సద్గురు 360 - 5వ భాగం: కైలాష్, మానస సరోవరాల అగోచర పార్శ్వాలు | Kailash & Manasarovar

సద్గురు 360 ఐదవ భాగంలో, తర్కానికీ, ఊహకీ అందని ఎన్నో రహస్యాల లోతుల్లోకి వెళ్తూ, కైలాస పర్వతం, మానస సరోవరాల గూఢమైన స్వభావాన్ని సద్గురు వివరిస్తున్నారు. పురాణ గాథలు, తన స్వీయ అనుభవాలను జోడించి - కైలాస పర్వతం యొక్క గాఢత, అపారతల గురించి, అలాగే అది తనని ప్రతీ ఏడూ ఎందుకు వెనక్కి రప్పిస్తుందో సద్గురు మాట్లాడుతున్నారు. మానస సరోవరం కింద ఉన్న భూగర్భ ప్రదేశాల నుండి మొదలుకొని, కైలాస పర్వతంలో నిక్షిప్తమై ఉన్న గంభీరమైన జ్ఞానం వరకు - కైలాసాన్ని ఈ భూమి మీదే అతిపెద్ద గూఢమైన గ్రంథాలయంగా ఏది నిలుపుతోందో తెలుసుకోండి. ఈ భాగాన్ని ఆగష్టు 20న టిబెట్-చైనాలో రికార్డ్ చేయడం జరిగింది.

వేడుకలు, విందులకు అతీతంగా గణేశ చతుర్థికి ఉన్న లోతైన ప్రాముఖ్యతను సద్గురు విప్పుతున్నారు. శివుడు, కుబేరుడు, గణేశుడి కథ ద్వారా - జీవితంలోని ఆటంకాలను అధిగమించడానికి, ‘తీక్షణమైన మేధస్సు’, ‘సమతుల్యమైన స్వభావం’ ఎలా అసలైన మార్గాలుగా నిలుస్తాయో సద్గురు వివరిస్తున్నారు. సెప్టెంబర్ 15, 2026న ఈశా యోగా కేంద్రంలో జరిగిన సద్గురు దర్శన్‌లోని ఒక భాగం ఇది. ఈ దర్శన్ నుండి మరిన్ని భాగాలు త్వరలో రానున్నాయి. రెండవ భాగం కోసం చూస్తూనే ఉండండి.

ఆషాఢ మాసంలో, గురు పౌర్ణమి సందర్భంగా వస్తున్న సద్గురు 360 నాల్గవ ఎపిసోడ్‍లో, ఒక సాధకుడి జీవితంలో గురువు పాత్ర ఏంటి, గురువు అనుగ్రహం సాధకుడి ఎదుగుదలని ఎలా వేగవంతం చేస్తుంది, ఇంకా అంతర్గత పరివర్తనకు గురు పౌర్ణమిని ఎందుకంత ముఖ్యమైన సమయంగా పరిగణిస్తారనే విషయాల గురించి సద్గురు మాట్లాడుతున్నారు. 15,000 ఏళ్ల క్రితం ఆదియోగి ఆదిగురువుగా మారడంతో మొదలైన గురు పౌర్ణమి మూలాలను వివరిస్తూ, ఒకరి ఆధ్యాత్మిక అన్వేషణలో అనుగ్రహం, గ్రహణశక్తి, భక్తి, ఇంకా సాధనల అసలు ప్రాముఖ్యత ఏంటో సద్గురు వివరిస్తున్నారు. సప్తర్షులు, వివేకానంద, విశ్వామిత్ర, ఇంకా తేలు కుట్టిన ఒక గురువు వంటి వారి శక్తివంతమైన కథల ద్వారా, గురువు ఒక తత్వవేత్తగానో, ఓదార్పునిచ్చే మూలంగానో కాకుండా, జీవంలోని ఉన్నత పార్శ్వాలకు ఇంకా పరమ ముక్తికి ఒక ‘ద్వారంగా’ ఎలా పనిచేస్తారో సద్గురు తెలియజేస్తున్నారు.

ఆహారం గురించి డాక్టర్ సిర్కాళి శివచిదంబరం అడిగిన ప్రశ్నకు, మనం తినే ఆహారానికి, మనం నివసించే నేలకు, మన చుట్టూ ఉన్న పర్యావరణానికి మధ్య ఉన్న లోతైన సంబంధాన్ని యోగ శాస్త్రం ప్రకారం సద్గురు వివరిస్తారు. ఈ వీడియోలో, మీ శరీరానికీ, మీ పర్యావరణానికీ అనుగుణంగా ఆహారం తీసుకోవడం ద్వారా స్థిరమైన, ఆరోగ్యకరమైన, శక్తివంతమైన శరీరాన్ని ఎలా నిర్మించుకోవచ్చో ఆయన తెలియజేస్తారు