், மஞ்சள் பொடி மற்றும் உப்பு சேர்த்து நுரை கட்டியவுடன் வெல்லம் சேர்த்து இறக்கிவிட வேண்டும்.
• பிறகு வேப்பம்பூவை நெய்யில் சிவக்க வதக்கி ரசத்துடன் சேர்க்கவேண்டும். சுவையான வேப்பம்பூ ரசம் ரெடி.

குறிப்பு: பங்குனி மாதத்தில் மட்டுமே கிடைக்கும் வேப்பம்பூவை சேகரித்து நிழலில் உலர்த்தி பதப்படுத்தி வைத்துக்கொள்ளலாம்.